عيناكِ منظومة تحتوي قصائدها

البارت ٤

الصباح عند سمر وتركي تحديداً ...
صحى قبلها وما تحرك ابدا  ، ناظر بوجها وتامل جمالها ، وتذكر كلام ريم عنها وانها تحب النوم مرهه
ضحك بخفه :طلعت ريم صادقه والله
تحركت سمر شوي شوي فتحت عيونها :صباح الخير
تركي : يا صباح النور
ابتسمت بخجل : من زمان صاحي ؟
تركي : يعني يمكن من ثلاث ساعات بس يمكن ما حسيتي لاني ما تحركت ابدا
فتحت عيونها بصدمه : ثلاث ساعات ! وش كنت تسوي ليه ما صحيتني ؟
تركي : جلست اتامل جمالك ما حبيت اصحيك
سمر باحراج : بقوم ابدل وانت اطلب الفطور
تركي ابتسم وعرف انها انحرجت :امزح معك ما صار لي اقل من نص ساعه صاحي وما حبيت ازعجك
سمر : من اول قول كذا ، وترتني !
تركي بضحك : معليش اسف ، والحين روحي بدلي لين ما يوصل الاكل
دخلت تروشت ولبست وشوي ووصل الاكل

عند ابو خالد بعد ما كلم تركي وقال احنا بنطلع لمزرعتنا وانتو ارجعو للبيت اريح لكم ووافق تركي بعد ما اخذ راي سمر ووافقت
ابو خالد بالمجلس مع ابو زيد وابو سمر : اقول ترا بتروحون معنا انتو واهلكم كلكم
ابو زيد : لا يابو خالد ماله داعي ، انتو رايحين عشان تخلون البيت لتركي وسمر حنا وش ياخذنا
ابو خالد : نجلس ونغير جو كلنا مع بعض لا ترفض ياخي
بعد اصرار كبير من ابو خالد على ابو زيد وابو سمر وافقو وراحو كل واحد لبيته يقول لاهله ويجهزو انفسهم عشان اول ما يوصل تركي يسلمو عليهم ويطلعو للمزرعه .

اديم : الحين يبه لازم كلنا نروح ؟ عيال وبنات ؟!
ابو زيد : اي الكل بيروح
اديم : ليه ما تروحون بس انتو يالشيبان ؟
ابو زيد : ما ينفع ابو خالد وصى على الكل لازم نروح ف قومو يلا معكم ساعه عشان تتجهزو وتنزلو للصاله ونطلع لبيت ابو خالد
طلعو الكل لغرفهم وجهزو انفسهم ، شوي والكل نزل وتوجهو لبيت ابو خالد الا زيد واريج حبو انهم يروحو يقضو هالوقت عند اهل اريج ، ومازن وريفان حبو يقضو وقتهم بالبيت كونه توهم متزوجين من جديد

عند بيت ابو خالد ... الكل ينتظر سمر وتركي 
ام سمر : احد يكلم تركي احس انهم تأخرو !
فراس : كلمتهم يخالتي شوي وبيوصلون على خير
الكل : على خير ان شاء الله
عشر دقايق الا وسياره تركي على الباب
احمد : ها وصلو وصلو
طلع الكل يستقبلهم ويرحب فيهم بحب ودخلت سمر تسلم على البنات وتشوفهم ..
ريم : ها يا سمر كيف الزواج ؟ وكيف تركي معك ؟
سمر: تكفون لا تسالون ! من اول ليله قال لي مبروك قلت له عقبالك !
الكل مات ضحك على ردها وهم يتخيلون موقفها ووجه تركي بوقتها وحرفيا هي تسولف منقهره وهم مسكوها طقطقه وضحك
زينب: معليك يقلبي تركي متفهم واكيد انه عذرك وعرف انك متوتره
سمر: اي ربي يسعده ما قال شي وقال لي عادي تصير وعرف اني متوتره
مريم : الله يخليكم لبعض ويسعدكم
الكل : امين يا رب

شوي وطلعو الكل للمزرعه بعد ما ودعو تركي وسمر ولان عددهم كان كبير وعيال ابو خالد حبو انهم ياخذون عيال عمتهم معهم ، طلعو كلهم باربع سيارات وكان توزيعهم بهالشكل : بسياره ابو زيد كان السايق زايد ومعه ابو زيد ، ام زيد، سعد ، وماجد ، وريوف ، السياره الثانيه : السايق فراس ومعه ابو سمر ، ام سمر ، اديم ، وشهد ، وسعاد ، السياره الثالثه : السايق خالد ومعه ام خالد ، ابو خالد ، مريم ، وريم ، وعامر ، السياره الرابعه : السايق رائد ومعه علي ، زينب ، احمد ، وريم ، وكان اولهم سياره خالد والكل وراه