عيناكِ منظومة تحتوي قصائدها

البارت ٦

ريم : خليك بالغرفه شوي واجيك
ريوف : يقلعك ليتني ما جيت !
لحظات ودخل احمد عليها ...
فزت ريوف : احمد !
احمد والزعل ماكل قلبه : بتكلم معك شوي
ريوف الي حست انه فيه شي وماله بالعاده يكون كذا جدي معها : تمام ، بخصوص وش ؟
احمد بزعل : سمعت انك انخطبتي ؟
ريوف عرفت الموضوع وحبت تقهره شوي : ايه ،ليه ؟
احمد : بتوافقين طيب ؟
ريوف : مدري
احمد : وش مدري وششش! ايه والا لا ؟!!
ريوف : بشوف ابوي اذا قال لي وافقي بوافق
احمد : وليه توافقين ؟
ريوف : وليه ما اوافق ؟
قرب احمد لعندها بزعل ، مسك يدها وقال : ريوف انا ابيك ! تعرفين اني احبك من وحنا صغار! كيف كذا يطاوعك قلبك تتزوجين غيري ! وانا طيب ؟ من سنين وانا اقولك زوجتي ! وكلمت اهلي عشان نطلبك وقالو شوي لين نكبر اكثر ! والحين بتتركيني كذا ! وتصيرين زوجة غيري كيف!!
ريوف تحركت مشاعرها وزعلت من كلامه وما قدرت تقسى عليه اكثر وغصب مسكت دمعتها :يا مجنون انت ! كيف تصدق اني بتزوج! منجدك انت انا بتزوج الحين وغير احمد !
فتح عيونه وشد على يدها: كيف يعني ؟ يعني مافي زواج؟ ما رح تتزوجين يعني ؟
ريوف بابتسامه : لا قلت لامي مابي ومو موافقه عليه انا !
حضنها من الحماس والفرحه بقوه ورفعها : تكفين بغى يوقف قلبي وانا من امس اتخيل انك زوجة احد غيري وانه يشوفك ويقرب عليك !
ريوف : نزلني نزلني لا يجي احد علينا يشوفنا
نزلها والابتسامه شاقه وجهه وتغير موده الف درجه
ريوف : يلا خلاص اطلع وخلي ريم تجي مو حلوه كذا جيت عليها وجلست معك .
احمد : تمام تمام يا احلى زوجه بالدنيا !
طلع يبتسم : ريوم روحي لزوجتي تبيك
ريم : يا صبر الارض عليكم بس انتو الجوز !
دخلت ريم وبدت ريوف تهاوشها بمزح لانها سوت كذا واحمد من برا يشارك معهم بالحديث ...

عند رائد بالغرفه ... جالس على السرير وراسه للسقف : كيف بشوف اديم !كيف بحاول امنعها توافق! كيف اقدر الغي الزواج اذا صار! مابي بعد ما تاكدت اني احبها وابيها تضيع مني كذا مقدر اتخيل الفكره ذي !
بدا يفكر بحل وعجز يلاقي ابداً والقهر موته ..

عند اديم وام زيد ..
ام زيد : يا اديم لمتى بتجلسين وما تتزوجين ! كل ما جا احد رفضتي ليه ؟
اديم : مو حابه اتزوج ! مو على كيفكم تغصبوني !!
ام زيد :حنا ما نغصبك ! بس ننصحك انه خلاص كبرتي وصرتي بعمر الزواج ، انا لما كنت بعمرك كان عندي اخوك زيد وحامل بمازن!
اديم :ذا اول مو الحين على دورنا !
ام زيد بطفش : خلك ارفضي ليت تعنسين !
اديم : اصلا انا بعنس واجلس عندكم !
مشت ام زيد وتركت اديم وكانت طفشانه من اديم ومافي طريقه تخليها توافق على الزواج ابداً رغم كثر الي يطلبوها !
واديم بنت عنيده وكثير كانت رافضه الزواج رفض تام

بعد ما روحت ريوف من عند ريم دخلت وجلست مع اديم لوحدهم ..
ريوف : اديم احس انس احب احمد
اديم بملل : زين ندري مو شي جديد !
ريوف : لا مو كذا المقصد ، كنت احبه يعني احب اسلوبه وتعامله وعلاقتنا مع بعض ك اصحاب
اديم : طيب والحين وش ؟
ريوف : احس اني احبه منجد ! يعني مو ك اصحاب فهمتي ؟
هزت اديم راسها : وليه الحين ؟وش تغير يعني ؟
جلست ريوف تسولف لها كل الي صار مع احمد فبيت ابو خالد وانتهت ب : بس لو تشوفين كيف كان شكله اول ما دخل كان واضح انه زعلان ومقهور
اديم : والله يحبك منجد ! ويبيك زوجته مو بس كلام
ريوف بضحك : اي احس كذا ، والحين باقي انتي تتزوجين عشان اقدر اتزوجه !
اديم : خير شدخلني فيكم !
ريوف : ابوي ما رح يرضى يزوجني قبلك! اما انتي اول او الاثنين مع بعض..
اديم حست انه الموضوع زاد عليه ، بعصبيه : على زق جعلك لا تزوجتي اذا كذا !