اخدت نفس و قريت اسم محلي اخيرا فتحتو و ان شاء الله يكون وش خير و بركة على قريتو دليدة للديكَور و بالانجليزي كمان طاقة إيجابية كدا دخلت فيني عاينت ليهم قلت ليهم بعد دا اوزع حلاوة و بلح و بكرا ح ابدا ان شاء الله و انت ي بيبو تعال خش اخد حمام و غير هدومك دي قال لي حاضر دخلنا المحل بيبو دخل الحمام لغايت يتحمم مشيت جبت حلاوة وبلح و م فضل في جيبي غير حق المواصلات قلت تتسهل أن شاء الله لمن جيت بيبو طلع عرفت ي دأب بسمو فروة لي عندو شعر ناعم و اسود الولد دا مسكين ياخ و م شاء الله تبارك الرحمن النضافة بتغير طالع حلاتو ي ناسي قلت مع نفسي أن شاء الله تلقى الخير في حياتك ي اخوي وزعت ليهم حلاوة وقلت ليها بكرا ي لينة ن عندك اي شي صح قالت لي اي نحن امتحان و مستنين النتائج قلت ليها بث ح نفتح من الساعة تمنية كويس قالت لي كويس انتي جبتي العينات قلت ليها اي طبعا العينات دي ختيتها في الغرفة ألفي النص عينات من انواع الأقمشة و عينات من الوانها و عينات من نوع السجاد و تخنو و نوع الصوف و عينات من ألوان الدهانات و عينات من انواع و أشكال السيراميك و أنواع لي خشب الاثاثات أو جلد الكراسي و آخر عينة عينات من أشكال الاثاثات ودي بتكون كل عينة في دفتر كبير كدا الزبون بجي و يختار الألوان و العينات و نحن بنهتم بالباقي لينة قالت طيب لي بكرة يفتح الله ابتسمت ليها و عاينت لي براء قلت ليهو خلاص نحن ماشين نوم في المكتب كويس هزا راسو و لو جعان في التلاجة في مكتب المحاسبة ختيت فيها حبة اكل تمام تاني هزة راسو ابتسمت و نزلت الستار و قفلت المحل نزلت الباب الحديدي البراك دا و طبلتو و براء طفا الانوار رجعت البيت وزعت الحلاوة طووول الشارع لمن وصلت البيت وزعت لي ناس عمتي و لي اخواتي عمتي قالت لي خير ان شاء الله قلت لي أن شاء الله خير و ابتسمت ليها تأني يوم قمت متحمسة شلت فستاني داك عشان مظهرنا قدام الزبون مهم جدا جدا خلصت نضافة زي سلعة ونص كدا و طيران مشيت الموقف المواصلات اتاخرت عشرة دقايق و وصلت متأخرة شوية قلت تاني لازم اصل بدري اتحججت لي عمتي ب انو مدام سليمة قالت لي م ارجع البيت و احتمال تزيد لي المرتب ومن كلمة احتمال ساي م سألتني قالت لي طيب كنت خايفة و مطمنة في نفس الوقت على اخواتي لانو ريل تقدر لي عمتي.......... أول م وصلت فتحت المحل لقيت براء لسه نايم و نايم في الأرض يمكن لسه م اتعود لكن ان شاء الله يتعود صحيتو قلت ليهو براء انت صليت قال لي لا م بعرف قلت لي طيب م توريني قوم قوم الليلة فوت الصبح بكرا لا وزيتو كيف يتوضى وكيف يصلي و عدد الركعات و النوافل و لينة جات ساعدتو يحفظ كم اية وقالت لي وقت الفراغ بعلمك القراية و الكتابة والله م شفتو الولد فرح كيف ياخ تدخل فرحة في قلب زول احساس زيو مافي فتحت الستار براء كان بيفتح في التاني بس فجاءة قعد في الأرض و نزل راسو قلت ليهو براء في شنو قال لي شفتي الراجل داك عاينت لقيت راجل تخين كدا لابس بدلة رصاصية ورأيو صلعة قلت ليهو مالو قال لي دا مدير البيت عاينت تاني شكلو بفتش في زول عاين كدا شاف ليهو ولد أصغر من بيبو كدا مسكو من اضانو و ركبوا دفار كدا و اتحركو قلت ليهو م تخاف انت افضل في المحل و م تطلع وانا ح اشوف حل للموضوع دا هزا لي رأسو اليوم الأول عدا بدون م زول يجي و اليوم البعدو و البعدو عدا اسبوع و م في زول جا وانا اصلا م معاي قروش و القروش ألفي يدي بدت تنتهي و كل يوم مواصلات وفطور م فضل معاي قروش كتير خلاص يئست و بديت اقنع من الفكرة مرة قاعدة في المكتب بدون حاجة شفت السبحة معلقة فوق المزهرية شلت وبس بقول سبحان الله و الحمد لله ولا اله الا الله و الله أكبر م بعرف بس بقول كدا لمن الباب دقا فجاءة ودا كان بيبو قال لي في زول برا قال عايز المدير ختيت السبحة وطلعت لقيت راجل في التلاتينات يمكن قلت ليهو السلام عليكم رد لي السلام قال عشان م اعطلك قلت ليهو لا ابدا اتفضل قال لي طيب انا مقبل على عرس و عايز منكم تنظمو لي بيتي عبارة عن شقة غرفتين و مطبخ و حمامين وصالة و انا عايز اعملها مفاجأة لي زوجتي و اتمنى نتفاوض في السعر إذا أمكن اخدت منو الألوان المطلوبة و كل عينة من العينات و وديتو لي لينة عشان يتحاسبو بعد ساعة يمكن خلصو قلت ليها لينة اها فهميني قالت لي العمال قال هو بحاسبهم نحن بوريهم يبنو شنو و وين انا الديكور اهدي القروش ردا جزو من الأرباح و الباقي لمن يستلم البيت كانت خمسة الف م صدقت ياخ قلت ليها بكرا اول حاجة نعمل طلة الشقة قالت لي طيب....... يتبع🌼🌼
