🥀لعنة🥀

الكاتبة:ليلى الرايس....

🥀لعنة🥀

بعد مرور  يومين...

خناتة هازة طبسيل ملاوي غادة بيه لطبلة دلفطور فين كان ناصر وهند وولدهم...

ناصر(شدو منها ):علاش معذبة راسك اميمتي (باس يديها) الله يطول ليك فالعمر ..

خناتة( تتشوف بنص عين فهند):علاه شحال عندي من ناصر..

حطات ليهم مينة لعسل وزبدة البلدية وزيت العود ..

خناتة(كتكب لحليب لزيد):طلعي فيقي زهور تفطر ماحدو باقين لملاوي سخان..

هند(حنحنات وشافت فناصر):احم بغيت نمشي لدارنا..

ناصر:(كيشرب قهوتو)عاد جيتي من تما ...

هند(كتمثل الحزن):الواليدة صونات عليا البارح خاصها فلوس شيمي (حنات راسها)..

مسح فمو وناض مسمع ليها كلامو: وجدي راسك من دبا شوية نتحركو..(طلع لبيتو)...

خناتة كطلعها وتنزلها بشوفات كي القرطاس ..حامية فيها البيضة تموت وتنطق ..ماشي خناتة لي يدوزو عليها  كذوب هند ..

خناتة(طبطبات على ضهر زيد):طلع فيق زهور تفطر معانا نخرجو  نشوفو الخيل..

ناض فرحان طالع فدروج كيغوت على زهور.

زيد: ماما فيقي ماما نمشيو نشوفو الخيييل..

خناتة: (كتقلي السم لهند)ههه ماما ومعامن جات ماشي بحال شي وحدين زوااق والفواح على والو .

دفعات الكرسي وناضت قالبة وجها ..فيها مايجاوب ويبرد قلبها بالمعيور لكن هي باغة حاجتها مايمكنش تشاد مع خناتة ...

طالعة فدروج كتسب فخاطرها ..تلاقات بزهور هازة زيد كتهرو و كضحك معاه وهو مشرع فمو ببتسامة هادي يومين ماضحك بحال دبا ..يومين لي مشافش فيها زهور من نهار وقعات الحادثة ..

زيرات بيديها على طرابزون وكملات طريقها بحالا مشافتهومش ...

زهور(دازت حداها):صباح نور اخيتي ..

كملات طريقها بلا ماتجاوب .

زهور(باستغراب):مالها؟(حرك زيد كتافو ممسوقش) ..

نزلات مكملة طريقها لتحت...

زهور(باست راس خناتة خلاتها تشرع فمها بفرحة):صباح الخير اميي..

خناتة(كبات ليها قهوة):صباح الربااح على زينة السالف ..خودي ليك ملاوي مع عسيلة(قربات ليها) زيدي فطري نمشيو نشوفو الخيل...

زهور(بفرحة): نركبو عليه؟ هههه

زيد(ببرائة):انا نخاف منركبش لا.

زهور(عضات فلملاوي ):امم متخفشنت توين..

زيد:شنوو؟

سرطات عاد نطقات:قلت ليك متخافش زوين مكيعضش غير كيركل هههه بحال لحماار..

خناتة(ضحكوها):كملو فطوركم نوض نوصي مينة على الغدا .نرجع نلقاكم كملتو....

زهور(كدهن ملوية اخرى بالعسل عمراتها):واخ
اميي ..(لوات ملوية وعضات منها تعصرات ونزل منها لعسل جخلط ليها جنب فمها )امم شحال بنين هاد العسل(مدات لزيد)عض عضيضة .

نفى براسو:لا مابغيتش.صافي نوضو دبا ترجع امييي ..

كلاتها كاملة وشربات كاس ديالها عاد ناضت ..:نغسل وجهي ونجي ..

دازت الحمام قريب دخلات شافت فالمرايا لعسل محنك على فمها خرجات لسانها ولحساتو  ..

نزل مبدل حوايجو بقاميجة بيضة وسروال جينز كحل مع بروتكان فالكحل.هاز نضاضر فيدو..
وقف على زيد..

ناصر(عنكش ليه شعرو):خلاوك بوحدك؟

زيد:(بفرحة)غنمشيو مع امييي نشوفو الخيل وزهور غتركب عليه ..

هز حاجبو بإستغراب:تركب عليه؟

حرك راسو بلا حول السيدة تخوطرات ناوية تركب على الخيل وهما عاد جابوه ضروري يروضوه )فين هي؟

زيد:مشات تغسل وجها(شير ليه جيهت الحمام)..

تمشى عندها باغي يحذرها ماتركبش عليه ..

حل الباب وطل كانت تتشوف فالمرايا مخرجة لسانها كدوز على جناب فمها كتمص داك لعسل لي بقا ليها تم..

سهى فيها عينيه متبعين لسانها لكتخرجو ودوز بيه بشكل مثير .السيد طلعات معاه السخانة دماغو كيصور ليه  وضعيات منحرفة كديرهم ليه بداك اللسان ..

غمض عينيه وحلهم وقرب ليها ..

حسات بشي حد داخل ضورات راسها لباب .

زهور(بابتسامة):صباح الخير (طلقات الما)نمشيو نشوفو الخيل(كترش الما على وجها وتهضر بعفوية).

زنداتو شواتو حرقاتو بفعلتها..قطرات الماء نازلين على وجها دايزين على عنقها كيتسرسبو ..وناصر كيسيح معاهم  دوك الشنايف بحال لفريز منفوخين ساردين بالما كيقولو ليه اجي روي عطشك ..

حس بالراكد وقف كيتحرك فالسروال وهادشي ممسلكوش ....

ضارت لعندو مكمشة عينيها ملي مجوبهاش.(كتهضر معاه مسمع والو من كلامها.

زهور:  مبغيتيش؟

كان متبع غير شفايفها لي كيتحركو ..لاحض شوفاتها فيه مستغربة حنحن ونطق :متركبيش(حس بصدرو سخون ) متركبيش عليه حتى نكون معاك(عض شفتو تحتانية عينيه على شنايفها)انا نركبك عليه (ساط نفس سخون وخرج غادي كيفك صدايف قاميجتو بيد واليد الثانية كيقاد بيها الراكد لي باين معزول من السروال)..

تلاقا بهند نازلة شافتو فديك الحالة صغرات عينيها بشك ..حرك ليها راسو تبعو برا باش يمشيو ..دازت خارجة ضورات راسها بصدفة شافت زهور جاية  من ديك جيهة منين جا ناصر. غززات سنانها بغيض وخرجات كتحلف فيها ....

#يتبع