عيناكِ منظومة تحتوي قصائدها

البارت ١٠

صباح يوم جديد على ابطالنا وديرتهم ...
ام زيد: والله انكم فاضين اشغال! من صاحي يسوي حفله عيد ميلاد كبيره نفسكم!
ريوف: يا يمه البنت من زمان تتمنى تسوي حفله كبيره نفس كذا وميلادها الي فات كانت داخله العشرينات وما سوو لها شي!
اديم: منجد حرام شفيها لو رحنا جبرنا خاطرها بحفله؟
ام زيد: هم خلصنا منهم بس انتي شعندك الي ما كنتي تحبين تروحين على حفلات او تلبسين فساتين، وحتى ما كنتي تحبين تطلعين!؟
اديك بتوتر: شدعوه يمه! شفيها لو قررت اغير شوي من روتيني وشخصيتي!؟
ام زيد : ايه زين غيري غيري!
ريفان: يلا يبنات! سمر كلمتني تقول انه ريم طلعت من البيت مع ام خالد، خلنا نروح نجهز بسرعه!
مازن : ريفان انتبهي لا تشيلين اشياء ثقيله ولا تتعبين نفسك!
ريفان بملل: يوهه يا مازن والله فهمت صرت قايل لي هالشي الف مره، فهمته وحفظته!
ام زيد: وهو صادق من حقه يقول هالشي ، عارفك ما ترتاحين بدون شغل وتعب!
باستها ريفان وابتسمت : معليك يا امي والله ما رح اتعب نفسي
ريوف: معليك يمه انا معها رح اخليها تنكرف لين تقول بس
تقدم لها مازن وسحبها من غطوتها: خير يا ام شبر ونص! تبين اكسر راسك واعلمك كيف الكرف؟
ريوف بوجع: هههييي! فكني خير كل ذا عشان ريفانو!
وقفت وتصنعت الزعل وكملت: انا اختك وسندك!
مازن: يمه يالدراما الي عندك!
ضحكت وغمزت له: لعبتي! بس خلاص معليك صراحه حزنتني عشان كذا ما رح اخليها تشتغل!
ريفان: على اساس باخذ رايك امشي امشي بس!
طلعو متوجهين لبيت ابو خالد ، وام زيد ومازن يضحكو على ريفان ودراما ريوف...

وصلو وطقو الباب.. وبحكم انه العيال للحين بالبيت عشان يساعدوهم،
فتح لهم احمد : ارحبو! نورتو!
دخلت ريفان اول وحده وكان ريوف اخر شي وما كانت باينه: نورك نورك بس حسافه فتحت لنا الباب على الفاضي
احمد وعيونه تدور ريوف: شقصدك؟
ضحكت له بمكر وكملت مشيها واحمد يدور ريوف بعيونه وما شافها
شويات ودخلو الكل واخرهم ريوف: سلام!
فز قلبه لها: يا هلا ارحبي نورت قسم!
ابتسمت له: البقى البقى !
احمد: شخبارك يالغاليه؟
ريوف: بخير وانت؟
احمد: الحين بخير، من زمان ما شفتك! من اخر حديث بينا اختفيتي
ابتسمت وهي تتذكر كيف اعترف لها بحبه وزعله على طلبها للزواج:مدري، يلا ابعد خليني ادخل طولنا!
ضحك ودخل قدامها ومشت وراه.. نزل رائد من الدرج سريع اول ما سمع صوتها وعرف انها وصلت...
رائد: سلام!؟
ريفان: يا هلا
رائد: شخباركم؟
اريج: بخير وانت؟
رائد: بخير جعلكم بخير
لف وقرب شوي من اديم وتاكد انه الكل مشغول بالتجهيزات: كيف حالك؟
اديم بتوتر: بخير وانت؟
رائد: دامك بخير انا بخير .
" كانو الكل متعودين على عيال ابو خالد ويعرفو بعض من وهم اطفال ف كان عادي انهم يفكو النقاب ويكتفو بالغطا "
رائد: ما تحسين انه لازم حنا نطلع؟
اديم: ليه؟!
رائد: عشان ما يشوفوك كذا!
اديم: ترا انت منهم!
رائد وهو يلعب بشعره: بتصيرين زوجتي ان شاء الله ف عادي!
اديم بتوتر وقلبها يدق بسرعه: بعد عن طريقي بكمل شغل!
ابتسم ومد يده: تفضلي!
مشت من قدامه بتوتر وعيونه الي كلها حب لها ما فارقت اديم ابداً ..
احمد: الحين ليه حنا نكرف لميلاد ريم وخالد لا! يعني هي ماهي اخته !
مريم: حرام عليك ما شفته كيف غصب اخذها للسوق واكيد انها الحين طلعت روحه !
سمر: منجد الي يطلع معها للسوق الله يعينه!