سحبو ريوف واديم ماجد وطلعو متوجهين لغرفته بسرعه...
ماجد: ههيي شفيكم!
ريوف: امشي امشي!
ماجد: شفيكم اصبروو!
دخلو الغرفه وخلوه يجلس على السرير ووقفو قدامه...
ضحك ماجد: تضحكون!! شفيكم؟!
اديم:ممكن تقول لنا من وين طلعت لنا بسالفة الزواج؟
ريوف: وكيف سلمى وافقت؟وجامعتها ؟ودراستها؟
ضحك ماجد عليهم وعلى كلام سلمى وكيف هي تقدمت له ..
اديم: ذا شفيه؟
ريوف: اكيد عقله طار من ورا حبه!
ضحكت اديم: الصدق، اشكك!!
ريوف: ههيي شفيك ليه تضحك؟ جاوب!!
وقف: بس انا ما تقدمت لها!!
اديم: شقصدك!
ريوف: يمكن قرينه!
ماجد: هي تقدمت لي!جلسو بصدمه وسحبوه يجلس معهم..
ريوف: وش وش؟ كيفف؟ووين؟متى؟وليهه؟؟
اديم:ودراستها؟؟والجامعه؟ومستقبلها الدراسي!؟
ماجد: شوي شوي! شفيكم ليه كل هالاسئله؟!
ريوف: اخلص جاوب!
ماجد: مدري كذا فجأة وقفت وقالت مابي ادرس! وابي اتزوجك! وطلبت مني الزواج!!
اديم: ما فهمت يعني والدراسه؟
قربت ريوف عليه ورفعت اصبعها بوجهه: ههيي! لا يكون هددت البنت ولعبت بعقلها؟؟
ماجد: بلا غباء طبعاً لا! حاولت معها كثير ما رضت تسمع لكلامي ابداً
ريوف: يعمري ضحت بدراستها عشانك!
اديم: منجد تحبك من كل قلبها!!
ابتسم وهو يلعب بشعره: وانا احبها!
ريوف: يوهه عاد اذا ماجد حب! يا كبر حبه وصدقه!
ماجد: لا تكبرين راسي
وقف وسحبهم لبرا وكمل: يلا اطلعو بنام !
طلعو وهم يضحكو عليه...بنفس التوقيت...بغرفه ابو زيد تحديداً..
جالس على السرير ومبتسم..
ام زيد: شفيك صافن كذا وتبتسم؟
ابو زيد بحنيه: مو مصدق انه بيتزوج! كيف كذا كبر وجا طلب مني الزواج لا وعن حب بعد!
ام زيد: لحظه وش قصدك بعن حب؟؟
ابتسم: ولدنا يحبها وجا قال لي انه يبيها ويحبها!
ام زيد: لولاك ما كان عرفت، هالولد من وهو صغير يقول لك كل شي عنه وانا لا عكس اخوانه الباقين كل اسرارهم عندي!
ابو زيد: من وهو صغير قريب لي وغير عن الكل! عشان كذا مو مستوعب فكرة انه بيتزوج ويصير عنده مسوؤليات!
ام زيد بابتسامه: الله يتمم له على خير وان شاء الله انه قد هالمسوؤليه!
ابو زيد: امين امينفبيت ابو خالد... عند تركي وسمر...
سمر وهي تنوم ريان: واخيراً نام
قرب تركي يبوسه وهو بحضنها...
همست بخفه عشان ما يصحى: ياا ترككيي!! بعد عنه لا تصحيه!!
بعد عنه بإبتسامه وحطته بسريره الي جابوه من غرفته عشان يصير ينام فيه .. وانسدحت على السرير جنب تركي...
تركي: سمر؟
سمر: هلا عيني؟
تركي: ليه خليتي ريان عندك؟
سمر بحنيه: مدري احبه ومتعلقه فيه وحبيت اعيش دور الامومه لكم يوم
حز كلامها بخاطره،سحبها لحضنه بحنيه وتنهد بضيق: لله يرزقنا يا عيوني!
سمر: امين يا رب
شويات ونامو .. وبكذا خلص هاليوم على ابطالنا...صباح يوم جديد..
سلمى تكلم ريوف على الجوال: كلمت ابوي وقلت له كل شي وقال حياهم الله خلهم يجو!
ريوف بحماس: بذمتك؟؟
سلمى بفرحه: اي والله!
ريوف: يلا باي باي بروح ادور لي فستان!
سلمى: لا تكشخين كثير وتكوني احلى مني!
ضحكت: لا معليك!
قفلت وراحت لاهلها تقول لهم انه ابو سلمى وافق وينتظرهم بعد المغرب للخطبه على طول كونه الطرفين موافقين ..
زفر ماجد براحه: اوهه الحمد الله يربي
YOU ARE READING
عيناكِ منظومة تحتوي قصائدها
Romanceتتكلم الروايه عن مجموعه ابطال من عيلتين اصحاب منذ الصغر، بعض منهم حب الاخر وبعض منهم واجهتهم صعاب بفتره حبهم وكيف حياتهم بالديره وفعالياتهم مع بعض وصداقتهم القويه من كبيرهم لصغيرهم، والاهم قصه حب بطلنا رائد وبطلتنا اديم الي صار فيها احداث وتضحيات و...