بقايا شغف

نظرة اولى

تلعثمت وتراجعت خافت من هيج حاجاها وكان معصب واستنفذت كل صبره ولو هو خالو مو عصبي ولا يحاسب يس الغلطانة منا يعرف دواها

سكتوا اثنينهم وهو صد عالحديقة كال امشي مسرة واني حجيت وياها الغبية
-امشي ويانا
سالت بخفوت
-وين؟؟
-نروح ويه راشد ناخذ سيارة
عيونها شعت فرح
-صدك والله قبلوا وعمو معد ..عمو مجيد همين وافقوا ولج راح تصير عدنا سيارة
كمزت وياها بفرح ونصفك بحماس ونسينا هذا الواكف يتفرج ومنتظرنا
انتبهت وكفتها
-زين دعووو شلون
-نمر ناخذها مناك من شغلها مو راشد
راشد: راشد سايق عدجن؟؟
مسرة:الله عليك رشودي عفيه صدك ناخذها مناك
-ولجن بابا دربنا مو مناك
-ميخالف حباب
- ديلا بدلن فضني عاد وراي كومه مشاغل

حوراء:راحت مسرة واني نغزته
-صاير مشغول ووقته ما يسمح
صاح ورايه
-تره سمعتج
-فتت للبيت ركض هاي هي برد كلبي بي ...بدلت وطلعت وياهم طول الطريق عينه عليه بمراية السيارة خازرني واني هم كومه مواقف بيناتنا من احنا صغار ولهسه اني وياه مثل الرويسية جنت عبالي يغار مني من صغار هسه ما ادري شنو؟؟

مسرة:وصلنا للعمارة البيها دعاء بعد ما انطينا العنوان لراشد اول ما وصلنا راشد استغرب
-هي تداوم هنا!!!
حوراء:اي صديق بابا
سكت راشد وعينه عليه باستغراب ...ردت انزل اصيحها ما قبل راح هو جابها واجا ..من نزلت وشافتنا انهبطت خطيه بعدين فهمناها السالفة كيفت وصعدت ويانا تضحك تكول الي شلون قنعتيهم

وصلنا لل....بعد مرور تقريب الساعة المنطقة بعيدة علينا وازدحامات خانقة لحد ما نوصل ...دخلنا لشارع كامل كله معارض سيارات ووكفنا بواحد جبير طوابق ...تمشينا وسألنا كومه عن السيارات وانواعها واسعارهن .. ويانا اخو ضرغام الجبير وعمه لان احنا من طرف حجي معد خدمونا غير شكل يعلمونا وعلى كل شي ....عيوني تتطلع للسيارات مره واباوع للممرات وانحاء المكان مرات بلكت اشوفه ايست كلت اكيد ما مداوم اليوم واني صار كومه متأمله اشوفه...

اختاريت سيارة بالاخير صفيت اخذ كيا سوول مثل سيارة ام صديقتي وهي اصلا عاجبتني وسعرها زين مقارنة بالباقيات ...من اختاريت كانت مركونة بجعب المكان وكفونا اني ودعاء وحوراء بصفحة وصاح ابو المعرض باسمه ...جنت احجي ويه البنات قطعت كلامي والتفتت اشوف الرد منو هو لو مو هو!!

اجا من فوك صعد سيارتين بعدها فرهن طلعهن بغير مكان صفهن وطلع سيارتنا واني متحنطة اباوع اله.. سايق مضبوط لو باقية هالشغلة الي نبات وما اطلعها...نزل منها وولد واكف يمه بيده ملمع وقماش لمع الجامات ولو هي كلها سياراتهم تبرج من اانضافة

ردته بس ينتبه ولو هو ما شايفني ولا يعرفني بس اني والخفافة مالتي بعد تقربنا يمها وهو هم واكف يجهزها النا ...تقربت يمه وحجيت وياه لا على التعيين بس اريد موضوع اصلا اجابته مو بس مختصرة ما مفهومة وما يباوع لا بالوجه ولا يندار علينا احنا البنات ...من يحجي وياه راشد عادي يتجاوب وياه ...كتلني الفضول لو كان يدري اني نفسي مسرة هم يتصرف هيج وياي ....