عيناكِ منظومة تحتوي قصائدها

البارت ٩

ام زيد: ماجد الله يرضى عليك ناقص علي كم شي عشان بسوي العشا قوم جيبه من البقاله
ماجد: ابشري، اكتبيهم لي على ورقه عشان ما انسى
قامت ام زيد كتبت له الاشياء على ورقه وتوجه للبقاله...

دخل: السلام عليكم
وقفت سلمى بسرعه: وعليكم السلام ، كيف حالك
ماجد الي صار يحط عينه بعيونها وما يحس: بخير جعلك بخير انتي كيفك؟
سلمى: دامك بخير انا بخير ، حلا ما جت للحين من عند خوالها ؟
ماجد: الا جت بس طلعت بسرعه ما اخذتها!
سلمى: واحشتني مرهه والله
ماجد: خلاص تجيك ولا يهمك
سلمى: الله يسعدك

تركها وراح ياخذ الاشياء ... وجا يحاسب
سلمى تتلفت تشوف اذا فيه احد او لا وما شافت، تسرعت وصارت قدام ماجد وهمست بخفه غير عن العاده: ماجد!!
قدم راسه وقلد صوتها: يا هلا ؟!
ضحكت عليه: شفييك؟
ماجد: انتي الي شفيك كذا قلتي اسمي!
سلمى باحراج: بقولك شي !
ماجد: لبيه؟
سلمى: لبى قلبك، اااءء كنت بقول صراحه يعني انا ...
ماجد: اخلصي قولي! شفيك كانه اول مره تكلميني!
سلمى: لا تقاطع يخي!!
ماجد: تمام اسفين يلا كملي!
سلمى: بصراحه ماجد انا مددت اجازتي هنا ..
ماجد ببرود: طيب؟؟
سلمى: ما تبي تسال ليه؟
ماجد: ليه ؟
سلمى باحراج وما قدرت تقول بوجهه: الصدق حابه اتعرف على حلا اكثر واحس اني معجبه فيها ومددت الاجازه عشان اتاكد من اعجابي وابي اعرف فيه احد بقلبها او لا عشان ما اتعب على الفاضي !
ماجد بفهاوة: شدخل! تراها طفله تحب كل الناس ف اكيد فيه كثير بقلبها!!
سلمى بعصبيه لانه ما فهم: حمار مو بايدك
حطت له الاشياء بالكيس بسرعه واعطته اياه واخذت الفلوس بدون ولا كلمه وماجد مصدوم من ردة فعلها وليه كذا عصبت من كلامه ..
طلع وتركها متنرفزه وتقول عنه حمار وما يفهم ...

بالطريق...
ماجد يكلم نفسه : هذي شفيها كذا قلبت علي! وشفيها ما تبي حلا الا لها!صدق انها مريضه!!

فبيت ابو علي..
علي جنب ابوه : يبه قول لي وش قالك ابو زيد؟؟
ابو علي بعصبيه: ولك عين تسأل؟ سودت وجهي عند الكل والحين خسرت الشغل بسببك! كان رح يفيدني كثير!!
علي: ليه! وش قالك؟؟
ابو علي: انجنو علي اخوانها لما سمعو كلامي!  وطردني ابو زيد من محله ولغى الاتفاق والشغل!
علي بعصبيه: مالي شغل! تروح تعتذر منهم ونطلب بنتهم بدون اتفاق وشغل!!
ابو علي: لا ترفع صوتك انا ابوك! ولو تموت عند رجولي ما رحت طلبت الخياله بنت عبد الله!!
قام علي بعصبيه وسكر الباب بقوة..
ابو علي: وجع يكسر يدك!
ام علي : شفيك هدي شوي عليه مو كذا!
ابو علي: قليل ادب ما شفتي كلامه واسلوبه معي ولا كأني ابوه!
ام علي: الله يهديه بس ..

فبيت ابو زيد...
دخل ماجد وعلى طول توجه لزايد بعد ما اعطى امه الاشياء..
زايد: شفيك وجهك احمر ومتنرفز؟
ماجد: بقولك شي وفسره لي وخله بينا اهم شي !
زايد بابتسامه: كلكم تجوني وتقولو خله بينا ما تدرون اني انساه اول ما تطلعون! يلا تكلم وش عندك؟
بدا ماجد يقول له الي صار معه ومع سلمى وكيف كذا عصبت وتغير اسلوبها
زايد بضحك: يا حبيبي يا اخوي
ماجد: جاي اكلمك وانت تضحك كذا!؟؟
زايد: اسف اسف بس اضحك عليك شكثر انت فاهي وحمار ما تفهم
ماجد: وجع ليه طيب!
زايد: يحبيبي هي ما كانت تقصد حلا بكلامها! كانت تقصدك فكر فيها شوي! اكيد ما رح تعجب بحلا وتمدد اجازتها عشان طفله! وبعدين قالت لك تبي تتاكد انه قلبها فاضي! فكر!! المقصد قلبك يخبل، قلبك انت مو حلا بس ما قدرت تقول اسمك بوجهك وحسب كلامك كانت متردده!!
ماجد بتفكير: ااما! والله صادق انا ليه ما فكرت بهالشي ابداً!
زايد: ما اقولك خبل!
ماجد :والحين وش بسوي انا!؟
زايد: اجابه هالسؤال عندك مو عندي! فكر فيها كويس ولا تتسرع!
ماجد: تمام تمام، يلا انا بطلع لامي
زايد: الله معك
طلع وهو يفكر بكلام سلمى وزايد واذا منجد معجبه فيع او لا وكله اوهام..