"لم تهزمني الأشياء يومًا، لكنها تراكمت فوق كتفي" 🍂
أمُتشان قسري
(( الكاتبة بنين بهاء ))
الحلقـة _٧
من كال قاتم انو هما تجار اعضاء شهكت بقوة وبچيت واذكرت ڤيان
هسه شمسوين بيها
أكيد قاتليها وماخذين اعضائها
درت وجهي على قاتم وانه ابچي وكضيت ايده بقوة وكتله بتعلثم .. فدوةة كوم خلي نروح نجيب ڤيان
فدوة قبل ليكتلوها والله احنه ماكدرنه ناخذها لان فاقده الوعي وحاولنه هواي نصحيه بس ماصحت
حط ايدة على ايدي وايدة الثانية مسح دموعي بيده وكال بحنيه .. ول يولو لتبكين انا اعرف انتُ لو بيدكم اكيد اخذتوها
بس الشيء صار خارج ارادتكم
راح احاول انُ اعرف خبر عنها واوعدك اكلك
غمضت عيوني بقوة وشهكت وكتله .. اخاف انقتلت لان هما كالو باجر الصبح يموتن اكيد هسه هيه ميته
اخذ نفس وكال .. لا اكيد هيه هسه مميته لان اكيد من كعدو وما شافوكم موجودات ضلو يدورو عليكم واكيد لحد الان يدورو عليكم
رفعت عيوني وباوعت على عيونه النرجسيه وكتله .. والله احنه معلينه مسوينه شي كل لردنه انُ نمتحن ونرجع للبيت ماعرفنه راح يخطفنه اخذنه بـ طرق منعزله مابيه سيطرات وعلى المزارع هم
صفن بعيوني لـ ثواني وكال بغضب .. تعرفين اسمائهم ؟
جاوبته وانه اشهك .. حيدر وكاظم و ..
هز راسه وهوا كاعد حوجبه وكال بحدة .. اوعدج اخذ حقجن
جاوبته بتعلثم .. اتمنى
طبطب على ايدي بـ ايدة وكام وكال .. انه راح اجيب غدة واجي عون هني ماراح يخليكم لوحدكم
هزيت راسي اله ودار ضهرة وراح
انتجيت على الحايط ورفعت راسي لـ فوك وغمضت عيوني وضليت اشهك
اشتاقيت لـ امي ورزايله
لابوي وحظنه
لاختي الصغيرة أرين وفهاوتهه
لاخواني عبداللّه وعبد الرحمٰن وعركاتي وياهم
اشتاقيت لـ صباراتي وزرعاتي
والبزازين يلي مربيتهم بلطرمة ويومية اطيهم اكل
اشتاقيت لكل ركن ابيتنه ولكل حاجه بي
وين جنت وين صرت
هسه حتى ملابس معدي وصارلي يومين بـ ملابس مدرستي احس نفسي كلش وصخه وريحتي مطيبه
مسحت دموعي وكمت بلكي الكه مي واسبح لان حتى جسمي صار يحكني
طلعت من الغرفة وضليت اتفقد البيت
فتحت باب ولكيته الحمام
انصدمت على كميه القذاره بي والريحه التكتل
وصخ كلش ومتروس تراب وكله حشرات وبريعصيه
CITEȘTI
امُتشان قسري
Acţiuneثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
