သူမ၏စာရင်းထဲတွင် နေလုံးလေးနှစ်လုံးဖြင့် နဉ့်ကျီ Overlordအား အလျင်အမြန်ပင် ဆင့်ခေါ်လိုက်သည် "ငါ့မှာ နေလုံးနှစ်လုံးရှိတယ် ၊ ငါ့ရောင်ဝါ၁%အတွက် တစ်လုံးနဲ့ အခြားတစ်လုံးကို လုကုကိုကယ်ဖို့ လဲချင်တယ်"
Overlord၏ချိုမြမြအသံလေးသည် တိုးညင်းစွာ ထွက်ပေါ်လာခဲ့၏ : [လုကုကို ဒုတိယအကြိမ် ကယ်ဖို့အတွက်ဆိုရင် နေလုံးက သုံးလုံးလိုတာပါ Hostခင်ဗျ]
"တစ်လုံးတည်းမဟုတ်ဘူးပေါ့?" နဉ့်ကျီမေးလိုက်သည်။
Overlord : [တာဝန်ခက်ခဲလေ နေလုံးလေးတွေကို ပိုလိုအပ်လေပါ]
"နင် ဒီအကြောင်းကို ဘာလို့ အရင်ကတည်းက မပြောတာလဲ? ငါတို့လုပ်နေရင်းမှ ကိစ္စတွေကို နင်ကောက်လုပ်လိုက်တာလို့ ငါဘာလို့ခံစားနေရတာပါလိမ့်?"
ကြောက်လန့်သွားရှာရင်း Overlord၏ အသံချိုချိုလေးမှာ တုန်ရီနေလေသည် : [ဘာလို့ဆို Hostက တစ်ခါမှမှ မမေးဖူးတာကို]
"ဆက်သွားရင်ရော?" နဉ့်ကျီ မေးလိုက်သည်။
Overlord : [တတိယအကြိမ်အတွက်ဆိုရင် နေလုံးလေးငါးလုံးလိုမှာဖြစ်ပြီး စတုတ္ထအကြိမ်အတွက်ဆိုရင်တော့ နေလုံးလေးဆယ်လုံး]
"တော်ပြီ ၊ ပါးစပ်ပိတ်ထားလိုက်တော့" နဉ့်ကျီ ဆက်နားထောင်နိုင်စွမ်းမရှိတော့။ ဒီမဖြစ်နိုင်တဲ့ဟာကြီးကို သူတို့ရည်ရွယ်ချက်ရှိရှိလုပ်နေတာမလား?
နဉ့်ကျီသည် လုကု၏လက်ကိုကိုင်ထားရင်း သူမတို့လာခဲ့သည့်လမ်းအတိုင်း ပြန်လျှောက်လာခဲ့၏။
လုကုမှာ စိတ်ရှုပ်နေပုံရသည်။
နဉ့်ကျီ ပြုံးရင်းဖြင့် သူ့အား စကားဆိုလိုက်သည် "ရှင်က အရောင်တောက်တောက်အင်္ကျီနဲ့ အနီရောင်အင်္ကျီတွေကို သဘောကျတယ်ပေါ့လေ ဟုတ်လား? ကျွန်မတို့ အဲ့ဒီအင်္ကျီတွေအကုန်လုံးကို ဝယ်ပစ်ကြမယ် , အဲ့ဒါတွေက ရှင့်ကို ပျော်ရွှင်အောင် လုပ်ပေးနေသရွေ့ပေါ့"
ပိုက်ဆံသုံးခြင်းဆိုသည်မှာ ဤသို့ထူးခြားကောင်းမွန်လှသည့် ခံစားချက်မျိုးဖြစ်သည်။ အထူးသဖြင့် တစ်စုံတစ်ယောက်၏ပိုက်ဆံအား သုံးနေသည့်အချိန်ပင်။
YOU ARE READING
အမျိုးသားဇာတ်လိုက်၏ညီနှင့်လက်ထပ်ခြင်း [ဘာသာပြန်]
Romance»This is not my own story »Just translate for fun »All credits go to the original author and translator »Cover photo from pinterest
Chapter-21
Start from the beginning
![အမျိုးသားဇာတ်လိုက်၏ညီနှင့်လက်ထပ်ခြင်း [ဘာသာပြန်]](https://img.wattpad.com/cover/307639129-64-k915251.jpg)