Part (18)
“ Kyung Soo yah!! ”
Baekhyun ဆိုင်ထဲ ၀င်၀င်လာချင်း ထောင့်နားက ဝိုင်းမှာ ထိုင်နေလေတဲ့ Kyung Soo ဆီသို့ အပြေးလေးသွားလိုက်သည်။
“ အင်း..... Baekhyun ah လာ !! ”
Kyung Soo က အပြုံးလေးတွေနဲ့ တုံ့ပြန်တော့ Baekhyun လည်း စားပွဲဝိုင်းတွင်သာ ၀င်ထိုင်လိုက်သည်။
“ Aigoo ...... ငါတို့ Kyung Soo က ပြည့်လာလိုက်တာ !! ”
အရင်ကထက် အနည်းငယ် ဖောင်းနေတဲ့ Kyung Soo ပါးလေးတွေကို ကြည့်ရင်း Baekhyun ပြောတော့ Kyung Soo က ပြုံးသည်။
“ မင်းကကျ လုံးကစ်လာတာ !! ”
Kyung Soo စကားအဆုံး နှစ်ယောက်သားပြိုင်တူ ရယ်မိကြ၏။ ကိုယ်စီ လက်တွဲဖော် ရရှိပြီးနောက်ပိုင်းမှာ သူငယ်ချင်း နှစ်ယောက်လုံးက စိတ်ချမ်းသာစွာ နေထိုင်နေရသည်မှာ မေးစရာမလိုအောင်ပင် သိသာ ထင်ရှားလာရသည်။ ချစ်သူရ ကံကောင်းတဲ့ သူတို့နှစ်ယောက်ဟာ အပြည့်အ၀ ဂရုစိုက်ခံရမှုတွေကြား ကိုယ်စီ ပီတိအပြည့်ဖြင့် !!
“ ဦး Jong In နဲ့ သွားမနေသေးဘူးလား မင်းက ”
Jong In ၀ယ်ပေးထားတဲ့ ကွန်ဒိုမှာပဲနေရင်း အချိန်ပိုင်း အလုပ်မဟုတ်ဘဲ Jong In ကုမ္ပဏီတစ်ခုမှာတင် အခြေကျတဲ့ အလုပ်တစ်ခု ရနေတဲ့ Kyung Soo က ခုချိန်ထိ သီးသန့်နေနေတာမို့ Baekhyun မေးကြည့်ခြင်းဖြစ်သည်။
“အင်း..... ဦး ကတော့ခေါ်ပေမယ့် ငါဦး မိသားစုကို ရင်မဆိုင်ရဲသေးဘူး။ မေမေ့ကိုတောင်မှ အလုပ်နဲ့ အကြောင်းပြထားတာ မင်းသိရဲ့သားနဲ့ ! နောက်ပြီး ငါ့အိမ်ကို ထောက်ပံ့ဖို့ ဦးကို ၀န်မပိစေချင်ဘူးလေ ”
အအေးပိုက်လေး ကိုက်လို့ နားထောင်ရင်းပင် Kyung Soo ပြောသမျှကို Baekhyun ခေါင်းတငြိမ့်ငြိ့မ့်ဖြင့်သာ ........
ဘယ်လိုပဲဖြစ်ဖြစ် ကိုယ့်သူငယ်ချင်း အဆင်ပြေဖို့က အရေးကြီးတာမို့ Baekhyun ဆက်မပြောဖြစ်တော့ !!
“ ဘာနေနေ ဦး Jong In က သိပ် ချစ်၊ သိပ်ဂရုစိုက်တယ် မလား ”
“ မင်းကလည်း အဲ့လောက်ကြီးလည်း ဟုတ်ပါဘူး ”
ရှက်သွေးဖြာသွားတဲ့ Kyung Soo က အရင်တိုင်း မျက်နှာလေးတွေရဲလာပြီး ချစ်ဖို့ကောင်းတုန်း!!
YOU ARE READING
𝘋 𝘧𝘰𝘳 .......... 𝘋𝘢𝘥𝘥𝘺!! ( U + Z ) Completed
同人小说Park Chanyeol က သူ့ဘေဘီကို သိပ်ချစ်ပြမယ့်အကြောင်းတွေ ကို ပုံဖော်ထားခြင်းသာ............. 💛💛💛💛💛💛💛💛💛💛💛💛💛💛💛💛💛 Warning: ပေါ့ပေါ့ပါးပါး အချိုလေးတွေသာ ကြိုက်မှ ဖတ်ပါရန် !! ✌️ #OohYoonHan Main OTP - ChanBaek Side OTP - KaiSoo ( ဤ fiction သည...
