🥀لعنة🥀

#لعنة❤️🥀
💎 ليلى الرايس ♥️

تمشى جيهت الناموسية تسطح عليها حاط دراعو فوق عينيه عقلو خدام كيخطط ويفصل تفكر نهار عرفها فين هي ....

#فلاش_باك

جالس فالريسطو ديالو كيضور عينيه فالناس لي كاينين فمحاولة يشوف ملامحها فشي حد واخا غير تشابه ليه المهم يخفف على قلبو شوية... دازت 3شهور على هروبها منو لاحس لاخبر ...

عيا فالتقلاب فين ماكانت شي ريسطو ولا قهوة مشا ليها ربما تكون خدامة تما هادي اول فكرة جات فبالو اكيد غتكون خدامة فالميناج بحكم هي مقارياش اذن غيصعاب عليها تلقا خدمة مزيانة ...

حتى لواحد نهار جالس كيشرب قهوتو كيتسنا مهدي يبان ...
مهدي(ربت على كتفو وجلس): صافا،؟

حرك راسو باه ورشف من قهوتو المرة ...

مهدي(ركز الشوفة فيه ونطقها فوجهو): لقيتها..

توسعو عينيه بصدمة قرن حواجبو منين ماكملش هضرتو...

ناصر:كمل..

مهدي(تنهد): لي عليا درتو (حط ليه طيلي )شوف بعينيك..

شاف فيه مطول الشوفة حاس براسو غايشوف شي حاجة غتعكر ليه فرحتو حيث لقاها ..قرب طيلي يشوف وهو يتصعق فصورتها فواحد الموقع اليكتروني مشبوه لابسة كسوة قصيرة مبينة فخاضها وصدرها مزلع مابقا ليه والو يطل...صفعة قوية خداها مكانش متوقع تشد طريق عوجة ..غمض عينيه وحلهم اللون تبدل فوجهو ولا بحال شي ثور كينهج هز ديك طبلة وقلبها وقف شد قاميجتو بجوج يدين قطعها من الوسط حاس بالعافية شاعلة فيه مارضاش يشوفها معروضة ل**زواامل يكفتو عليها ....هز طيلي ديال مهدي كيشوف عنوان فين كاين هاد المحل لي كيبيع دوك الملابس على اساس محل تجاري كيسوق لسلعة ديالو اما فالحقيقة هو موقع معروف بين رجال الاعمال لي كيبغي شي بياسة نقية كيلتاجئ لهاد المواقع بعيد على الشبوهات......

خرج ساخط وكيتوعد لزهور بالعذاب فلحضة جات فبالو فكرة شحال من راجل نعس معاها ..تزير نفسو ضاقت عليه الا لقاها قدامو ينحرها بلا مايفكر....

فكر وخطط تاصل بالموقع جاوباتو غيثة بلباقة عرف منها فين كيتواجد المحل ..

دار راسو كليان وطلب منها بنت ترافقو فعشاء عمل.. قدمات ليه بنات اشكال والوان لكن هو كان متعمد يطلب زهور ...

غيثة :(عوجات فمها):الصراحة البنت محجوزة الليلة غتخرج فعشاء رومانسي...

زير على قبضة يدو وقال بتسائل: اول مرة ليها ؟

غيثة(بخبث):نو ماشي اول مرة (طلعاتو بشوفات اعجاب)نختار ليك بنت على ذوقي..

شاف فيها بنص عين : فالصراحة بغيتها هي(جبد زرقات حطهوم ليها فوق طبلة) على الاقل نشوفها عن قرب..