وها لعيووونكم مهان عليه اطلبن مني وما اكول تم ... بس فدووه لتضغطون عليه والله نقل الاحداث متعب
عطت شبيك راافد
طاح على وجها والسجين بظهرهاااااا انبلع صووتي حسيت انشل لساااني
شفت العالم تباووع ظليت اباوع بالوجوه اجه رجال وكف وصاح لا اله الا الله
اجه الثاني الثالث العالم التمت بالبااب اريد اعيط راافد كومم ما اكدر ايدي ما تتحرك حاضنه العلاكه اجت مره صرخت بوجهي ولج شبي زلمتج شصاير منو سوه بي هالشكل
وعيت على روحي هنا الا ظليت اعيط ورحت شمرت روحي على رافد واصررخ
ولك كوووم مو كتلي راح اصلح كلشي اليمته تبقى كذاب وتضحك عليه
كوووم رااافد فدووه كووم سمعت صوت سيارة الشرطه العالم مبتعدين يخافوون بس واكفين على راسي
الي يصفك بيده والي يمتمت بحجي بكيفه ويحلل والي ولي
محد اتقرب من رافد شاله وهو واكع بعتبت الباب والسجين بظهره ودمه سايح من كل ناحيه
من اجت الشرطه الناس كلها ابتعدت اجه الضابط ثنه ركبه يمي
* زوجته ؟
هزيت راسي باي واشهك واصيح كووم رافد كووم الاسعاف اجت جابو السديه شالو وانا ظليت اصررخ سويتها صددك هالمره وراح تتخله عني رافد مو كلت كلشي يتصلح تعاااااال صلح كلشي ووووين رايح
حوطو المكان واكفين وهوستهم هوسه اجت يمي مره يمكن من الجيران تهون عليه ردت اتبع الاسعاف الضابط منعني
صاح على شرطي تعال اخذها اجه الشرطي اخذني من ايدي ظليت صافنه هااي شكو
** ليش مرحت ويا رجلي
* هاي جريمة قتل لازم تنطين افادتج
ردت احجي ما خلاني بالمركز نحجي كاعده بالسياره مال الشرطه واندب حضي رغم اشكد كارهته وماذيني بس ما ردته يموت ردته ينصلح حاله ما ردتله المووت ابد
شويه واجه الشرطي ورحت وياهم انطي افادتي
غداً التكمله هاي الخاطركم غالياتي ❤️
