تلاتة شهور من لينة مشت تتعالج أسى مرا شهر فوقهم عشان ترجع البلد و ناس وريف و عمتا مستنين بفارق الصبر لانو اشتاقو ليها بالذات عمتا كل يوم أربعة و عشرين ساعة معاها بالتلفون الليلة جايين و من الصباح نضافة و الأكلات البتحبها لينة سجود قاعدة و بطنها بقت كبيرة و لبنة شغالة مع وريف و اخواتة
اما عمي و إيهاب مشو يستقبلوهم في المطار و ناس فدوة جايين يحمدو ليها السلامه زي الساعة اتنين كدا الباب دقا و عمتي اصلا كانت لابسة توبها مستنياهم يجو من دقة الباب سرعة مشت فتحتو و سامعة صوت البكا حقها و عرفت انو لينة جات كان نفسي اشوفها بعد الزمن دا كلو واقفة و م قادرة استنى جات داخلة و معاها إياد دموعي من غير م احس جو نازلين لانو م ياها لينة البعرفة بقت ضعيفة و شاحبة لكن لسه ابتسامتها الحلوة موجود من شافتني هي كمان بقت تبكي و اتحاضنا وفضلنا كدا لمن عمتي قالت خليها ترتاح باقي البيت سلم عليها و قعدت و ناس عمي مشو الديوان
و بعدها بي ربع ساعة الناس دي خاشة و مارقة يحمدو ليها السلامة والله حاجة تفرح القلب انو الناس خاتاك في مكانة عالية في قلوبهم بقيت بين الضيوف وكدا و م قدرت اخد راحتي عشان اتونس مع لينة و اعرف الحاصل معاها شنو زي الساعة أربعة كدا الضيوف خفو
لينة كانت جوا اوضة البنات اتسحبت براحة مشيت الاوضة لقيتها نايمة و التعب باين في وشها قعدت اتأمل فيها لانو لي زمن منها وقلت أن شاء الله ح ترجعي و احسن من الاول طلعت خليتها ترتاح....
مرت الايام و بقينا في ولادة سجود لينة صحتها أحسنت شوية مع جو البلد و قعدت معانا عشان سجود ولدت وجابت ولد و ابوهو كان اكتر زول فرحان م شاء الله جايب حاجات السماية كانو حاجات عرس و من تعامل مع سجود عرفت انو مش بحبها لا دا فات حد الحب زاتو حتى زمن كانت حامل كان يجيبها و يكون ماسكة و براحة علي مهلو بيمشي معاها ولمن جات البيت صباح و مسا بيجيب فواكه عشانها حتى لو قالت م عايزة بيجبرها مافي احلى من كدا ولاحظت انو سجود بقت اهدا و الطف من قبل فعلا الحب بغير طبع الانسان
بعد الاحداث دي كلها رجعت الشغل و بقى احسن من قبل حاليا مرو تلاتة سنوات على سفر بيبو يعني أسى بيبو بقى شاب عمرو 18 سنة وريف بيها فترة م اتكلمت معاه بس بتتصل تطمن و تقفل مع المشاكل دي اخوات وريف قربو يخلصو اول سمستر ليهم و رماح قربت تمتحن عشان تدخل تالتة ثانوي
اليوم داك ام فادي قالت تعال ي ابو فادي بعد دا الكلام جا زمنو قال ليها كلام شنو قالت ليهو عرس ولدك بعد دا نمشي ليهم ولا كيف قال ليها تصدقي الموضوع ده راح من بالي خلاص بكرة الجمعة نمشي بإذن الله قالت ليهو طيب جهز الحاجات و اتصل على اعمام فادي و استعدوا قال ليها مستعدين وقولي لي فادي قالت ليهو فادي عارف جبيل الصباح كلمتو قال ليها كان كدا خير
فدوة اتصلت لي وريف وقالت ليها بكرا جاينكم زيارة و وريف رحبت بالفكرة و جهزت اي حاجة و كلمت عمتها انو ناس فدوة جايين و عمتها رحبت بالفكرة لانو يوم عرفو مرض لينة هم كانو واقفين معاهم جهزو الحاجات و بعد صلاة الجمعة جوهم وريف م اتوقعت كل اهلهم جايين عمها و إيهاب قعدو معاهم في الديوان و النسوان بي جاي ام فادي بتعجبها تصرفات وريف هادية وكلامها موزون و الاحلى من كدا احترام اخواتة ليها يعني بحترموها لي ابعد الحدود م بيعملو حاجة الا يقولو لي وريف عمت وريف قالت ليها اعملي الجبنة وريف جات رصت المكسرات حقت الجبنة وهاك بالبخور الما خمج و أم فادي الحتة دي كيفتها ختت ليهم الفناجين و إيهاب جا شال حقت الرجال و أم فادي تشيل وتشكر في الجبنة بعد خلصو الجبنة و الونسة بي هناك جدو لي فادي فاتح عم وريف في موضوع العرس طبعا عمها قال اول يشاورو وريف و نادا عمتها طرف و حكي ليها الموضوع قالت ليهو طيب مشت نادت وريف و دخلو الاوضة قالت ليها اسمعيني ي وريف الناس ديل جو و عايزنك لي ولدهم اول حاجة جات في بال وريف اخواتي اخليهم لي منو وعاينت لي عمتها بي استغراب قالت ليها ولدهم منو عمتا قالت ليها بري م متذكرة اسمو انتي رايك شنو وريف سرحت مسافة وقالت ليها بفكر اول عمتها قالت ليها طيب فكري لكن اول عايزين يشوفوك قومي لفي الطرحة و ارح
عمت وريف ساقتها و وريف تفكيرها كلو ح يحصل لي اخواتي شنو قالت ليها جوا في العريس وعمك و إيهاب و ابو العريس وجدو الباقيين طلعو م ترفضي أسى بس قولي خير تمام قالت ليها تمام وريف دخلت و منزلة رأسها مشت قعدت جنب عمها اول م رفعت عيونها بس شافت جدو وشها اتهلل وقالت جدو دا انت قال ليها ها بت ولدي خبارك جات سلمت عليه في يدو وقالت ليهو الحمدلله انت كيفك و كيف صحتك قال ليها بخير وعافية الحمدلله دا كلو و الباقيين متابعين بصمت وريف رجعت قعدت عمها قال انتو من وين بتعرفو بعض جدو قاد ليهو قصة طويلة قال ليهو ايوااا....... يتبع 🌼🌼
