بقايا شغف

في ما بعد....

بابتسامتي على افكاري ونظراتي اللي تتفحص عمي التفتت لكيت زياد عينه عليه تعتب دنكت وتهربت منه بحجة اجيب فواكه ...

بالمطبخ واكفة وافكر بي زياد ما يستاهل هالعيشة ولا اني

اني ما معتادة على المشاكل كل شي قبله جان بحياتي حلو سهل وكلها تصيح تم وصار اذا طلبت من جدي هي نازلة كلهم يحبوني ويداورني وهواي دللوني عمامي كل واحد منهم الي اب ويحسسوني دومهم بهالشي ما تعودت الحياة تصعب واختاريت الهروب باول مطب ويه الرجال

لحكتني امي كالت روحي اني اجيب ...رجعت اول ما فتت عالصالة عينه صارت عليه وكال لعمامي نكوم نروح ...امي جلبت وعمي معد يقنع بي يضل وهو قافل واني حتى ما سالني بس كل شويه يكلي بدلي ملابسج نطلع من وكت هسه ....

ما كدرت اعاند ولا هو اصلا بي مجال صح يسولف ويضحك ويجامل بس دا اشوف نار بعينه ...طلعنا سويه وامي توصي بيه وشيلتني اكل وصوغات كومه محضرتهن الي ...

بس انسدت باب السيارة ومشت بدا عتابه
-ليش هيج دتسوين ؟؟
-تعبانة واجيت لاهلي اكتفيت بهالقدر من التفسير وسكتت هو عينه مره عليه مره عالطريق ومعصب يحرك بجسمه بمقعده عبالك شي ديكرص بي  ويسوق سريع حاجاني بعد وقت وكومه استغفار

-واني حجيت على جيتج لو مانعج فد يوم مسرة تالي ويه طبعج هذا شبيج متغيرة هيج ..تره تعبتيني
دمعت عيني وجاوبته
-انت هم متغير ببالك سالفة اني مو غبية....
-باوعي من الاخير تفسيرات من وحي خيالج لا تجيبين لا متغير ولا متزوج ولا كل هالاوهام اللي ما تتعدى افكارج بس ...زوجة اخويه من يوم صارت زوجة لاخويه بعد صارت محرمة الي وليومج ولالف سنه راح تضل هيج مدري شلون تفكرين
-كل شي يتغير
-يعني هذا ظنج بيه ؟ تكولين راح اطمع لو تدنى نفسي بعدين تعالي اني لو ببالي اتزوجها وهاي الف مره عدتها لو ببالي اتزوجها يا مسرة ليش تزوجتج اصلا مو هي كاعدة ويانا وكبالي من قبل ما اعرفج

سكتت ما عندي اي اجابه هو عصبي نار واني غيرتي حاركتني ...يستغفر ويتعوذ الشيطان وصلنا للبيت واني ما عاجبني انزل ولا اريد ابقى عد اهلي دنكت راسي افكر وهو اندار فتح بابي وبقى كامشها نزلت من يمه ووكفت بصفحة بين مايفتح الباب بالمفتاح تعبت وخفقان صار عندي سندت على حافة الحايط جرني لجانبه وانفتحت الباب وفتنا بالصالة مالت بيتنا سد الباب برجله واستلم وجهي شفايفي بشغف وحب يبتعد ياخذ نظره ويرجع يكمل ماعت روحي بالزايد وارتخيت احبه لدرجة اشف بي كل هالدنيا
-لعد من هيج انت !!ليش هيج تسوين بينا؟؟
-زياد اريد اكعد عفيه

ابتعد عني وكعدني واني انسنحت مثل عصفور مهلس ضاربه الحر اني ضاربني الحب مدري تعب حمل انخبطت
-شبيج عمري كومي استندي عليه اغسل الج
-ما ادري كلبي يخفك قوي راح اخرب
مددني وشال رجليه على كوشات وجاب الي عصير شربني ويحط بكفه مي ويمسح بكصتي وخدودي ويسولف وياي يطمني ماكو افكاري كلها غلط ...دك موبايله عبير شاله وضل يسال بيها عالبلاغ مالت المحكمة ومدري شنو لان هي اللي اشتكت وقامت دعوى عليهم مدري شنو يسون ديستفسر منها اني سمعت عمامي علموه شلون يتصرف وشيسوي