عنوان الرواية:
ذبحوك قدام عيوني ورب الكون لأخذ بثأرك
.
البارت السابع والعشرون
.
للكاتبة المبتدئة:
«في وطني غريبة»
.
ليان شافت بداية الفيديو: وش ذا مقطع فاضي
راكان: أصبري شوي
مرت بعض الدقايق
وشافت إثنين رجال مغطيين وجيههم يدخلوا الغرفة ومعاهم بنت واضح أنها غايبه عن الوعي
ليان فتحت عيونها على وسعها من الصدمه: هاذي أنا
التفتت لراكان بصدمه وقفلت اللاب بدون لا تكمل المقطع
راكان: أدري أنه أنتي
ليان: من وين جايبه
راكان: طيب كملية
ليان: بالأول قول من وين جايبه
راكان خرج الضرف من جيبه ومده لها
ليان اخذته وفي رأسها علامه استفهام
فتحت الضرف وشافت فيه ورقة صغيرة
فتحتها وانصدمت باللي مكتوب وطاحت الورقة من يدها وهي للحين مصدومه
راكان: ليان أنتي بخير
ليان وبصوت مهتز دليل على البكاء: أي والله جاني لحد بيتي يحذرني بس بس أنا ماصدقته وقلت يروح ولا أطلب الشرطه أنا السبب في موت ريان
انهارت على الأرض تبكي وبصوت عالي: أنا السبب ياريتني صدقته ياريت ما طردته ياريت أخذت حذري من إلي حولي
راكان يجلس على ركبه: ليان وحدي الله كلنا بنموت وأنتي سويتي إلي عليك وهاذا المكتوب
قامت ليان توجهت للاب وفتحته
وبدأت تشاهد المقطع
لين وصلت الجزء إلي دخلوا ريان وهو مغمى عليه
ليان بصوت متقطع من كثر البكي: ليش ياريان ليش
ليش خليتهم يمسكوا عليك
وراكان يهدئها
لين وصلت للجزء إلي صوب المسدس لراس ريان
قامت تصارخ على الوليد ناسيه أنه مقطع فيديو
ليان: لا لا الله يخليك لا اقتلني أنا اقتلني بس لا تمس شعرة من ريان
الله يخليك لا تقتلته
راكان شاف حالتها كيف صارت مثل المجنونه قام سكر اللاب
ليان طاحت على الأرض تبكي بصوت مرتفع
كل الشباب النايمين صحوا
وتوجهوا لمصدر الصوت
دخلوا المطبخ وشافوا ريان يبكي على الأرض وراكان يحاول يهديه
أسامه بخوف مشى ناحيتهم
أسامه: ريان حبيبي وش فيك
ليان ماهي معاهم وكأنه اليوم إلي انقتل فيه ريان
كانت تبكي وتتكلم بكلمات ماكانوا يفهموا أكثرها
سلطان: وحد الله ياريان حرام عليك أدعي لهم بالرحمه
جراح: حرام عليك ياريان أنت الحين قاعد تعذبهم بقبورهم
ليان وبصوت مهزوز وعالي: أي قبر وهو للحين بالثلاجه قول أي قبر
الكل بصدمه شافوا لعندها
عزوز: مين إلي للحين في الثلاجه ياريان
ليان حست بالغلطه إلي سوتها وسكتت
سلطان: ريان تكلم مين إلي بالثلاجه لاتخاف والله العظيم راح نساعدك بالي نقدر عليه
راكان يبي يفكها من اسألتهم: خلاص شباب هاذا صديق ابوة انقتل وماحد عرف مين الي قتله وللحين بالثلاجه لين يتم القبض على القاتل
أسامه: خلاص ريانو وحد الله كلنا راح نموت
.
..
الساعه 7:30ص
الكل بعد إلي صار ما ناموا
وتجهزوا الكل عشان يروحوا الجامعه
.
