اليوم اربع ايام وما بين بين الي حبيت غيابه حتى ما اتعود علي وبين الي اتسائل شعجب وليش ما داوم
كل عاده انا والبنات الي تقره والي تراجع والي تحش
بالعالم
انه جنت صافنه بغير عالم
ندى * في فييي ولج في وطرش
** شبيج طرشتيني هو هيج يصيحون
ندى* صار ساعه اصيح متسمعين وين بالج
** يمج بالي يعني وين بربج
ندي* اي اتمنه المهم حبيت اسئلج شخبار علي اخوج اخر مره كلتي حابس نفسه
** لا حمد لله زين ورجع يشتغل ادعوله يتخطى هالمرحله
رهف* ان شاء الله حبيبتي بس تره عادي هو مو اول واحد ميتزوج حبيبته
نوره* مو شغلت اول او اخر واحد بس هذا بالنسبه اله الحب الاول اكيد ينقهر يعني باني احلام وامال وكلشي انهدم بلحظه
** والله صح نوره لو تشوفينه ذيج الايام اشلون حاله بس هسه الحمد لله بده يرجع
ندى* يلا حمد لله بنات كومن بدت المحاضره يلا
كمنه كل وحده شالت اغراضها معرف شلون عيني راحت بناحية الكافتيريا وشفته طلع منها متجه للقسم مالتهم
معقوله مداوم وما اجه سئلني او .. شبيج في شجاي اتخربطين
نكتت الافكار من راسي ورحت وره البنات بس جذب كلشي ما فهمت من الدكتوره
طلعت من المحاضره رحت قريب الاستراحه يم الكافتيريا
اضحك علي نفسي واكول هنا زرع اكثر ف ماكو حر شويه وتبعتني البنات وظلينه نسولف بس عيوني تطاير بذيج الناحيه لحد ما شفته جاي باتجاهنه يباوع عليه مبتسم
...
العناد اكثر شي ياذي صاحبه مو الغير
اتعمدت بليل اخصر الصدريه مالتي شويه وانا عندي اماكن بجسمي بارزه انوثتي
الصبح لبستها اخر شي وطلعت بسرعه احنه متعودين انبدل ونتريك ونطلع هالمره سويت العكس خليت التبديل اخر شي حته لا احد ينتبه
بنص الشارع واسمع هورن يدك حيل
سرى* ولج هذا انور نوكف لو لا خلي نركض فدوه
* لا توكفين ولا تركضين امشي وسكتي طبيعيه خلي يولي
سرى* فدوه اساور شوفي خبصنه هسه العالم كلها تنتبه اشكد عيب
* استغفرك ربي جاي اكلج بس امشي وبس كانه مموجود شبيج
مشينه مسافه قليله وشخط بسيارته كبالنه ونزل
