聽日的故事 (廣東口語版本)

明天會更好

校長又係度講：「各位同學，今年我們一百周年的校慶，為左......」

校長日日講，但係我次次都唔明佢講乜，返到課室陳老師就話：「今年我們學校一百歲生日，所以大家要練熟首歌，到時表演俾黎參觀的叔叔嬸嬸睇。」；仲尼就問：「咁有哥哥姐姐黎睇，係咪唔使表演啦。」鵬舉又問：「咁有公公婆婆黎睇，我又唔表演啦。」大家聽到咁，都笑晒出來，哈哈哈，成個班房都係笑聲。

陳老師都係度陪我們笑，等我們全部都笑完：「咁啦，今年我們學校一百歲生日，所以大家要練熟首歌，到時候嘉賓黎睇我們唱歌，或者嘉賓唔來睇我們唱歌，或者無人來睇都好，我們都表演。咁樣好唔好？」我們係度卡卡笑：「好，咁就表演啦。哈哈哈。」

我問老師：「老師，咁要唱乜野歌？超人，定係小露寶？我唱小露寶比較熟。」子貢話：「我鍾意唱，黃金戰士，千年女王都得：『傳說中有個女王善變似，白雲樣......』」我聽到子貢唱，我又唱：「老師唔係呀，小露寶好聽呀。大踏寶，實情確威武，小子衝鋒名大寶，人人皆知道。」子貢笑住話：「唱錯啦，係大踏步，實情......」陳老師笑住話：「呵呵，個個都好聽，不過今次我們要唱另一首，我們唱明天會更好。」

仲尼問：「老師，乜野係明天呀？」老師笑笑口指住我話：「你們問聽日啦。」我話：「明天咪我個名咯，明天咪即係我聽日咯，你咁都唔知。蠢，哈哈哈。」陳老師笑住同仲尼話：「唉，早知就唔叫你問聽日啦。明天的確是指聽日，但今次唔係聽日個名。明天會更好係一首歌的歌名，它有一個意思，不理今日我們的生活是好是壞，但我們相信，明天或將來，我們的生活會更好。」

大家一陣大叫：「好呀，唱明天會更好。老師咁點唱呀？係咪成日都住唱明天會更好啫？」陳老師話：「老師手度有張印好既歌詞，依家派俾你哋。」陳老師一邊派一邊話：「好啦，係咪人人手度都有一張？」我一路睇住張歌詞一路話：「老師，點解咁多個字架，呢個乜野字呀？乜乜乜乜乜乜的心乜呀？」仲尼話：「車車高星沉睡的心雲呀！」子貢話：「唔係，係輕輕高星沉睡的心雲呀呀！」五德話：「唔係呀，呢個係雷字呀。」

陳老師笑住話：「唔得，全部都返去罰抄歌詞一百次，全部都讀錯，係輕輕敲醒沉睡的心靈呀。」我話：「老師乜野叫輕輕呀，敲醒我知呀，以前朝朝亞媽都敲醒我起身架。」我一邊講又一邊諗返起亞媽，我又想喊。陳老師就同我講：「聽日，你唔記得上次應承左老師架？」我大力索個鼻話：「記得，我話過我大個仔以後都唔喊。」

陳老師繼續講：「今次我們要唱呢首歌，我會將大家分成幾個小組，然後我們做多聲部的大合唱。」子貢又問老師：「老師乜野叫多聲部呀？」老師就話：「簡單咁講啦，每個同學的聲線和聲音都唔一樣，我將相似的同學編埋一齊，然後幾組唔同的聲調，就可以變出唔同的效果。咁樣講大家明唔明？」我們一齊話：「唔明，哈哈哈。」

陳老師都忍唔住笑：「好啦，唔明唔緊要，你們照住老師講的做就得啦，知無。」我們大叫：「知道，哈哈哈。」

第二日陳老師就開始教我們讀生字，真係好鬼多生字，好彩陳老師好有心機咁教我哋。我有好多唔明架，不過老師無乜時間，都係好簡單咁解俾我聽，解完我依然唔係好明。

我問：「老師，瞓緊覺先發夢，我依家瞓醒點抱著我個夢啫？」
老師答：「你咋啼自己瞓緊覺，咁咪去抱咯。」
我問：「但係我明明無瞓覺，又扮瞓覺，咁咪呃人咯！」
老師話：「咁又唔算呃人既，我們唱歌嘛。」
我問：「係咪唱歌講大話，就唔算呃人啦。」
老師話：「嗯......」

我問：「老師，乜野叫讓我擁有你呀？」
老師話：「啊，大意係，我俾你咯。」
我話：「原來係咁。老師，咁呢句即係我俾你面啫。今次我俾左面你，你下次都要俾番面我呀。如果唔係，老師都無面俾，哈哈哈。」
老師話：「嗯......」

我問：「老師，上次你教我們做人唔可以驕傲，點解依家我們又要充滿驕傲呀？」
老師：「你先唔好記住我上次講既的事，今次先照做，好唔好？」
我問：「老師，你上次重話，我們以後都要記住你講過既野，唔可以唔記得喎。」
老師話：「嗯......」

我話：「老師，我最鍾意最後呢句，人人都一齊話我最好。」
老師笑住話：「老師最開心今次，聽日終於話好啦。」
我突然好懷疑咁問：「老師，不過，大家話我會更好，咁咪即係我依家唔好？咁我邊度唔好啫？」
老師只係張大口：「啊......」