ليان توجهت للمطبخ شافت راكان يسوي فطور
راحت له
ليان: راكان
راكان بدون شعور: عيونه
ليان انحرجت: احم امم وش كنت أبي أي صح أبيك تسحب على محاظراتك اليوم
راكان: ليش
ليان: عشان نروح ل أبوك
راكان وكأنه يتذكر: أي صح بس
ليان: بس شنو
راكان: ماينفع نروح وأنتي بهالملابس
ليان: ليش
راكان: كيف ليش تبي تجيبين العيد عند أبوي
ليان: طيب والحل ما أقدر اغير ملابسي والشباب هنا وبعدين مامعي عبائه معي بس جلال صلاه
راكان: خلي الشباب يروحوا وبعدين نخرج نشتري عبائة
ليان فجأة تذكرت عبائتها إلي كانت لابستها عشان لا يعرف العم جمال أنها متنكرة لما قررت تجي السكن
ليان: أي صح معاي عبائة في السيارة
راكان: أي أحسن عشان نختصر الوقت ونقدر نرجع قبل الشباب
.
بعد الفطور
الكل قام عشان يروح الجامعه
عزوز شاف راكان وريان ماقاموا معاهم: وأنتوا ولاخلاص تعودتوا تسحبوا على المحاظرات
راكان: أقول فارق قبل أقوم
أسامه: ماراح تحظرون اليوم
راكان: معاي مشوار ضروري أنا وريان إذا رجعنا منه بسرعه راح نحظر
سلطان: وين تروحوا
راكان: نروح نعزي أهل صديق أبو ريان
سلطان: اهاا طيب الله معاكم
توجهوا الشباب للجامعه
وراكان نزل يجيب العبائة من سيارة ليان
.
ليان راحت الحمام "وأنتوا في كرامه"
غسلت وجهها من الكريم واظهرت بشرتها الحقيقية
رجع راكان وهي تنتظرة
شافها وتم يناظرها بتمعن
ليان: راكان الله يخليك اعتبرني ريان ولاتناظرني كذي
راكان حس على نفسه وأبعد عيونه ومد لها الكيس إلي فيها العبائة
توجهت ليان لغرفة التبديل تبع الشباب ودخلت وقفلت
وفكت المشد الي مسويته لصدرها وخصرها
ولبست العبائة والطرحه والنقاب وطلعت
راكان شافها وفهى على شكلها
كانت صاااروخ جمال رباني وبدون مكياج
ليان في نفسها: الحين كل ماشافني كذا راح يفهي
ليان تتنحنح: خلاص يلا نروح
راكان صحى من سرحانه: هاه أي يلا تفضلي
.
..
...
عند راشد وعصام
وصلوا الدمام وتوجهوا على عنوان العميد أبو راكان
وصلوا المركز
سألوا على مكتبه ودلوهم
وصلوا على المكتب وفي ضابط مكتبه خارج مكتب العميد أبو راكان
راشد: السلام عليكم
الضابط: وعليكم السلام
راشد: العميد موجود
الضابط: أي منو اقولة
راشد: قول راشد اخو صديقه خالد
..
دخل الضابط على العميد أبو راكان
ضرب له التحيه
أبو راكان وهو يقرأ الملف إلي قدامه: وش تبي ياغسان
غسان: طال عمرك في حد برى يبي يقابل حظرتك
أبو راكان: ماقال منو
غسان: يقول أنه اخو صديقك خالد
أبو راكان: أخو صديقي
غسان: أي طال عمرك
أبو راكان: قله يتفضل
غسان ضرب التحية وطلع
.
..
