أنارت عتمة قلبي

الحلقة الأولى

#أنارت_عتمة_قلبي

الحلقة الأولى

------------------------------
----------------------------------------

قراءة ممتعه💜

" كُن طاقة إيجابية مؤثرة وشعلة أمل لمن حولك، وأطبع صورة النجاح من خلال عملك للآخرين، فقد تكون نقطة تحوّل في حياتهم وأنت لا تعلم🤍 "

#أبتسم_ماخلقك_الله_لتعبس😊

في كافتيريا الجامعه مقعمزه هيا وصاحبتها اللي كل يوم تسمع فيها تشكي من معاملة خوتها القاسيه ليها وهيا مضايقه على حالها، وتستقبل في همومها وشكواها بكل رحابة صدر

أعظم الإنتصارات اللي ممكن يحققها الإنسان أنه يكون عنده كتف ثابت لايميل، عين أخري تبكي معاه، قلب ثاني يضحك لفرحه، حضن دائم يهرب ليه من تعب الحياه وهوا عارف أنه راح يكون معاه مش عليه مهما كان الموقف والظروف، معاه في الشينه قبل الحلوه شي عظيم أنه واحد يقول صديقتي وهوا حاس الكلمه بكل معانيها❤💜

......،تنهدت بحزن😔: اااااه ياربي أمتي بتفرج عليا وبنرتاح والله إعييت، تصدقي بديت نخاف نكرههم من اللي يديرو فيه،

هنادي بإستفزاز: قصدك قاعده تحبيهم أنتي!؟

.......، شافتلها بلوم وقعدت ساكته
شويه وقالت بإنفعال: قسمآ بأيات الله شي يخليني نتزوج حتى شيباني رجله والقبر كان غير يخلوني بس
هنادي، بضحكه😅: يعطيهالك اللي يسمعك يقول لهالدرجه ميته على الزواج

مافيش واحده منهم إنتبهت للي مر من جنبهم وكلامهم الأخير جي في وذنه، أبتسم بهزوه😏 على اللي سمعه وهو يقول في خاطره ' كلهم تافهات هذا فاش يفكرو ماشاغلهم كان هالموضوع وياريتهم غير مقومات ويقدوه ' ، كور قبضة إيده بغضب وكمل طريقه بيأخذ قهوته وبيطلع

.......شافتلها بنص عين😒: والنبي خليني ساكته خير، قتلك ميته قتلك!!،
عارفتيني الزواج أخر همي ومانفكرش فيه

هنادي هزت رأسها بالإيجاب وهيا تقول: عارفه ياحبيبتي أني اللي عارفه

.......بلوم: عارفه!؟، لكن اللي يسمع كلامك يقول عليك غريبه وماعندكش علم بالعيشه اللي عايشتها؟؟
تنهدت وقالت: باللهِ في رأيك نستاهل اللي قاعد يصير فيا هذا كله،
مانيش حتى من الحموات الواعرات والعافنات كان هذا نقولو هذا علاش إمساوينهم قالبينهم عليا،
شايلتهم هما وصغارهم فوق رأسي نوكل ونقري ونلعب ونغسل ونعاند وهذا كله مش شابحيله،
وكل موقف يديروه أسود من اللي قبله،
ونزلت رأسها لما إذكرت اللي صار إمبارح، حست بحاجه كابته على صدرها بقوة ودموعها راح يخذلوها

هنادي، بحنان: حبيبتي ورأسك ماتستاهلي إلا كل خير، عارفه كيف شايلتيهم على كفوف الراحه بتقوليلي أني!!
حطت إيدها على يدها وكملت تقول:
ورأسك هما العافنين مش أنتي حاشاك، حسبي الله ونعم الوكيل فيهم كيف ماظالمينك ومسودين عيشتك الله يسود عيشتهم
.......قامت رأسها بضيق وحاسه بقلبها وجعها من دعوة صاحبتها على خوتها رغم كل اللي يديروه فيها يقعدو هما السند والعزوه في نظرها ومن لحمها ودمها ومستحيل ترضي فيهم دقة الشوكه وعلى قد ماضروها مافيش مره فكرت أو طاوعها قلبها تدعي أو تتحسب عليهم، ديمه كلمة ربي يهديهم تطلع هيا الأولى، شافتلها بغضب مكبوت ورجعت نزلت رأسها
هنادي، بغضب: عارفاتك مش راضيه فيهم ياحنه، أني ماقلت هالكلام إلا من قهرتي عليك، خلاص مادامك هكي مش متحمله كلمه عليهم فكينا منهم ومن سيرتهم لأني مانقدرش نشد لساني تعرفيني أني، ولفت وجهها للجهه الثانيه بضيق،