كنت جاية من المدرسة و احساس انو دا آخر يوم في الامتحانات احساس حلو شديد ياخ اخيرا ح اتخلص من لبستي اللي م عاجبني كنت جارية و ح افرح بابا انو خلاص بتك ح تدخل الجامعة و تبقا زولة مهمة بس كالعادة ي سادة فرحتي م بتكمل جيت من بعيد شايفة عمتي الوحيدة م عندي غيرها واقفة نص الرجال بتعمل شنو م بعرف ليها لكن ماسكة وشها لمن وصلت قريب سامعاها بتبكي و عاينت لي و جات جارية حضنتني ودي اول مرة عمتي دي دايما بحس انو نحن كاتلين ليها زول وبقت تقول لي وي ي بتي أسى تعملو شنو واي ي بتي وانا كنت زي الخشبة بين يدها لانو كنت بفكر في شنو قالت لي ابوك مشى خلانا مشى و ارتاح من الشقا حق الدنيا مشى ي بتي مشى احاسيسي في اللحظة دي بالذات وقفت لي لحظة انفصلت من الدنيا دي لي لحظة حسيت قلبي دا م موجود ياخ احساس حار زي كانو سكين ورا سكين بتدخل تاني صحيت على صوت النسوان وهم بعزوني عاينت لي عمتي وقلت ليها ابوي وينو قالت لي اكرمو زمان ي بتي زي م انتي عارفة م قادرة ابكي حاسة الدموع دي جفت م بعرف بس م بنزلو من عيوني دموع ابدا ابدا قلت ليهم اخواتي اخواتي وينهم عمتي قالت لي تعالي جيت لقيتهم كلهم قاعدين متكومين في الأرض و اي واحدة دموعها اكتر من التانية من شافوني قلت ليهم تعالو جو على و ي دأب حسيت بالدموع بتنزل مني يعني للمرة التانية نتيتم و أسى صفينا لا ام لا اب عمتي قفلت باب الاوضة وراها كنت قايلاها عايزة تَواسينا و تحسسنا انو لسه فاضل لينا سند في الدنيا دي بس زي م خيالكم حكي ليكم حصل قالت لينا اصلو انتو و امكم جايبين لينا الكفوة و البلا في الدنيا دي من يوم عتبت امك البيت دا م اتهنينا انا هنا عرفت انو بدأ عهد جديد عهد اسود و م شايفة نور في اخرو انا م اهتميت لانو كنت بس سارحة في كلمات ابوي الليلة الصباح قال لي الليلة آخر امتحان و الله يقدرني ي بتي اقريك الجامعة تبقى لي شخصية مهمة في الدنيا دي و ترفعي رأس ابوك ويقولو دي بت محي الدين و يكون عندك هيبة بين الناس وانا ارفع راسي و اقول دي بتي حضنت اخواتي وبقيت ابكي بي كلو م قادرة ياخ م عارفة لي متين لقيت اخواتي نامو وانا واصلت بكاي اليوم داك لمن الدموع جفو و بقيت بأن بس احساس مر ياخ قلت اثبتي ي وريف لو م ليك لي اخواتك و ابوك كان بقول شنو انتي بعد امك امهم مشيت اتوضيت وجيت اصلي يمكن للصبح سمعت الأذان الأول بس ببكي اخواتي صحو مشو اتوضو وجو وقفو وراي دموعي تاني نزلو لانو كنا متعودين نصلي بي ورا ابوي صلينا قلت ليهم ارح نقرأ لي ابوي قرآن قعدنا وقرينا لي سورة الكهف قات ليهم كل يوم ح نقرأ ليهو حاضر قالو لي حاضر أصغر اخواتي اسمها دلال قالت لي لي ي وريف ابوي مشي وين قلت ليها مشي محل احسن من هنا قالت لي ولي شنو خلانا قلت ليها نحن كمان يوم ح نلحقو عمتي فتحت الباب ورمت لينا كرتونة وقالت لمو هدومكن سرعة م امشي و اجي القاكن قاعدات قلت ليهم ريم ريل جيبو حاجاتكم وانتي ي رماح جيبي حقك وحق دلال كنت بلم في هدوم ابوي ومع كل جلابية من حقاتو دموعي بنزلو بحر حار والله حار عمتي جات لقتنا قالت لينا انتو لسه هي ملابسكم قدر شنو جات خمتها و رمتها وقالت انا ناقصة هم ياخ اتحركو احسن ليكم قفلت الكرتونة و بقيت ابكي و ريم وريل و رماح يبكو دلال شافتنا كدا هي زاتها بقت تبكي مسحت دموعي وقلت ليهم معليش امسحو دموعكم عشان بابا م يزعل مسحو وشوشهم و شلنا الكرتونة طلعنا عمتي شايفها موقفة بتاع كارلو شافتنا قالت لينا اتحركو يلا ركبنا و انا بعاين للبيت نفس النظرة القبل سنتين كنت بعاين للبيت القبلو و عرفت انو جاية علينا أيام لازم اكون قدرها كيف الله اعلم🌼
