ذبحوك قدام عيوني ورب الكون لاخذ بثارك

البارت 38والأخير

عنوان الرواية:
ذبحوك قدام عيوني ورب الكون لأخذ بثأرك
.
البارت الثامن والثلاثون والأخير
.
للكاتبة المبتدئة:
«في وطني غريبة»
.
.
.
بعد مرور ثلاثه أيام
بيت أبو خالد
بالمساء
الكل بالصالون ماعدا ليان
راشد: وينها ليان
سلمى: ليان بجناحها تذاكر وراها إمتحانات
راشد توجه للدرج يبي يصعد لها
أم خالد: وين يايمه
راشد: أروح اشوف ليان
أم خالد: المفروض اليوم تعطيك رأيها
راشد: اي يمه وأنا أبي اسألها عن الموافقه أصلا
.
..
عند ليان بالجناح
قاعده تفكر بالموضوع وماقدرت تطلعه من راسها
وبنفسها: اليوم عمي راح يسألني عن رأيي
قطع حوارها معا نفسها صوت طق الباب
ليان بصوت شبه عالي: تفضل
راشد يدخل: مساء الخير
ليان تسكر الكتاب: هلا مساء الورد
راشد: كيفك ليونه وكيف المذاكره معك
ليان: الحمدلله ماشي حالها
راشد: هاه ليون ترى الرجال منتظر لردك
ليان وهي مستحيه ومنزله راسها: اي رد ياعمي
راشد يغمز لها: ااموافقه على الزميل هههه
ليان ترفع راسها وبجدية: موافقه يا عمي بس بشرط
راشد: والله هالساعه المباركه ومن حقك تشرطي أي شرط تبيه
ليان: أجل شرطي أنه مايصير شيء رسمي
راشد: كيف يعني مايصير شيء  رسمي
ليان: عمي مابي شيء رسمي يعني لا خطبه  ولا شيء لين تنتهي فترة سنوية ريان
راشد: ليان وش هالشرط ترى الرجال مستعجل وأنتي تدري أنه راح يتخرج بعد ثلاثه أيام ويبي يتزوج
ليان: اي أدري وإذا كان يبيني وشاريني راح يوافق على شرطي
راشد: وإذا ما وافق
ليان: إذا ماوافق خلاص مالنا نصيب في بعض
راشد: ليان تدري كم باقي لين تنتهي سنوية ريان
ليان: اي أدري باقي عشرة أشهر
راشد: بس هالفترة مرررة طويله
ليان: هاذا شرطي والوحيد ياعمي وإذا مايوافق عليه أجل الله يوفقه بغيري
راشد: طيب ولايهمك راح يصير إلي تبيه
.
..
...
في بيت أبو راكان
.
متجمعين على طاولة الإفطار والسكوت سيد المكان
قطع هدوئهم صوت جوال أبو راكان
أبو راكان: هلا والله هلا بـ راشد
راكان توتر من سمع اسم راشد
راشد: هلا فيك
أبو راكان: هاه بشر أن شاءالله ليان وافقت
راشد: أنا سألتها أمس وأي وافقت بس...
أبو راكان: بس ايش
راشد: البنت لها شروط
أبو راكان: هالشيء من حقها قول وش شروطها وأن شاءالله نلبيهم لها
الكل ركز على جوال أبو راكان
راشد: الحقيقه هو شرط واحد
أبو راكان: قول وش هو
راشد: البنت تقول ماتبي شيء رسمي لين تنتهي فترة سنوية أخوها
أبو راكان يناظر راكان: بس هالفترة طويلة ياراشد
راشد: والله أدري يامحمد وحاولت اقنعها بس ماوافقت
أبو راكان: أجل بتكلم معا الولد ونرد لك خبر
راشد: طيب الله معك
.
أبو راكان قفل وقام
أبو راكان وهو ماشي: راكان الحقني على المكتب
راكان قام بدون كلمه
حوراء بلقافه: الحب رافضه
أم راكان: وجع يوجعك يافال السوء
حور: أي والله فالها دايم سيئ
.
..
