امُتشان قسري

part - 30 -

"والآن، بينما أنا جالس بِجانبك، وأتكلم معك، أشعر بالخوف مِن التفكير في المستقبل، لأنني في المستقبل سوف أجد الوحدة مرةً أخرى."

- دوستويفسكي

#امُتشان_قسري
الحلقة ال٣٠

(( الكاتبة بنين بهاء ))

استغربت من صوت بجيهه ووديت بخوف .. ولج بارين يا عمريي شبيج منو وياج كليلي حتى اطيح حضه

شكعت وعاطت بقهر وكالت .. البشر انه اكره البشر كله حقراء وجلاب يمته ننقرض مدري

استغربت من كلامها وجاوبت .. ليش ؟

بجت بصوت عالي وكالت .. ولج عطل الخط براس شارع بيتنه فه نزلت امشي وجان اشوف ولد ثنين رشو بانزين على بزونه وحركوها ؟؟

ولج غيد متتت من القهر رحت ركض اله اريد اطفيه بس ما اكدر تشرد واطفر رحت الهم وتعاركت وياهم وابجي وهما يضحكون عليه ويستهزون ويكلولي شسالفه هاي بزونه

اكلهم كضوها طفوها عافوني وراحو
والبزونه خطيه بسرعا ماتت وما كدرت عاد انه ما تحملت اخذت طابوك وضليت اشمر عليهم

واحد طكيته براسه وخليت دمه بطوله والثاني شرد الحقير

جاوبتها وانه ابجي ومقهورة .. جلاب بارين حتى حرام نكلهم جلاب حتى الجلب احسن منهم

شهكت بقوة وردت .. ولج غيد احنه نحترك باصبعنه نتوجع مو عاد هاي بزونه حيوان الليف ما يكدر يدافع عن حقه حركوها كله ويضحكون ويستمتعون باذيته

رديت بقهر .. حسبى الله ونعم الوكيل شوفي الله شيسوي بيهن ..

ردت بحزن .. غيد انه عدي ضعف شديد تجاه اي حيوان بالعالم يعني اذا اشوف حيوان بلشارع مضروب يمه شيصير بيه اضل الليل ما انامه افكر بي

من كل كلبي ادعي انُ ربي يحفظ اي حيوان وما يتعذب او يتاذى لان هوا روح نفسنه يكدرون ياكلون ويتحركون ويحجون ويتعالجون الفرق الوحيد بلنوع والشكل

تدرين غيد انُ اي شخص ياذي حيوان بيوم القيامه الله يخلي يعذب ويحاسب الأذى وبعدين يتحول تراب ، مثل ما حرام اذى النفس هم حرام اذيه اي حيوان

لان احنه ممسؤلين عليه ، مثل الروح مو ملكنه هم الحيوان روحه مو ملكنه مو بكيفنه نضربه ونعذبه

رديت بقهر .. ولا تأذو روحًا لا يسمع انينها اله الله ..

جاوبت بشهكه .. تخيلي انُ هما ما يكدرون يحجون ولا يكولون هذا يوجعني هما بس يتألمون بصمت ..

واحنه البشر اذا نجرح اصبعنه نكلب الدنيا من البجي والصريخ ..

غيد - حسبى الله ونعم الوكيل على كل شخص ياذي روح بريئه ..