أنارت عتمة قلبي

دقيقة بس !!!

السلام عليكم ورحمة الله وبركاته

نبي نقول كلمتين معليشي إتحملوني....

أولا :- أني اللي نكتب في الرواية وربي شاهد وعالم وهذا المهم عندي غيره مايهمنيش

ثانيا :- ياحبيبتي تبي تنقلي الروايه أنقليها أني مش حاطه إيديا على حد ولا أعترضت لحد

وعارفه وشايفه اللي ينقل فيها ومحترمني وواخذ أذني ومخلي أسمي عليها

وعارفه وشايفه اللي ينقل فيها من غير أذن وفوقها شاطب أسمي

أوكي هذا كله والله ماهو هامني ولا مدوراته، في النهاية كل واحد يخدم بأصله وتربيته

لكن.......!!

بما أنك أنتي ناقلتيها ومش ليك ماتكذبيش وتقولي ليا
تنسبي فيها ليك بأي حق؟؟

خليتو المتابعين يكرهوني يتهمو فيا أنه أني اللي قاعده نخنب في رواية مش ليا
عيب هكي عيب....
وصلت بيهم الدرجة يخشولي خاص بأسلوب حلو ولما نرد عليهم مايخلو مايقولولي كلام مايقبلاش لا عاقل ولا مجنون

يتهمو فيا بالباطل قداش مره يهددو فيا بيهكرولي إيميلي وهكروه معاش قدرت نخشله

تسببتولي في مشاكل أني في غنى عنها على خاطر شني بالله على خاطر شني؟

مافهمتش نوعيتكم أنتم لشني تبي توصل بالضبط؟

باهي مش الروايه ليكم ليش ماتنزلوش لما أني نوقف نزلو ترا خلينا نشوفو مني الصادق ومني الكذاب؟

أني إنسانه مسالمه وماعنديش على المشاكل ولا نحبها، وياريت اللي عندها مشكله معاي تجيني شخصيا وتواجهني وجو اللف والدوران متاع الصغار فكونا منه ألهو في روحكم وسيبوني في حالي لو سمحتو؟

يعلم ربي قداش عانيت من بداية ماكتبت هالرواية، وقداش صارتلي حاجه وقداش تعرقلت مره
وبالرغم من هذا ما أستسلمتش وقاعد نقاوم في الظروف ونحاول نرضي متابعيني على قد مانقدر
ليش تحبطو فيا وتخلو الناس تكرهني تحطو فيا في مواقف ماكنتش نتمني أني ننحط فيها

ربي يهديكم ربي يهديكم ربي يهديكم
ماتجوش تكذبو وتتبلو عليا على شي مايستاهلش

أتقوا الله في أنفسكم وفيا ..
قاعده مانبيش نتحسب على حد ..

ياريت اللي قرت كلامي إديرله سكرين وتنزله في القروب لو سمحتو..

أعتذر بشده للناس اللي قاعده متابعتني ومقدره اللي قاعده نمر بيه

شكرا ليكم من القلب❤

دمتم في رعاية الله....