မယ်ဒီရာ့ပြစ်ဒဏ်ဆိုသည်မှာ အမှန်အားဖြင့် လိုင်လ့်ရဲ့ တကိုယ်ရည် စိတ်ခံစားချက်ကြောင့်သာ ဖြစ်ပြီး အကြောင်းပြချက် မယ်မယ်ရရမရှိပေ။ အကြောင်းပြချက် ရှာဖို့ နယ်စားမင်း ကြိုးစားလာချိန်မှာတော့ မယ်ဒီရာနဲ့ တွေ့ခွင့်ပေးရုံကလွဲပြီး တခြား လုပ်နိုင်တာ မရှိပေ။
"နယ်စားမင်း ကိုယ်တော် သင့်ကို မနက်ကပဲ တွေ့ခဲ့တယ်၊ အခု ထပ်တွေ့ပြန်ပြီ"
"အရှင်မဧကရီက ပြစ်ဒဏ်ခံနေရတယ်လို့ ကျွန်တော်မျိုးကြားလို့ စိတ်ပူလို့ တွေ့ခွင့်တောင်းခံခဲ့တာပါဘုရား၊ အရှင်မ ဘာအမှားလုပ်မိမှန်း ကျွန်တော်မျိုး မသိပေမဲ့ အဖေတစ်ယောက်အနေနဲ့ ကျွန်တော်မျိုး အပြစ်မို့ အရှင်က သဘောထားကြီးကြီးနဲ့ ခွင့်လွှတ်ပေးပါ"
သူနဲ့ မရင်းနှီးတဲ့ သမီးဖြစ်သူ ကိစ္စထဲ ဝင်ပါပြီး ဂရုစိုက်တတ်တဲ့ အဖေလို ဟန်ဆောင်စကားဆိုနေတဲ့ နယ်စား စကားကိုကြားတော့ လိုင်လ့်မျက်ဝန်းတွေ ကျဉ်းမြောင်းသွားသည်။ မယ်ဒီရာရော နယ်စားပါ တဖွဲ့တည်းဖြစ်သည့်တိုင်အောင် သူတို့နှစ်ဦးဆက်ဆံရေးက ရင်းရင်းနှီးနှီးမရှိမှန်း လိုင်လ်သိသည်။
[ဒါပေမဲ့ မယ်ဒီရာ့မှာ အဲ့ဒီမှတ်ဉာဏ်တွေ မရှီဘူးဆိုတော့ ငါ့အပေါ်ပဲ မှီခိုရမှာပဲ]
"ဧကရီက တော်ဝင်မိသားစုရဲ့ လူဖြစ်နေပြီဆိုတော့ နယ်စားကို အပြစ်တင်လို့ ဘယ်ရမလဲ။ ကိုယ်တော်က ဧကရီကို ဂရုစိုက်ပေးမှာဖြစ်လို့ နယ်စားကလဲ ဧကရီအစား ခွင့်လွှတ်ဖို့ တောင်းဆိုစရာမလိုဘူး"
ထိုသို့ ပြောရင်း လိုင်လ် မယ်ဒီရာ့ခါးကို ပွေ့ဖက်လိုက်သည်။
မယ်ဒီရာ နယ်စားမင်းကို အံ့ဩတကြီး ကြည့်လိုက်မိသည်။ နယ်စားခမျာ အံ့အားသင့်ကာ ထိတ်လန့်မှုကြောင့် ကျောက်ရုပ်ဖြစ်နေလေသည်။
"ကိုယ့်အလုပ် မပြီးခင် မင်းတွေ့ဆုံပွဲကို အပြီးသတ်ဖို့ ပြောထားတယ်မလား?"
"ရှင်..ရှင်က အချိန်သတ်မှတ်တာ နောက်ကျတာကို"
နယ်စားရဲ့ မျက်ဝန်းတွေကို ကြည့်ရင်း မယ်ဒီရာ မကျေမချမ်းဆိုလိုက်သည်။
![](https://img.wattpad.com/cover/315850108-288-k324459.jpg)
BINABASA MO ANG
Your Majesty is annoying (Myanmar Translation)
RomanceI am not the original publisher of the story. This is just a fan translation.
အပိုင်း (၆၃)
Magsimula sa umpisa