「鵬舉」「到」。
「子貢」「到」。
「仲尼」「到」。
.........
「聽日」，「聽日」
鵬舉，子貢，仲尼，大笑：「無到」。
陳老師放低手上既點名簿，問：「小朋友，聽日尼？做乜聽日無來上堂？」
鵬舉，子貢，仲尼，大笑：「陳老師，你咪當聽日，無到。」小班友大聲笑起來。
陳老師走到鵬舉身邊，輕拍鵬舉頭邊說：「鵬舉，你最乖。快啲講過給老師聽，聽日他去左邊？」
鵬舉細細聲同陳老師講：「陳老師，你咪當聽日無到呀。我唔講得架，噚日我發左毒誓，講出來會腸穿肚爛架。六師兄就係咁，發完誓，就死左拉。」
陳老師柔聲道：「鵬舉，你乖。講給老師聽，無事既，老師有解藥，食左就無事架。」陳老師一邊講一邊打開包麥提沙，倒左一粒給鵬舉：「來，食左解葯先，講左都無事拉。」
子貢，仲尼大叫道：「鵬舉，你無義氣。」鵬舉伸手把解葯放入口，一邊食一邊細細聲同陳老師講：「陳老師，而家我唔會肚穿肚爛，但我又無義氣。我噚日搵唔到關二哥，就去左小教堂；係燈火同耶穌哥前發過誓。我唔得無義氣架，唔係第日點出來行呀。」
陳老師柔聲說：「嗯，鵬舉，乖。你講給老師聽，老師好擔心聽日，萬一聽日有乜事，老師會喊，喊到收唔到聲；收唔到聽就唔可以講故事你們聽拉。」子貢，仲尼大叫道：「鵬舉，你快啲講俾陳老師聽拉，唔係我們就今晚無故事聽。最多我們以後同聽日，唔行，走咪得咯。」子貢，仲尼講完就係度大笑。
陳老師忍著笑道：「係呀，鵬舉，你們以後走咪得咯。」
鵬舉諗左陣，細細聲同陳老師講：「老師，我們走就得啫；聽日咁肥，走唔郁架。」鵬舉忽然笑道：「老師，我諗到拉。」鵬舉起身拉著陳老師走：「老師，你跟著我行；陣間你見到乜，都唔關我事架。」鵬舉說完向陳老師眨了眨眼睛。
陳老師笑著眨了一下眼睛話：「好，老師去散步，見到乜都唔關鵬舉事。」
鵬舉帶著陳老師走到門口，指著對面街間士多舖，眨左眨眼：「老師，你去買盒檸檬茶；記得要邊度都有陽光個隻喎。」
陳老師隔遠睇到店前啲聽日，輕笑：「邊度都有陽光。」
陳老師輕步走到店前，雙手遮著聽日對眼：「你估下我是邊個？」我笑住話：「珠女，你落來返學拉。我今日都要盒邊度都有陽光。」我邊講邊把遮著眼的手拉下來，我擰轉頭，怪叫：「陳老師，你係度做乜呀？你唔使上堂呀？」
陳老師笑笑口：「聽日，你係度做乜呀？我點名唔見左你，我咪四圍搵你。你做乜出左來，唔去上堂呀？」
我紅住臉傻笑：「咭咭，老師。我唔係唔上堂，只不過我有啲比上堂重要既事，所以就過左來。我一陣就會好乖返去上堂，你唔好嬲我，唔好罰我，得唔得呀。」陳老師笑我：「咁就要睇下你有乜野咁重要，連我既堂都唔想上拉。若果唔重要，我就要罰你。」
我繼續傻笑：「我要來搵珠女，我要邊度都有陽光。」陳老師問：「聽日，你做乜來珠女舖頭要邊度都有陽光呀？學校都有邊度都有陽光拉。你唔准飲咁多，一個星期只准飲一次，平時要多飲水，你唔記得左拉。」
一把女聲係後面喊：「聽日，你做乜同其他女仔講野？你噚日話過只係同我玩架，原來你係呃我既。」
我擰轉頭：「珠女，你唔好喊。尼個咪係我成日同你講既陳老師咯，佢唔係女仔來架。」珠女喊得重大聲：「佢明明長頭發，重話唔係女仔。」珠女一邊喊一邊扭我耳仔：「你重聽佢話，唔聽我話。我以後都唔同你玩邊度都有陽光拉。」
我開始喊：「珠女，陳老師真係唔係女仔尼，佢係老師嘛。我係聽老師話，唔係聽女仔話呀。陳老師，你快啲幫我手氹番珠女，唔係佢就唔同我玩邊度都有陽光拉。」
陳老師望住我同珠女，踎低抱著我們二個：「聽日乖，珠女都乖。二個都唔好喊。我係老師，聽日就梗係要聽我話，唔係就無小白兔嘛。珠女你喺學校都要聽老師話，係咪。就好似我們係屋企聽爸爸媽媽話一樣，我知道聽日好乖架，他無聽其他女仔話，又無同其他女仔玩。」
珠女停左喊：「嗚，真既。陳老師，你真係無呃我？」陳老師和我同時大聲話：「我梗係無呃你拉，真珠都無咁真。」講完，三個人都係度笑。
ESTÁS LEYENDO
聽日的故事 (廣東口語版本)
Novela Juvenil聽日(明天)六、七十年代土生土長，今日我們所謂的草根基層。他有著那代人的特徵：平庸、安於天命；樸實、甘之如飴。 聽日說給我聽的小故事，都是他的甘甜回憶；回憶是甜的，現實是苦的。回憶是他腦裡的斷續的片段，或許與真實有差異。我要欣賞他給我分享的回憶；不準備去考究真實，畢竟破案及考證是偵探與辯證專家的工作。 聽日，他讓我跟大家說句話。謹以此故事集，獻與曾一起分享生命片段的各位友儕。 不管今天陰霾，明天依然艷陽高照。
