حبيبتي الشرسه .... ♡

الخاتمه

عادل ابتسم وقاطعها : لاء كل واحد ليه شاليه بصي الل هناك ده لعدنان والتاني الل جنبه لصلاح وده بتاعنا نحنا
حبيبة ابتسمت ودخلت وهي باصة باندهاش : الله ده جميييل اوي
عادل شدها ودخلو اوضة النوم : تعال ننام شوية
حبيبة بهدوء : لاء سيبني اتفرج شوية
عادل نام على السرير وشدها تقعد جنبه : نيميني وتفرجي بس ماتروحيش وحدك صحيني
حبيبة شدت راسه ليها ونيمته على رجليها وملست على شعره : حاضر ارتاح انت
عادل فرك وشه أكتر فحجرها وغمض عينيه وحبيبة سندت ضهرها على السرير وفضلت بتملس على شعره وثواني وغرق فنوم عميق وبعد دقايق حبيبة تعبت وبعدته بهدوء ونامت جنبه عشان ترتاح وما حستش بنفسها وهي بتغرق فنوم عميييق زيه
فالحارة الرجالة كانو قاعدين على القهوة مع المعلم شعبان
عبد الله نايم على نفسه ومش حاسس بحاجة ومحمد كمان ساند على التربيزة ونايم المعلم شعبان قرب منهم وقعد معاهم : خير مالكم
عبد الله فز بخضة : سكتيه بقى
وبص لقى المعلم شعبان ومحمد بيبصوله شعبان باستغراب ومحمد بتفهم
المعلم شعبان بقلق : فيه ايه
عبد الله بغيظ : فيه ان بنت الكلب سابت ولادها معانا
محمد بغيظ : الله يكون فعونك ده واحد وقفنا على رجل واحدة امال لو كانو اتنين
شعبان مافهمش : بنت مين وتقصد ايه بواحد واتنين
عبد الله بغيظ : البنات راحو يتفسحو وسابولنا الولاد
شعبان ضحك : هههههههههههههه وهو فيه أحسن من كده
محمد بغيظ : فيه إننا نروح نوديلهم ولادهم
عبد الله ابتسم : طب والله فكرة قوم جيب آدم وانا هجيب الولاد واتصل شوف هما فين
المعلم شعبان بضحك : ليه بس سيبو الولاد يعيشو حياتهم وافرحو بولادهم وربوهم
عبد الله بتعب : الل سمع غير الل شاف ياخويا ده الواد والبنت متفقين يسكت واحد يصرخ التاني ولا أكل بيسكتهم ولا شرب ولا شيل ولا رقص
محمد بتعب : ومين سمعك ده آدم عليه صوت يصحي تاسع حارة لا وبيصرخ بطريقة غريبة تفتكر حد بيضربه واحنا والله بنحاول نسكته
المعلم شعبان بيضحك ومش بيرد
عبد الله بغضب : ما كفاية بقى ضحك رفعت ضغطي
محمد قام : قوم تعالى نشوف مكان هادي ننام فيه قصدي نقعد فيه
عبد الله قام والمعلم مسك ايديهم وقعدهم وهو بيحاول يكتم ضحكته : طب خلاص هسكت بس اقعدو .. ولا يا رمضان هات قهوة .. اشربو القهوة عشان تصحصحو
عبد الله ومحمد تنهدو وبصو الناحية التانية والمعلم ضحك بكل صوته وهما بصلوه بضيق وضحكو هما كمان دقايق وشافو سالم وقفو وسلمو على بعض
سالم بابتسامة : رانيا صممت تيجي تقضي يوم الأجازة مع آدم
محمد بابتسامة : ليه تيجو لو كنت اتصلتو كنت جبتهولكم هو وسته
سالم ضحك: شكله كده تعبك
محمد بابتسامة وتعب : ده موتني انا خلاص قررت لو ابنك طلق البنت فيوم هياخد عياله
سالم ضحك : ربنا يبعد عنهم المشاكل ويخليهم لبعض ونشوف اخوات آدم ونجوزهم
محمد بابتسامة وحنية : يارب
سالم بص لعبد الله : عامل ايه مع الولاد ياعبد الله
عبد الله بهدوء : والله بست ايدي وش وضهر عشان حبيبة لسه ماخلفتش
الكل ضحك وعبد الله كمل : عيل كمان وهدخل مستشفى المجانين
فوق الستات متجمعين فشقة عبد الله بيشربو شاي والولاد بيلعبو مع بعض ويضحكو
زهرة بتساؤل : إلا ماحدش قالك رايحين فين
رانيا بابتسامة: لاء ابدا
بسمة بفرحة : ربنا يسعدهم والله ده احسن حاجة اهو نشبع من العيال دي شوية ده انا بشوفهم بالعافية وخصوصا آدم
ام صلاح بحنية : معاك حق والله الولاد دول نعمة ده انا لما بشوف ابتسامتهم بحس بقلبي بيرفرف من الفرحة
رانيا برجاء : ربنا يحفظهم ويقوم حبيبة بسلامة
الكل : ياااارب
الصبح
