- إنني أشعر بكل شيء بشكلٍ مُضاعف ، أشعر بالشيء قبل حدوثه، وحين يحدث، وبعدما يحدث، وحين أتذكره، أشعر بالكلمة حين أقولها، وحين أتذكرها.
#امُتشان_قسري
(( الكاتبة بنين بهاء ))
الحلقة_٣٦
' بارين
بدت امتحانات الكورس الثاني وراح تنتهي ، وقاتم من بدت الامتحانات هوا ما بطل اتصالات ورسائل غزل وتشجيع على الدراسة
تحول تفكيري كله بي ، كلبي يكوم يركص من ينذكر اسمه ، بس عقلي رافض هاي الفكره لان عندي اسئله هـواي
ما بطل يجي للكليه ، جان يجي بنهاية الدوام ويشوفني من بعيد
اخر امتحان طلعت من وكت حتى اشوف قاتم واحجي وياه لان شلعت كلبه ، طلعت وضليت ادور عليه بلحديقة لان هوا دائما بلحديقة
ضليت ادور فوك الربع ساعة ، ايست وانقهرت لان ما اجه
وكفت بقهر والشمس تصكع بيه واتنفس بقوة
ما احس اله فززني صوته وهـو يكـول .. ادورين عليه
فزيت برعب ودرت بخوف ، ضحك ومد الي بطل ماي بارد وكال بضحكه .. هاج شربي ماي راح يوكف كلبج من الحر
بلعت ريك بخوف ، وايدي على كلبي اخذته ورديت بنتر .. اصلًا ما جاي ادور عليك ادور على صديقاتي
رفع حاجبه بستهزاء وكال .. وصديقاتج من شوكت يكعدو بلحديقة ، اول ما اطلعون تكعدون على بلكافتريا
نزلت الماي من حلكي ومسحت حلكي باطرأف اصابعي وهوا وهوا صافن بوجهي ، مديت البطل اله
وهوا فتحه وشرب منه ، فتحت عيوني على وسعهن وهوا خلص البطل
خرب معت من الخجل وهوا خلص البطل خلاه بيده
دار وجه وضل يباوع من جميع الاتجاهات وكال بهدوء .. امشي خلي نكعد هناك يم الشجره حتى محد يشوفنه
هزيت راسي برضى ومشيت كدامه ، كعدت يم الشجره وهوا كعد يمي باوع لوجهي وابتسم وكـال .. هـا ؟
رديت .. هـا ؟
رد بابتسامه .. هـا شني ؟
جاوبته .. هـا شني ؟
ضحك بقوة وكـال .. ليش جنتي ادورين عليه
بلعت ريكي وسكتت لثواني ورديت وانه احاول ابعد انظاري عنه .. والله كسرت خاطري
رد باستغراب .. ليش ؟
اخذت نفس وكتله .. مو كلت خُطيه صارلك أكثر من شهر يومياً تجي للكليه علمودي وتريد تحجي وياي
ضحك بقوة وكـال .. ومنو كلج اجي على مودج
درت وجهي عليه وفتحت عيوني على وسعهن ورديت بنتر .. والله عرفت انتَ واحد ادبسز ونسونجي وابو بنات
YOU ARE READING
امُتشان قسري
Actionثلاث فتيات يقوم بخطفهن مجرمِ مجهول ، لا يعرفن اي شي عنه فقط اسمه الزعيم من هوا وماذا يريد ؟ وسيحصل ما لم يكن في الـحسبان ... روايـة واقـعية تصنيف الرواية :- مشوقه اجراميه اگشـن بـ قلمـي انـا خيال