練左好多日，今日好緊張，終於要表演啦。今日陳老師同我們換左套新衫，全套白色的衫褲，我同仲尼講：「仲尼，你咁日好靚仔呀。」仲尼戚住嘴話：「我知呀。」子貢同我講：「聽日，你今日都好靚仔呀。」我大聲笑話：「我係呀！哈哈哈。」陳老師同大家講話：「今日大家都好靚仔，係咪呀？」大家大叫話：「係呀。」陳老師繼續講：「呵呵，係啦，個個都靚仔，老師知道你們練呢首歌好辛苦，仲有好多字唔記得。大家記得若果忘記左歌詞要點做？」仲尼搶住話：「要唱la。」我們一齊大叫：「要唱la。」

我們企好晒係講台上面嗰幾排高樓梯，叔叔嬸嬸嘉賓開始走入來，陳老師做手勢叫我們開始唱：

「輕輕敲醒沉睡的心靈，慢慢張開你的眼睛............」

叔叔嬸嬸一邊拍手一邊坐，我突見到最前排坐係度個叫，我大叫：「華仔，劉德華。」仲尼、子貢，他們都見到，他們都學我一樣，大叫：「華仔，華仔。」我知道自己要努力啲，唔係華仔就見我唔到，我即刻好似獵鷹咁步操：「堂堂男子，應該把重任當......」其他同學見到我，又想學我喎，他們又繼續唱，我唱唱下，我唔記得左歌詞呀，我記起陳老師話：「你們唔記得歌詞，就自己唱啦。」要自己唱，我梗唱最熟個首。

我繼續踏步：「大踏寶，實情確威武，小子衝鋒名大寶，人人皆知道......」子貢居然去唱千年女王：「傳說中有個女王善變似，白雲樣......」我都唔記得啦，只係記得，我續好大聲唱小露寶，子貢唱千年女王，其他同學，有的唱叮噹，有的就係度笑。

我忽然見到劉德華企起身，重係左邊樓梯走上來，華仔真係好有型，他話：「各位小朋友都好可愛，你們叫咩名呀？」我們全部大叫答亞華仔。華仔繼續話：「呵呵，我一時間記唔到咁多，不如我們先一齊唱番首歌，然後你們一個一個再話俾我聽你們叫乜名，好唔好？」我們又大聲叫：「好」。我們就跟住華仔一齊唱：

輕輕敲醒沉睡的心靈　慢慢張開你的眼睛

看看忙碌的世界是否依然孤獨的轉個不停

春風不解風情　吹動少年的心　讓昨日臉上的淚痕　隨記憶風乾了

抬頭尋找天空的翅膀　候鳥出現它的影跡

帶來遠處的飢荒　無情的戰火依然存在的消息

玉山白雪飄零　燃燒少年的心　使真情溶化成音符　傾訴遙遠的祝福　

唱出你的熱情伸出你雙手　讓我擁抱著你的夢　讓我擁有你真心的面孔　

讓我們的笑容充滿著青春的驕傲　為明天獻出虔誠的祈禱

(讓我們期待明天會更好)

誰能不顧自己的家園　拋開記憶中的童年

誰能忍心看那昨日的憂愁　帶走我們的笑容

青春不解紅塵　胭脂沾染了灰　讓久違不見的淚水　滋潤了你的面容

輕輕敲醒沉睡的心靈　慢慢張開你的眼睛

看看忙碌的世界是否依然孤獨的轉個不停

日出喚醒清晨　大地光采重生　讓和風拂出的音響　譜成生命的樂章

唱出你的熱情伸出你雙手　讓我擁抱著你的夢　讓我擁有你真心的面孔　

讓我們的笑容充滿著青春的驕傲　為明天獻出虔誠的祈禱

(讓我們期待明天會更好)

我一聽首歌唱完，就即係同華仔講：「華仔我叫聽日呀，即係明天，首歌就係唱我架。」我聽到台上台下都係度笑，華仔好溫柔咁話：「係咩，首歌唱你。你曳曳呀，點解人地要唱你？」我聽到佢咁講，我好細聲話：「唔係呀，我唔係話佢地唱我，我係話首歌唱我；唔係唱我，唉，點講至好呢。」

華仔拉住我隻手，他唱：「讓我們期待」他將個咪放係我口邊，向我點點頭，我好開心呀，我跟住唱：「明天會更好」

我第一次聽到咁多人拍手，原來拍手聲係好好聽架。

＊＊＊　　　＊＊＊　　　＊＊＊　　　＊＊＊

我陪小兒子看舊相冊，小兒子問：「爸爸，為甚麼每張照片都只有我跟你？媽媽呢？」我把相冊翻來覆去，指著一張照片：「看，這張不就有米奇老鼠？我們三個一齊的，好看。」小兒子笑著說：「對呀，這張有三個。爸爸，你替我把所有照片掃進電腦，我要把照片都貼上米奇、米妮和唐老鴨。」

我笑著說：「好。」兒子把相冊揭著揭著，他咤叫：「啊，爸爸，你怎麼把劉德華掃了在你身旁？」我看看照片記起那年表演的趣事，我笑說：「這張千真萬確，我真跟華仔一起拍的。」小兒子戚著臉說：「撒謊。我這張也有米奇在，別騙我。」

我冤枉的道：「真的，華仔他還說我乖呢。」小兒子學著我的嘴臉說：「我也說你乖呢。不信。」小兒子把相冊繼續翻動，我突然看到一張，我指著說：「你怎麼也有一張跟華仔的合照？」小兒子說：「我也有一次跟華仔合照嘛。」我說：「不可能，你有那天不跟我在一起，你拍照，我怎麼可能不知道。」小兒子冤枉的道：「真的，騙你是娃娃。」

我再看照片，我揭到前面華仔的照片，指著照片對兒子笑道：「呵呵，這都藍衣服啊。」小兒子止不了笑道：「對啊，騙你是娃娃。你拿我啥辦，我就是娃娃。哈哈哈。」