🥀#لعنة❤️🥀
✍️بقلم ليلى الرايس ♥️
زهور:ااااع ناااصر لاااا عفاااك طلق منيي...
ماكانش واعي بشنو كايدير ..غواتها ماحرك فيه والو من غير زاااد فعنفو كثر... طلع فوق منها رامي ثقلو كامل عليها وخشا راسو فعنقها وحتاها بعضة حتى تراساو سنانو والجلدة دمغاات حتى خرج الد**م... عينيها خرجو بديك العضة خلاها تشهق مألمة حتى النفس ماقدراتش تخرجو ..حاولات تفك منو وتدفع فيه ماتحركش ...شدها من شعرها لاويه على يدو وزير عليه حتى تعوج راسها باش يبان ليه عنقها مزيان ونزل كيعض فيه ماكيبعد حتى تولي لبلاصة دايزة بالد**م.....
شوية بشوية بدات كتسكت فكل عضة كتزير على لفراش بيدها وكتشوف ففراغ بينما هو كيرسم خريطة بسنانو ...
**************
خناتة:(طالعة فيديها زيد): شوف اولدي بكي عليه باش يخليها تنزل ..صافي عنداااك تخرج بلا بيها لصق فيها واخا المرضي!!..
زيد:(لابس جبادور زرق)واخا امي غنجيبها معايا..
وقفات وعاودات وصاتو ماكدة عليه مايخرج حتى تجي معاه ...
خناتة:يلاه دخل انا نازلة ....
مشات خناتة عاد دفع هو الباب ودخل مع الدخلة شاف باه طالع فوق زهور بقا واقف كيشوف شنو كايدير باه ..
ناصر(كينهج): كرهينييي دبااا عااااد غتكرهيني مزيااان (عضها شفايفها بقسوة) ...
تاوهات مقصحة كتحس بعنقها كيوزوز وشنايفها تفلحو ..
تحطات يد صغيرة فوق ضهرو غير حس بيه تنملو عضلات جسمو وناض قافز كيسد قاميجتو لي كانو صدايفها محلولين ...دوز على شعرو مصدوم من شنو كان ناوي يدير ..لدرجة ماقدرش يشوف جيهتها تمشى هارب لدوش...
زيد(عينيه فداك الد**م لي فمها):ماماا (بداو الدموع كينزلو)مامااا ..
زهور(عينيها فالسقف ودماغها خدام كيفكر نطقات): ماتبكيش اولدي ماوقع والو ..
ناضت واقفة تغطات بليزار وتحركات جيهت العلاقة فين كانت جلابتها معلقة هزاتها ولبساتها بزربة وزيد كيمسح عينيه حاضيها ..لاحت شال فوق راسها ولبسات صندالة فرجليها ..جرات زيد من يدو خارجة بيه ....
زيد(غادي معاها):فين غاديين اماما؟
زهور:انا لي غاديا نتا غتبقى مع باباك ..
جر يدو منها زعفان:لالا غنمشي معاااك(بانليها غيطلق زواكتو)..
زهور:ششش صافي غنديك معايا تحرك دغيا خاصنا نخرجو من هنا....
جراتو من يدو وضارت من جيهة الكوزينة ...سربايا غاديين جايين كيحطو فالماكلا ..
زيد:ماما فيا جوع..
زهور(شافت فيه ):ماكليتيش؟
نفا براسو عينيه حاضيين السربايا لي هازين اللحم فالطباسل مزوق بالمشماش معسل والاناناس ..وصينيا فيها طبيسلات فيهم زيتون مشرمل مع خضرة مبخرة ....ريوݣهم سالو كرشهم كتغوت بجوع نهار كامل ماذاقو النعمة من فطور الصباح.....
زهور(وقفات سرباي):وقف تبعني بداك طبسيل ..
السرباي(عينيه فدوك طبايع لي فعنقها)فين نتبعك اختي؟
زهور:تبعني وسكت ...(دازت جيهت الكوزينة باش توصل الباب اللورانية خاص ضروري دوز من باب الكوزينة)....
تبعها السرباي عينيه متبعين فصالتها من اللور...
وقفاتو زهور:وقف ارا طبسيل ورجع نتا لكوزينة جيب معاك جوج خبزات وقرعة دلما وجيب معاك شي طنجرة صغيرة يالاه سير ماتعطلش عليا نتسناك هنا...(حركها زيد من جلابتها).
زيد:ماما قوليه يجيب موناضا الصفرا...
زهور:اييه ماتنساش موناضا الصفرا...
مد ليها السرباي طبسيل وتمشى لكوزينة يجيب ليها داكشي لي بغات مسكين غادي مرفوع ماعرف راسو باش تبلا تالقا راسو جايب ليها طنجرة وخبز وموناضا...
السرباي:هاهما باقا خاصك شي حاجة؟
زهور:ميكا نسيت لميكا سير دغيا جيب لينا ميكا نجمعو فيها هادشي....
مشى بزربة جايب ليها ميكا لقاها كتكب داك اللحم بمرقتو فطنجرة ...
زهور(كتمص صبعانها):الله يكثر خيرك هاك طبسيل ديه الكوزينة صافي سير كمل شغالك...
حنات الارض قطعات نص خبزة قسماتها فالوسط غمساتها فالمرقة وحطات فيها طريفات من اللحم ومداتو لزيد ...شدو بجوج يدين وبدا ياكل فيه...
رجعات كلشي فالميكا وناضت واقفة..
زهور: اش ساير دير هنا؟ مامشيتيش؟
السرباي:(حك راسو محرج):نسولك واش كاين شي مشكل؟
زهور:اينا مشكل؟
السرباي:وعلاش اختي هاربة من عرسك؟
زيد(ضحك):عرس عمي مهدي ههه(شد يدها)هادي ماما ماشي عروسة خالتي مينة هي لعروسة....
خرجات زهور بلا ماتزيد معاه فالهضرة خافت تحصل ..رتاحت منين لقات دنيا خاوية كلشي دخل يتعشا....
خلفات بزربة يد شادا بيها ميكا ويد لخرا جارا بيها زيد لي غادي وكيعض فالخبز.....
*************
تجمعو رجال فالخيما كيتعشاو ...مهدي ضار هنا وهنا مابانش ليه ناصر ناض تسلت منهم ودخل لداخل كيسول عليه...وقف سرباي وصاه يكلم ليه خناتة لي كانت مجمعة فصالون مع لعيالات ...
خناتة(وقفات عليه):ياك لاباس اولدي؟
مهدي: ناصر مابانش ليا.؟
خناتة:فبيتو مع ولدو ..
مهدي(حك راسو):عنداك يهز عليها يدو بان ليا هاد النهار طالعة ليه النقشة....
خناتة(تزاد معاها الزايد هاد التعطال ماشي نورمال):نطلع لعندو غير رجع نتا جلس مع حبابك...
رجع مهدي وطلعات خناتة لعندو ..دقات عليه عاد دخلات ضورات راسها فالبيت خاوي سمعات رشاشة ودازت دقات فالحمام...شوية تحل الباب وخرج ناصر مدوش ولابس حوايجو لي كان لابس من قبل....
قبل ماتهضر ضور راسو فالبيت مابانتش ليه..
خناتة:فين زهور؟؟
صغر عينيه فيها كيتاكد من سؤالها حتى تهز من قدامها خارج كيجري ....
#يتبع
🥀 🌟 الا قريتي ♥️
