" الذين ولدوا محاطين بهالة من الحب يكبرون أقل تشككًا، أما الذين لم يجدوا ما يكفي من العناق، والضحكات، وقصص ما قبل النوم، سيكبرون أكثر تشككا في علاقتهم بالوجود، واستحقاقهم لهدايا الحياة المتناقضة. تعبيراتهم الممتلئةِ عمقًا وحزنًا قد لا تكون إلا صدى صوت ذلك الطفل الذي لم يُحب بعد."
#امتشان_قسري
(( الكاتبة بنين بهاء ))
الحلقة _٤٠
' غيد
صار عرس أحمد واكيد انه ما حظرته ، عمو ليث ومحمد هواي حاولو يقنعوني اروح بس ما حظرته
خلص العرس ورتاحيت من هوسـه الاغاني وسوالفهم برا
بصبحيه العرس ، طلعت بلحديقة اتنفس لان طول ايام العرس انه حابسه نفسي بلغرفة
طلعت كعدت على المصبه يم بيتي والشمش تصكع بيه
فززني صوت رجولي وهوا يتحمم
درت وجهي فازه من صوته ، وجان اشـوفه رجال معضل وطوله يخبل صافنه بوجه مو غريب عليه شايفته
مقلص عيونه بشك وكال .. انتِ وحدة من بنات عمي
عاد انه هنا عرفته هذا سراج ابن عمي الشهيد علي
كمت ، مبتسمه وكتله .. سراج؟
هز راسة مستغرب وكال .. ايي وانتِ منو ؟
ضحكت وكتله .. انه غيد
فتح عيونه بصدمه ، ضحكت .. صارلي سنين ما شايفتك حقك ما تعرفني وحقي ما اعرفك
ضحك حيل وكال .. اي والله وسبحان اللّه كلش متغيرة ولا عرفتج
ابتسمت ورديت .. حتى انه
رد .. ايي بشري كملتي دراسة لا ؟ اكيد لا لان انتِ جنتِ تموتين من الدراسة
ضحكت .. مرحله ثانيه قانون
فتح حلكه بصدمه .. والله
هزيت راسي مبتسمه ، ضحك بصدمه وكال .. هوا بنات عمي جبر الشاطرات بطلن وزوجن وانتِ جنتِ اكسل منهن وكملتي
رديت .. مو شرط انه ما جنت اهتم لدراستي ، بس اعرف مصلحتي ، من وصلت سادس اعدادي شديت حيلي ودرست والحمد لله هسه ادرس واشتغل ومعتمدة على روحي بكلشي
رد بفضول .. شنو تشتغلين ؟
رديت .. عندي بيج مكياج وعنايه بالبشرة واشتغل محاسبه بعيادة
هز راسه وهوا مبتسم ، ترخصت منه ودخلت لبيتي وسديت الباب
ثاني يوم جان عندي شغل ، طلعت الضهر من بيتي لكيت عمو ليث وسراج بلحديقة يشربون جاي
شافني عمو ليث وكال .. هاا اليوم عندج دوام
هزيت راسي برضى ، اخذ سويجه وانطاه لسراج وكله .. كوم اخذ بنت عمك انه ما بيه حيل اكوم
ВИ ЧИТАЄТЕ
امُتشان قسري
Боєвикиثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
