امُتشان قسري

part - 31 -

مُنهك جدًا، ولأنّ الكتمانَ يثقل قلبي احاول المجازفة والكلام، واعود لِتلك الظُلمة، لانني أعي ان لا أحد بإمكانه فهمي، أو لأنني
انا لم أفهم ما بيَّ اولا، فأنا أيضًا أصبحتُ شخصًا، لا يشبه ما أردت أن أكونه، مسار الحياة والواقع لم يلائم ما أردته يومًا، لا أحد يختار ما يريده، الأمر أشبه بالإكراه.

امُتشان_قسري
(( الكاتبـة بـنين بهاء ))

الحلقة _٣١

" غيد "

شمرت السجين بسرعه ، وتعوذت من الشيطان

شمرت نفسي على الجربايه ، وانه اتنفس سريع هاي مو اول مره حاولت الانتحار بيها اكثر من مره حاولت انتحر بس اخر لحظه اتراجع

باجر عدي امتحان وانه ما دارسة اي شي ، جبت الملازم وحاولت ادرس بتركيز وكل شوي يشرد بالي

خلصت كم ملزمه وقتت التلفون الفجر حتى اكعد ، امتحاناتي ما بقالها شئ وانه مزفته بلسعي 

لفيت راسي ونمت ، كعدت الفجر

وحاولت ما اتخيل وركزت صارت بلسته صليت وجهزت نفسي وسويت لفه جبن وجاي وكعدت اكل

رحت للامتحان وجانت الاسئله كُلش سهله وجاوبت على الكل

طلعت فرحانه ، خلصت محاضراتي ورحت للصالون

داومت ثاني يـوم واجه الدكتور علي يوزع بلاوراق صاح اسمي وكال .. غيد خوش تعرفين تغشين اخذتي درجه كاملة

فتحت عيوني بصدمة وجاوبته.. عفواً دكتور انه غشيت

ضحك بستهزاء ورد .. يعني انتَِ كضيتي محاظراتي ما ادخليه شلون كدرتي تكملين مادة شهر واحد بليله وحدة ؟

غمضت عيوني بقله صبر ورديت بحده .. انه ما غشيت وما كملت المادة بيوم واحد كل عطله اكعد ادرس التراكمات واذا تكول انه غاشه فه عادي عودلي الامتحان واوكف فوك راسي

هز راسه وهوا خازرني .. باجر امتحانج

هزيت راسي برضى واحس داخلي يفور ، البنات يباوعلي ويتبسن

رجعت للبيت والشغل ما رحت وكابلت الملازم وكعدت ادرس اذا ما اجيب درجه كامله واكسر عينه انه اله

ثاني يوم اجه وقت محاضرته ، دخل وصاح باسمي وهوا يباوعلي بغرور وتحدي

اطاني الاسئله وكعدت على مكتبه
جايبلي الاسئله ادوخ وبيه شرح هـواي ، ابتسمت وحليت الاسئله خلصت وكتله

اجه اخذ ورقتي باوع بيه وسكتت ، دار وجه لطلاب وكلهم .. اذا ترودن نقلو الكتبته او استفسرو بيناتكم بس بهدوء

رجعت لمكاني وانه اباوعله شلون يصحح ورقتي ومبتسم

دقايق معددوده كام وصاح باسمي وكال بصوت حاد .. احمم انتباه اول شئ انه اقدم اعتذاري لطالبه غيد لان اتهمتها بلغش ، احسنتي بابا غيد اخذتي درجه كامله