عيناكِ منظومة تحتوي قصائدها

البارت ١٥

طلع بدون ما يرد عليها وتوجه لسلمى..
تركي: يا صباح خير! فهمونا شالسالفه!
زايد: السالفه انه اخونا ماجد واختنا بالله سلمى، يحبو بعض ومعجبين فبعض من فتره واليوم اعترفو لبعضهم! بس هذي هي القصه
احمد: والله اني عارف من امس لما ركبها على الخيل ومشى فيه !
ريوف: بذمتك؟!
احمد: اي كانو ورانا عشان كذا محد انتبه لهم
فراس: تبون الصدق؟ اهني سلمى غيرت فكرته عن الزواج التقليدي
اديم: اتفق!
خالد: الله يديمهم لبعض
تركي: امين، يلا قومو خلنا ناكل !

بنفس التوقيت عند ماجد..
تقابل هو وسلمى بالطريق ، ونزلت راسها بخجل
ضحك بخفه: حلو بدينا نخجل! شفيك ارفعي راسك!
رفعت راسها: من قال اني خجلانه ؟!
ماجد: محد وصراحه ابدا مو واضح معليك !
ابتسمت له: ايه، وين الباقي؟ وانت وين كنت رايح؟
ماجد: هو الصدق انتي قلتي للبنات وانا قلت لزايد ف فتحو ديوان طقطقه بالمضيف وقالو للكل! وانا هربت من عندهم لعندك
سلمى بخجل: امبيه كيف بطلع قدام العيال!؟
ماجد: وليه؟
سلمى: مدري احس احراج! خلاص برجع للغرفه وانت روح لهم
مسك يدها بخفه: تعالي ما سويتي شي خطا او شي ينخجل منه!
مشى فيها للمضيف ودقات قلبها تركض قبلها وفيها رجفه وتوتر واحراج، ومسكة ماجد ليدها زادت هالتوتر ..

دخلو للمضيف..
الكل بضحك: ااوووههه
صارو الكل يطقطقو عليهم بمزح ..
رائد بهمس لاديم: عقبال عندنا!
اديم باحراج: بقوم اكل !
ضحك عليها وتكلم: مطوله وانتي تتهربي مني!
اديم وهي تشيل ايد سلمى عن ماجد: يلا يبنات تعالو نسوي اكل!
قامو البنات سوو اكل واكلو ورتبو الحوسه ..

بعد الاكل ..
الكل كانو جالسين بالصاله ويسولفو ..
سمر: يجماعه بنلعب لعبه!
تركي: الي هي؟
سمر: كل اثنين مع بعض بنت وولد واللعبه هي الاشاره، يعني انه مثلا انا وتركي فريق واحد ف انتو تعطوني كلمه وانا امثلها لتركي ولازم يعرفها بدون كلام، فهمتو؟
الكل: اي ، فهمنا
سعد: انا مابي اللعب، بكلام يالله افهم كيف بدون!
ضحكو الكل عليه..
زايد: اصبرو وانا مابي مو جوي ف شرايكم اقولكم انا الكلمات؟
سمر: تمام انت بتعطينا الكلمات ولاني انا الي جبت الفكره بقسمكم انا !
وافقو كلهم على كلام زايد وسمر..
سمر: ببدا اول شي بكابلز هالسنه والي هم سلمى وماجد اتمنى تجسلو مع بعض على جنب هناك!
جلسو جنب بعض باحراج والكل يضحك عليهم وكيف قدرت سمر تصيد جوهم ..
سمر: خلاص اسكتو خلوني اكمل تقسيم بعدين انتو قدمو تعليقاتكم!
تركي: اسكتو خلاص!
غمز لها واشر بعيونه على رائد واديم واعطته الاشاره👍🏻 انها فهمته
سمر : الحين ابي خالد ومريم تفضلو على جنب، واحمد وريوف مع بعض، وانا وزوجي طبعاً ، واممم.. ابي فراس مع ريم واخر شي رائد واديم ..

بدت اللعبه والكل متحمس ، وجوله بعد جوله .. لين انتهت بتعادل بين اديم ورائد وماجد وسلمى ..
تركي لرائد: خلينا نقول انه ماجد وسلمى بينهم حب عشان كذا يفهمو بعض وقدرو يفوزو بس انت واديم وش عذركم؟
رائد: مدري يعني كذا حظ!
ابتسم له بمكر: ايه صح حظ حظ !
سمر الي صدقت نفسها بزياده: والحين يا جماعة اتمنى اقوة صفقه لكوبلز السنه ولرائد واديم لان النتيجه بينهم تعادل
خالد: حبيت هاللعبه تقربنا من بعض وصرنا نفهم بعض اكثر
احمد: اتفق!
ريوف: اسكت! ما تفهمني ابداً
همس لها: معليك يا عيني كلها لعبه!
زايد : متى بنرجع؟ امي كلمتني تسال!
خالد: خلونا نمشي اليوم قبل المغرب لان مريم عندهم زواج بتروح بكرا للرياض!
فراس: تمام خلونا نقوم نجهز الوضع ونشوف لنا فعاليه لين يجي العصر!