#امُتشان قسري
(( الكاتبة خيال ))
الحلقة_٥
نعرف أن التفكير مؤذي ولازلنا مستمرين فيه. 🍂
افكر حتى وانه نايمة كلساع افز مخروعه
احس اكو منبة بعقلي كل شوي يفززني حتى أتاكد انُ الباب ما نفتح وما دخلو علينه ..
ما اعرف اذا نمت اصلاً
الجو فجأه صار حار وبوخه ، والغرفة كله تراب وانه عدي جيوب انفية صرت منكوا اخذ النفس
صارت دكه بلباب قوية
فزيت بسرعا وكفت على طولي صحت بصوت عالي ..منوووو ؟
صاح بصوت رجولي حاد .. اناا لك لويش هيج الباب عجل عبالي هربتو
اخذت نفس بقوة وبللت شفايفي وجاوبته بكل ثقه .. لان ما نثق بيكم
رد برود .. تمام تعالو هينه جبت اكل
جاوبته .. تمام
خليت ايدي على كلبي ليدك بقوة ودرت وجهي باوعت على غيد نايمة بدون احساس ولا ضمير ولا فزت وانه كلساع افز
فركت وجهي ونزعت حجابي لان نمت بي
عدلته واخذت نفس وشلت السلاح ضميته
واجيت اكعد غيد
هزيت جسمه وحاجيته بهدوء .. غيد .. لج غيد
.. ام الغيره غيد.. كعدي يابه كعديي
اخر شي تعبت وهزيتهه بقوة
واخيراً كعدت وردت علية بصوت مزنجر من النوم .. اهوووو يمااا فدوةة خليني نايمة بس خمس دقايق فدوةة عفيةة
رديت علية بملل .. كعدي انه مو امج انه بارين
باوعت علية اشو هاي رجعت نامت !!
اخر شي متحملت عطت بيه حيل .. غيددددددددد اكعدي عاددد كافي نوممم
فزت مرعوبة وكاضه كلبها باوعت علية بصدمة لمدة ثواني بعدها عاطت .. وسمم حتى سم يسمج أن شاء الله شبيج اتعيطين من الصبح
رديت عليها بملل .. كعدي يمعوده هذا قاتم دك الباب حيل وفززني
طفرت من مكانها خايفه حجت بتوتر .. اييي وشنو يريد ؟
جاوبتهه برود .. جاب ريوك
خلت ايده على كلبها وتنفست بعمق .. يمه عبالي مدري شنو
كمت وعدلت ملابسي ورديت عليها .. يلا كافي حجي كومي خلي نروح نتريك ونشوف شلون نرجع
هزت راسه بقبول وكامت
رحت يم الباب وكضيت الميز اشرت الهه انُ تجي اساعدني اجت وشالت وياي
وخرنه الميز وفتحت الباب
لكيت بوجهي قاتم كاعد على قنفه قديمة كلش وعيونه متوجه علينه
طلعت من الغرفة وهوا عدل كعدته وكام جاب صينيه من المطبخ وخله بيه الريوك ورجع طلع بكل هدوء
YOU ARE READING
امُتشان قسري
אקשןثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
