ဒါက အရင်အခြေအနေကို လိုင်လ်ပြန်သွားချင်တယ်လို့ ဆိုလိုတာမဟုတ်ပေမဲ့ သူမရဲ့ ခံစားချက်က သူ့လောက် မလေးနက်မှန်း တွေးကြည့်လိုက်မိတာနဲ့တင် တော်တော်ခံရခက်လေသည်။
[ဒါက ဝဋ်လည်တာများလား?]
သူတို့လက်ထပ်ပွဲ အစောပိုင်းအချိန်ကတည်းက မယ်ဒီရာ့ကို လစ်လျူရှုခဲ့လို့ ဝဋ်လည်တာများလား?
လိုင်လ် တည်ငြိမ်အောင် ကြိုးစားနေချိန်မှာပဲ မယ်ဒီရာက သူမ တခုခုမှားပြောမိသလားဟု ပြန်ဆန်းစစ်နေသည်။
[ငါ မမှန်တာ မသင့်တော်တာ ဘာတခုမှ မပြောမိဘူးလို့ ထင်တာပဲ]
မယ်ဒီရာ လိုင်လ့်ကို လှမ်းကြည့်တော့ တွန့်ချိုးနေတဲ့ မျက်ခုံးတွေအောက်က မကျေမနပ်ဖြစ်နေတဲ့ မျက်ဝန်းတွေနဲ့ ဆုံသည်။
"ကိုယ့်ကို ပြော၊ ကိုယ်က ဘုရင်မအတွက် ဘယ်လို ခင်ပွန်းမျိုးလဲ?"
"လိင်ဆက်ဆံရတာ သဘောကျတဲ့ ခင်ပွန်း"
"......"
လိုင်လ် ကြောင်အသွားသည်။ သို့သော် သူ့အကြောင်းသူသိတာမို့ သူ သူမကို ဘယ်လောက် နှောင့်ယှက်မိမှန်း သိတာမို့ သူမရဲ့ အမြင်က သဘာဝကျလေသည်။
"ဟိုး.."
လိုင်လ့်ခန္ဓာကိုယ်က မယ်ဒီရာ့ဘက် လုံးလုံးလျားလျား လှည့်လိုက်ကာ တဖြည်းဖြည်း အနားကပ်လာသည်။ မယ်ဒီရာ မသိစိတ်အရ အနောက်သို့ ဆုတ်သွားသည်။
"ကိုယ် ဒီလိုကြားတော့ မင်းမျှော်မှန်းချက်ကို ကိုယ် ဖြည့်ဆည်းပေးရမလား?"
"အိုးး! ခဏလေး!"
သူ သူမစကတ်ကို ဆွဲဖို့ ကြံချိန်မှာပဲ မယ်ဒီရာ ထိတ်လန့်သွားပြီး လိုင်လ့်ခေါင်းကို ရိုက်လိုက်သည်။ ထိုအချိန်မှာပင် တံခါးခေါက်သံပေါ်လာသည်။
"....ဘယ်သူလဲ?"
တံခါးတဖက်ကနေပြီး စိတ်ထိန်းထားရတဲ့ အံကြိတ်သံ ပျံ့လွင့်လာသည်။ အပြင်ဘက်က ဆစ်ခ်က တံတွေးမျိုချမိသွားသည်။
"အရှင် မင်းကြီး၊ ကျွန်တော်မျိုး ဆစ်ခ်ပါ၊ ဝင်လာခဲ့ရမလား?"
လိုင်လ် သူ့ရုံးခန်း ပတ်ပတ်လည်ကို စိတ်ရှုပ်ရှုပ်နဲ့ လှည့်ပတ်ကြည့်လိုက်ပြီး မယ်ဒီရာ့ကို ပြန်ကြည့်လိုက်သည်။ မယ်ဒီရာက အခုလေးတင် ဆွဲမခံလိုက်ရတဲ့ ဂါဝန်ကို ပုံစံတကျဖြစ်အောင် ပြုပြင်နေသည်။
![](https://img.wattpad.com/cover/315850108-288-k324459.jpg)
YOU ARE READING
Your Majesty is annoying (Myanmar Translation)
RomanceI am not the original publisher of the story. This is just a fan translation.
အပိုင်း (၇၁)
Start from the beginning