في المكتب
أبو راكان يأشر لراكان بمعنا أجلس
راكان جلس وهو متوتر وخايف من شرط ليان
أبو راكان: راكان البنت معاها شرط ومادري راح تقبله ولا لا
راكان: وش هالشرط يبه
أبو راكان: البنت ماتبي شيء رسمي لين تنتهي فترة سنوية أخوها
راكان بصدمه: كيييف
أبو راكان: هاذا شرطها موافق عليه ولا لا
راكان سكت شوي وبعدين تكلم: مافي أمل تتراجع
أبو راكان: والله عمها حاول يقنعها بس هي رافضه
راكان: خلاص يبه أنا موافق على شرطها
أبو راكان تفاجأ أن راكان وافق على الشرط ذا
أبو راكان: تتكلم جد
راكان: أي
أبو راكان: بس فترة طويله ترى عشره أشهر مو شهرين
راكان بنفسه:والله لو انتظرها العمر كله ما اخليها تروح لغيري
راكان: مايخالف يبه أصلا حتى انا مو مستعجل على الزواج وكذا أحسن عشان أكون نفسي واستقر بوظيفه وبعدين أتزوج
أبو راكان بفخر قام يحضن راكان: أي هاذا ابني إلي ربيته
راكان يبتسم ويبوس راس أبوه
.
..
أبو راكان أتصل على راشد وخبره أنهم موافقين على شرط ليان
.
..
...
عند ليان
الساعه2:30م
رجعت ليان من الجامعه وهي متعبه
صعدت جناحها عشان تريح
شوي وتجيها الخدامه
ليان: وش تبي سوزي
سوزي: بابا راشد يبقى أنتي
ليان: طيب شوي وأنزل
.
..
ليان تدخل الصالون
وتشوف راشد يسولف معا امه
ليان: السلام عليكم
راشد وأمه: وعليكم السلام
راشد: ليون كلمت أبو راكان بشروطك
ليان: أي
راشد يغمز لها وبكذب: راكان يقول أنا مستعد انتظرها العمر كله المهم ماتروح لغيري لأني راح امووت بدونها
ليان وجهها صاير ألوان من كلام عمها
أم خالد: راشد بس استهبال احرجت البنت
راشد: وليش احرجتها يمه أنا بس وصلت كلام راكان
ليان ترمي عليه الوساده وتروح: حيواان
راشد: ترى سمعتك
ليان بصوت عالي: حيواااان
.
..
صعدت ليان على جناحها
واتصلت بصديقه عمرها
هديل: ياهلا والله بشري
ليان: ماقبل شرطي
هديل بصدمه: ليش
ليان: مادري يقول مستعجل
هديل: وانتي وش قلتي
ليان: خلاص قلت يروح يتزوج غيري
هديل: لا لا لا لا يمجنونه وش سويتي
ليان: لو كان يبيني وشاريني كان وافق
هديل: ليان والله أدري إنك تطقطقين علي
ليان ماقدرت تكمل كذبتها وانفجرت ضحك: هههههه والله قاعده اتخيل شكلك
هديل: يعني وافق
ليان: أي وافق أنا ليان مو حي الله راح ينتظرني العمر كله مو بس سنه
هديل: الله الله ترى الثقه الزايدة شينه
.
..
... ــــــــــــــــــــــــــ…ـــــــــــــــــــــــــ…
..
.
بعد مرور سنتين
بيت أبو راكان
تحديدا بجناح راكان
ليان منسدحه على السرير وراكان جنبها
راكان يمسح على بطنها المنفوخ: ريانوو حبيبي باقي بس أسبوع وتجي تنور دنيتي
ليان تعانده: لا باقي شهر
راكان يحاوطها بين ذراعيه ويمثل العصبية: باقي بس اسبوووع انتظرته تسعه أشهر تبي انتظره الشهر العاشر بعد
ليان: عادي أنت متعود على الإنتظار ولا نسيت إنك انتظرت أمه قبله
راكان: لا مانسيت وبسببك  تعودت على الإنتظار ياظالمه
ليان: أي لازم تنتظر عشان يزيد الشوق
راكان: ياشين الشوق إذا حرمني من شوفه شيء أحبه
×××××
.
