🥀#لعنة♥️🥀
فمكتب الكوميسير....
سليمان(شعل كارو): ايوا ماناويش تعتارف بالجريمة لي درتي؟
سامي(نص وجهو منفوخ بالضرب):ماقتلتهااش (قلبها بكى )والله مادرتها ماشي انا اشاااف ...
سليمان(ساط دخان الفوق): السلاح لقيناه عندك نتا ..!.شنو كايدير عندك تحت السرير؟
سامي(بهستيرية):ماعرفتش ماعرفتش ماشي انا مادرتهاش ...
طفى الكارو فطفاية وعيط على واحد من البوليس طلب منو يرجعو لبلاصتو حتى يدوز فالمحكمة ويتحكم بجوج جرائم...
سليمان عارف ومتأكد الجريمة ديال هند ناصر هو مولاها لكن ماكاينش دليل ضدو ..حتى من الأب ديالها ماتهموش بالعكس قال عليه بلي هو راجل نقي وبعقلو وماشافو منو غير الخير....
القضية معقدة من حيث الدلائل القليلة بحال ميساجات لي لقاو فالتيليفون ديال سامي ولي كان باين منهم تهديد لهند الا ماجابتش ليه لفلوس يقدر يشوهها ..وهنا ربطو تهديدو فخانة الجرائم....والسلاح المستخدم ماكانت عليه حتى بصمة واضح ان الجاني ذكي مايمكنش يغفل على شي حاجة بحال هادي .....يعني السلاح ماعليه حتى بصمة لا سامي ولا غيرو ...فهاد اللحضة الاهم هو فين تلقى السلاح ديال الجريمة ...والسلاح لقاوه تحت السرير اذن سامي هو المتهم الرئيسي فالجريمة.......
سامي لي كان بحال المنشار طالع واكل نازل واكل فهند..كانت ليه وفنفس الوقت لرجال كاملين لي دفع فيها لفلوس يقدمها ليه دوز ليلة معاه ...
هادي هي الحياة لي طاحت فيها هند وهادشي بسباب تهديدات سامي ...كون صارحات ناصر نهار الاول ماكانتش غطيح فهاد الحفرة...
فالدوار......
زيد(متكي فوق خدية كبيرة ): عاودي ليا قصة عافاك اماما..
كيبلق فيها دوك العينين زورق لي واخد من هند ..لونهم بحال زرقة السماء....
زهور(تبسمات ليه):واخ ..ولكن قبل سير جيب ليا من الكوزينة ملوية مدهونة بالعسل ..
ناض بالخف كيجري بفرحة...
رجعات راسها فوق الخدية مغمضة عينيها مرتاحة شي حاجة فالداخل ديالها ذابت من جيهت ناصر ..بحالا شي حاجة كانت جامدة واقفة ليها فصدرها ودبا ذابت مابقاتش ديك الغصة وداك احساس بالخوف منو....
رجع لعندها هاز فيدو طبسيل فيه جوج ملويات بالعسل..غير شافتهم ريوكها سالو عليه..
شدات منو طبسيل وبدات دمق بيهم تاكل وتبنن فيه..
زهور:ااام شحاال بنييين (لحسات جناب فمها) بنييين كول(مدات ليه طريف).
زيد(تمخشش فيها بحب ):ماما كانبغيك بزاااف كثر من بابا...
