بقايا شغف

انتحار

عافني وراح واني ساكتة لا بجيت ولا اي ردة فعل صدرت مني مكتفية بالسكوت مليت منه

كمشتني مسرة محاظرة شطولها داخ راسي وبيبي من عرفت تعاركت وياه هم لامتني على قولهم عبير منافستي معيشته ايام وردية واني العكس ...عمه فرحه كاعده جانت هادئة على عكس ايامها الفاتت علاج اللي جابته الها بيبي والرقية فادت حالتها هوايه .....بعد مده حجت موجهة الكلام الي بعد ما بديت احجي عليه محتركة
فرحه:لاتعاندين
سكتنا والتفتت الها وهي كملت
-اي لا تعاندين ...مو بصالحج وما تحصلين غير ااخسارة والندم
-عمه يخوني كبال عيني واسكت لازم ....
ما كملت وهي كامت تحجي
-تندمين يا دعاء بعدين تذكري حجايتي اذا بقيتي بهيج حال لا انت مخلصة نفسج ولا انت العايشة
-عمه تقيسين بعمو ابو راشد اصلا ماكو مقارنة
-ليش مو اخوة الاثنين
-يعني شنو اسويله هسه
-عالاقل خلوا احترام بينكم انت وياه واحد يجفص للثاني

جدتي اثنت على كلامها ورجعت ترزل بينا
-صحيح وعين العقل بس جان هالحجي كلتيه لنفسج قبل
-ذاك قبل يمه معد تغير وياي
ااجدة:خير يا رب كون تثبتين على راي
انصدمنا بحجايتها اللي بعدها من كشفت فكرتها تريد ترجع لبيت جدو ساري
مسرة:ماما شتسوين هناك ويه هالحياية قنعج مووو؟؟؟
فرحة:انت معليج ولا احد عليه بيه وارجعي على رجلج شكو مكابلتني واني ما بيه شي اىجع لبيتي

ام فرحة:يمه كولي يا الله بعدج مريضة وما طبتي ومعد يكمل البيت وتحولي اله
-واني ابقى هيج وحدي؟؟
مسرة:ماما وين وحدج مو هاي اني ليل نهار يمج
فرحه:اكولج معليج انت باجر يجي زويد وياخذج
دعاء:عمه اني اضل يمج والله بس لا تتعبين روحج خل يكمل البيت

ام فرحه:اني باقية هنا بس لا تسوين سالفة يا فرحه ما صدكنا شويه ردت رويحتج

كتفت ايديها مثل طفلة وعاندت عمتي بعد كل معاناتها اليكعد يمها ويتقرب يلكيها بعدها طفلة تتهرب من واقعها بكل وسيلة وتنكر شغلات هي تسويها وتتبنى افكار واشياء ما موجودة على اعتبار هي مرت بهيج مواقف بالواقع ماكو ما صارت...ما مفهوم عدم الترابط بشخصيتها بس ككل هي مريضة مو مختلة عقليا مثل ما شاع ويشاع اليوم عنها .....

عمو معد ما تأخر شويه ورجع ما رايح وياهم لشغله بس مخلص شغلاته بالبيت ومبدل وراجع يم عمه ..تمسكه بيها غريب رغم الكل هسه ديكولون فرحه تخبلت !!
من شافها كاعدة هيج ساكتة ابتسم ودخل بهدوء يخاف من ردات فعلها المزاجية مره تريده ومره تعيط وتطرد بي ...هالمره اشتكتنا كلنا يمه تكوله ما يخلوني اروح وياك وهو كيف اللي عرفته من مسرة بس شويه صحصحت تصالحت وياه ...كعد يمها عالسرير وحاوطها بحب يباوع الها نظراته مزيج حزن مبتسم يخفي اسفه على فرحته اللي تاهت ما عاد تعرف تتصرف

كامت مسرة طلعت مو راضية واني لحكتها لان شفت كعدتي بعد عيب وهو يبوس بمرته وهي مجلية بي حتى جدة هم غلست عليهم ولحكتنا عفناهم وحدهم ....