..
.
بعد اربعه أيام
راكان مندمج بشغله ومركز على ملف القضيه إلي قدامه
يقطع تركيزه صوت جواله
شاف المتصل ♡جنتي♡
راكان: هلا يمه
أم راكان: راكان وينك
راكان: بالدوام ليش
أم راكان: تعال لمستشفى ال.....
راكان: خير وش في عسا ماشر
أم راكان: خير ياولدي خير بس الظاهر ريان راح يشرفنا اليوم
راكان ما أقدر اوصف لكم فرحته
راح للمستشفى طيراان
.
..
.
شوي ويوصل يشوف الكل منتظر متى تخرج ليان
راكان: السلام عليكم
الكل: وعليكم السلام
راكان: كم صار لهم من دخلوا
أبو راكان: صار لهم تقريباً ساعه
راكان يسمع صراخ ليان من غرفه الولاده حس بتوتر وخوف صار يدعي لها بنفسه أن الله يعينها
مرت عشر دقايق
وافتتح باب الغرفه
الكل قام شافوا النيرس تطلع وهي تدفع سرير صغير قدامها
ناظر راكان فيه وشاف كائن صغييير أصغر من يده داخل هالسرير
النيرس: ألف مبروك سيد راكان الله رازقك ولد مثل البدر ليلة تمامه
راكان بفرحه: الله يبارك فيكي و الأم كيف صحتها
النيرس:الحمدلله بصحه جيدة
راكان كان يبي يأخذ الطفل بس النيرس منعته
النيرس: آسفه بس أنت الحين لازم تتعقم لأنك مليان جراثيم وهالشي راح يأثر على الطفل
راكان: طيب ومتى أقدر أشوف الأم
النيرس: ينقلوها الحين غرفه ثانيه وبعدين تقدر تشوفها براحتك
.
..
نقلوا ليان لغرفه ثانيه
والكل راح لها يتحمد على سلامتها ويبارك لها ماعدا راكان
شوي وراكان يدخل وبحضنه الكائن الصغييير
ليان من شافته نزلوا دموعها
راكان: ريان يبي يشوفك ويتعرف عليك
ليان تبي تاخذه
خرجوا إلي كانوا موجودين عشان ياخذ راكان وليان راحتهم
راكان يوضع الطفل بحضن ليان بحنيه
ليان بصوت باكي: الحمدلله الحمدلله الحمدلله يااارب الحمدلله خليتني أشوف ضناي الحمدلله
تبوسه بهدوووء وهي تبكي
ليان : آه يايمه تعالي شوفي حفيدك إلي كنتي تحلمي تشوفينه
راكان يحضنها من جنب ويبوس رأسها: خلاص ليونه مو زين البكاء لك أدعي لهم احسن من ماتبكي عليهم
ليان: الله يرحمهم
راكان: شوفي هالفصعون يشبهك
ليان بضحكه متعبه:هههه راكان الله يهديك من وين يشبهني وهو توه انولد مايبين من يشبه إلا بعد شهور
.
..
...
..
.

((.. °سـأحبـــــــــــك..

كما يشاء قلبي لا يهمني عقلي..
سـأعشقـــــــك...مثلما يوحي لي نبضي..
ﻋﺸﻘـــاً ﻟﻴــﺲ عـشــق ﺑــــﻞ ﺣﺘﻤـــــﺎ..ﺟﻨــــــﻮﻥ.....
ﻓﺄﻧــــﺎ ﺣﻴــــﻦ ﺃﻋﺸــــقك ﻻ ﺃﻋــــﺮﻑ..ﻣـــــﻦ ﺃﻛــــﻮﻥ...
ﺃﻧﺴــــى ﻛــــﻞ ﻣـــﺎ ﺗﻌﻠﻤﺘــــﻪ..ﻣــــﻦ ﻓﻨــــﻮﻥ....
ﻭﺃﺑــــﺪﻝ ﺍﻟﻌﻘـــﻞ الحكيم بالعقل..المـجـنــــــﻮﻥ°..))