عدنان صحي قبل سلمى وهي فحضنه ابتسم وباس جبينها وقام بهدوء من جنبها ولبس بنطلونه ونزل عملهم شاي ولسه هيطلعه شافها نازلة مع السلم ولافة الغطا حواليها
عدنان ابتسم ليها وصفر بإعحاب وقرب منها وباس شفايفها بخفة : شنطنا فين
عدنان بتذكر : ف العربية لحظة هجيبهم
سلمى بهدوء : طب هاخد شاور
عدنان شدها : استنيني
سلمى ابتسمت وهزت راسها بطيب وهو اداها شايه و طلع وفتح العربية واخد شنطهم ورجع ليها لقاها قاعدة بتشرب الشاي بهدوء قرب منها : يلا
وشاور بايده وسلمى ابتسمت وقفت ومشيت قدامه وعدنان شد الغطا بقوة عنها وهي شقهت بقوة وبصت له بتفاجأ لقته مبتسم وبيبص لجسمها العاري بشهوة بعدت وابتسمت بمكر وجريت دخلت الاوضة قبله ولسه هتقفل حط رجله جوا الباب وزقه بشويش وهي ضحكت وجريت على الحمام وعدنان مسك ضراعها وشدها ليه وفتح باب الحمام ودخل معاها
صلاح صحي من نومه وحط يده جنبه مالاقش أميرة مدها أكتر وفتح عينيه وبص للسرير الفاضي باستغراب وقعد وبص حواليه شاف أميرة واقفة فالبلكونة ولافة الغطا حواليها ابتسم وقام بهدوء وحضنها من ورا ودفن وشه فرقبتها وغمض عينيه : ماصحتنيش ليه
أميرة ابتسمت وحضنت ايديه : لسه صاحية حالا
صلاح باس رقبتها وشمها بقوة : صباح الفل والورد
أميرة بابتسامة التفت ليه عشان تحضنه وشهقت لما شافته لسه عريان : هتاخد برد
صلاح ضمها أكتر وبعد الغطا ببطئ : لاء هاخدك انت
أميرة ضحكت وصلاح شدها ورفعها عن الارض ونزلها على السرير :طب استنى نفطر
صلاح ابتسم وباس شفايفها بين كلامه : هفطرك .. واغديكي .. واسقيكي ..
أميرة ضحكت بدلع وصلاح عض شفايفها بقوة : يخرب بيتك
وباسها بقوة وهي جرحت ضهره بضوافرها باستمتاع خلته يتجنن ويعاملها بجوع وعنف أكتر ويوصلها لسابع سما من المتعة واللذة
حبيبة فتحت عينيها بهدوء ورفعت راسها ببطئ عن صدر عادل وبصت له لقته نايم بعدت ايده عنها وقامت بهدوء ونزلت عن السرير وطلعت تتفرج على الشاليه نزلت من السلم بهدوء ودخلت المطبخ .. فتحت التلاجة وتفاجأت بيها مليانة اكل وفيه علب شوكولاتتها المفضلة وعصايرها وكل حاجة هي بتحبها .. ابتسمت بسعادة وطلعت أكل وعصير وقعدت تاكل باستمتاع
دقايق ونزل عادل وقرب منها مبتسم : جالك نفس تاكلي من غيري
حبيبة بضحك : بنتك مش انا بس امتى جبت كل ده
عادل قرب وباس شفايفها للحظات وهمس بإثارة : الليلادي هاكلك
وبعد وكمل بابتسامة : كل ده نظمه عدنان انا دفعت بس المهم يكون عجبك
حبيبة ابتسمت بفرحة وشدته وهو باسها تاني لثواني وبعد : هجيب هدومنا من برا
حبيبة مسكت فيه وباسته وعادل ابتسم ورفع ايده وقربها أكتر وباسها بقوة وغرز سنانه فشفايفها وشدهم بقوة لدقايق وبعدت وهي بتلهث : روح
عادل ابتسم وباس شفايفها بخفة وطلع جاب هدومهم ودخل خد شاور وغير هدومه وحبيبة خلصت اكل وقامت ترتاح فريسبشن وبعد دقايق عادل خرج من اوضتهم وقرب منها : تعالي خدي شاور
حبيبة هزت راسها : لاء استنى شوية انا تقلت فالاكل
عادل : طيب هجيب حاجة آكولها
وراح للمطبخ وعمل طبق وجه قعد جنبها وحبيبة ابتسمت له بحب وابتدت تأكله وتشاكسه
قبل المغرب بساعة طلعو وتمشو جنب البحر ولقو سلمى وعدنان قاعدين فحضن بعض وبيضحكو ابتسمو وقعدو جنبهم
سلمى بابتسامة : ايه رايك يا بيبة ف المفاجأة
حبيبة بابتسامة بصت لعادل بحب : فوووق الخيال
عدنان بمشاكسة : هي بتسألك عن المفاجاة على فكرة
عادل بغيظ : وأنت مالك انت
ضحكو ولحظات وصلاح وأميرة قعدو معاهم
اميرة بانبهار : بجد الهوا هنا تحفة والمنظر خرافي
سلمى غمضت عينيه واستنشقت الهوا بقوة : فعلا معاكي حق احنا كنا محتاجين نيجي اوي
عدنان باس خدها بخفة وهي ضمت ايديه ليها أكتر
عادل بهزار : بالنسبالي انا اظن استعجلت شوية