خفت على رافد من راح للكليه اشكد نهيته ميروح بس هاي الايام لكن كال الولد عازميني واصر يروح
كاعد بالمعرض على نار ما صدكت يصير وقت انتهاء الدوام اخذت تكسي ورحت
نزلت لكيته هو وباقر واحد يطحن بالثاني وهاي مو جديده عليهم من جانو صغار هذا وضعهم
فكيتهم ورحت اجيب سياره رافد
وشفتها
تبجي هيه وصديقتها يمها حسيت واحد من شراييني انكطع دمي الجان ينزل مو دموعها رحت يمها سئلتها باوعت بعيوني نظرتها موتتني هالكد شايله حزن اشكد تمنيت اعرف شبيها بس بيا حق
كملت طريقي شغلت السياره اجه وراي رافد ومشينه
* شبيك انت وباقر
رافد* لا تجيب سيرة هالعار هيج موضوع تافه بس هو لازم يسوي نفسه بطل
* السالفه بيها بنات مو
رافد* سيف سد الموضوع مالي طاقه احجي
بس كول ليش اجيت هنا
* الوضع مو امان رافد اتمنه اتقلل طلعاتك
رافد* شلون ننحبس بالبيت الله عليك
* ما كلت ننحبس بس خليك هاليومين وياي لتروح منا ومنا
رافد* ابشرك انا كرهت الكليه خلي باقر يتخرج و ارجع لو اسوي نقل
* لا السالفه جبيره هالمره اذا اكو شي كلي رافد
وافد* ماكو شي بس كرهت الكليه
اباوع الرافد يحجي بجديه وعيونه تنط شرار الف فكره ببالي اجت شنو صاير او شنو مسويله باقر الي خلا يكره الكليه بكبرها
وصلنه للبيت نزل كبل الغرفته ما طلع بعد
وانا رحت الغرفتي كل عاده اتلكتني لجين محتاره شتسوي وهاي يومين جسمي ياذيني وما متقربلها كرهتني روحي متنطيني فرصه
وانا منا مالي واهس بيها اكره تصرفاتها ما اصدك اخلص منها اطير للحمام وهم تبعتني
خلصت طرت بسرعه انزل اتغده اتلكتني امي شبي اخوك وشصاير ويا وليش ما قبل يتغده
* يما يماا انطيني فرصه ارد اخوي مبي شي واصلا متغدي ويا جماعته ارتاحي بنص كلامنه اجت ام سمير تركض
وداد* خيه ام سيف عذريني جيرانه صاير عدهم حادث وراح اروح
نجوى * يا ستار روحي خيه روحي شايله فلوس لا
* انتضري خاله انا اوصلج
وداد* خاله انت تعبان ما يحتاج بس حبيت اترخص