شوي ويدخل راشد وعصام
راشد: السلام عليكم
أبو راكان من شافه أبتسم: وعليكم السلام هلا والله هلا
راشد: هلا بالمهلي
أبو راكان ياشر لهم يجلسوا: تفضلوا أيش تشربوا
راشد: تسلم مانبي شيء أنا اليوم جيتك أطلب منك المساعده
أبو راكان يضرب على صدرة: أبشر أنت تأمر وغلاوتك عندي من غلاوه خالد الله يرحمه
راشد: الله يرحمه وتسلم ماتقصر
أبو راكان: طيب ب وش تبي اساعدك
راشد: أبيك تدور على عيال أخوي
أبو راكان باستغراب: عيال اخوك
راشد: اي عيال أخوي خالد لهم أكثر من شهرين وهم مختفيين دورت بكل المطارات عن حجوزات ب اسمائهم بس مافي دورت عليهم بالمناطق القريبة بس ماشفتهم
أبو راكان: جايب شيء يساعدنا
راشد وهو يمد له ضرف: أي جايب لك بياناتهم وصورهم
أبو راكان وهو ياخذ الملف: طيب دورتوا بالمستشفيات
راشد:لا والله
أبو راكان وهو يقرأ البيانات: طيب أن شاءالله نشوفهم
راشد: أن شاءالله والله مابلغت أي قسم قلت ابلغك أنت لأنك الوحيد إلي راح تهتم بقضيتي ولأنهم عيال صديقك
أبو راكان: له له ياراشد والله بحاول بكل إلي اقدر عليه
..
.
.
عند راكان وليان بالسيارة
راكان: راح اتصل ل أبوي عشان اتأكد أنه بمركز الشرطه
ليان: اي أتصل
راكان يرن لين يفصل الخط
راكان: مادري ليش مايرد
ليان: يمكن مشغول
راكان: بس مو من عوايده يتجاهل اتصالي
ليان: طيب حاول مرة ثانية يمكن ماكان يسمعه
راكان يحاول مرة ثانية بس هالمرة جاه الرد
راكان: كيفك ياتاج راسي
أبو راكان: هلا والله وش تبي
راكان: سلامتك أبي اسأل أنت وين
أبو راكان: أنا في المركز ليش
راكان: خلاص شوي وأكون عندك
أبو راكان: خير عسى ماشر
راكان: خير خير مافي شي بس مشتاق لك
أبو راكان: علي ياراكان قول وش مسوي
راكان: لا والله ماسويت شيء يلا باي وقفل الخط بوجهه قبل يسمع الرد
.
..
...
عند أبو راكان
راشد: منو إلي أتصل لايكون راكان
ابو راكان: أي والله قال مشتاق لي وأنا أحلف انه مسوي مصيبة
راشد: هههه الله يحفظه يلا أنا استأذن وراي اجتماع بعد العصر
أبو راكان: الله يعينك ولاتحاتي أن شاءالله بيرجعوا لك سالمين غانمين
راشد: أن شاءالله
خرجوا راشد وعصام
.
عند مدخل القسم
كانت ليان وراكان داخلين
راكان شاف ليان خايفه: ليش خايفه
ليان: لأني أول مرة أدخل مركز شرطه
راكان: ليش ماكنتي تزوري أبوك بمكتبه
ليان: لا
قطع سوالفهم حد ينادي راكان
راكان التفت وراح ناحيته
راكان: هلا والله هلا نورتوا
راشد: بنورك يالقاطع وينك ماتسأل
راكان: والله مشغولين بالجامعه والامتحانات
راشد: الله يعينك
راكان: الجميع يارب
راشد وهو يشوف للي جت معا راكان: عيل روح للاهل لاتخليهم يتنظروا
راكان: طيب ماتبي شيء
راشد: لا سلامتك
وراح
.
عند ليان شافت للي نادى راكان وحست بالامان وكأنها تعرفه من زمان
وصل راكان وشافها شارده في تفكيرها
راكان: إلي اخذ عقلك يتهنى
ليان: مين إلي مناديك
راكان بغيرة: وأنتي وش دخلك
ليان مشت بدون كلمه وراكان لحقها
راكان: هاذا صديق أبوي وأخوة كان صديق أبوي بس مات بسبب تفخيخ سيارته
ليان بعدم إهتمام: الله يرحمه
.
..
...
وصلوا المكتب
دخلوا
أبو راكان: هلا والله نور....
تفاجأ لما شاف بنت ورى راكان.....
((٠٠كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق٠٠))
ESTÁS LEYENDO
ذبحوك قدام عيوني ورب الكون لاخذ بثارك
Misterio / Suspensoانتقام، فقدان، تنكر، حب، حزن، وفي الاخير..... .
