وريف بقت شغالة في بيت وليد و كان فادي معاها في اختيار الألوان و الاثاثات و كدا و فدوة اخت فادي كمان جات مرة و حبت وريف و الونسة جابت الونسة وبقو صحبات فدوة كانت اكتر زول متأثر لمن انتهى الشغل لكن وريف قالت ليها ح نفضل على تواصل و كدا انتهى الشغل بين وريف و فادي تأتي يوم وريف مشت المكتب هي و لينة قاعدين و معاهم بيبو طبعا بيشربو في الشاي وريف ختت الكباية و نضفت حلقها وقالت بيبو بيبو عاين ليها وقال أامري ابتسمت وقالت ليهو م يتآمر عليك عدو قامت من محلها وجات قعدت جنبو في الأرض قالت ليهو اسمعني تتذكر عمو آدم الزبون تبع الشقة القبل شهر عملناها قال ليها ايوا بتذكرو وريف اخدت نفس وقالت ليهو انا قررت اسفرك معاهو قطر بيبو قال ليها حق شنو وريف قالت ليهو عايزاك تدرس هناك انا خلال السنة دي شايفاك متفوق و عايزاك تتحسن اكتر و اكتر و نسمع بيك م عايزاك تفكر اني عايزة ابعدك مني لكن والله ي بيبو انا متمنية ليك الأحسن في حياتك بيبو قال ليها عارف والله قالت ليهو بابتسامة اها رايك شنو قال ليها و نحن نضمن عمو آدم كيف ابتسمت وقالت ليهو عمو آدم بعرف ابونا و آمنا عمو آدم دا كان قبل عشرة سنة سافر قطر و م رجع الا أسى عشان يعرس لي ولدو و مرتو متوفية و م تخاف عندو اولاد قدرك كدا قال ليها طيب ح اسافر متين قالت ليهو اول لازم نطلع ليك جواز و كدا عشان كدا بكرا ح نمشي الخرطوم لينة قالت ليها و امي ح تخليك يعني قلت ليها انا و عمو ح نمشي قالت ليها ايوااا يعني وريتي ابوي وريف قالت ليها ايوا أمس وريتو و باقي المبلغ سددتو عشان نمشي قالت ليها طيب وريف قالت لي بيبو اجهز بكرا ورانا سفر تاني يوم طبعا عم وريف ورا عمتها انو مسافرين لأغراض خاصة و عمتا م اعترضت لانو الكلام جاي من عمها ناس وريف طلعو بدري وصلو زي الساعة تسعة كدا فطرو وبدو إجراءات الجواز وكدا و لينة كمان جات معاهم اجرو بيت هناك لغايت يتمو الإجراءات بيبو كان بنوم مع عم وريف و لينة و وريف بنومو سوا مرت الايام و ناس وريف خلصو إجراءات و جهزو لي بيبو حاجات السفر و سفرو مع عمو آدم الوعدهم يختو في عيونو لحظة الفرق كانت صعبة. شديد وريف كانت بتوصي في بيبو و هو يقول ليها فاهم الدموع خانت بيبو و نزلو و وريف حالها م احسن هي تبكي و هو يبكي قال ليها أن شاء الله ي اختي ح اجتهد و م ح احلى تعبك يروح ساي وريف قالت ليهو اخوي الغالي عارفاك م ح تخيب ظني فيك و انا ساندة ضهري بيك و امسح دموعك دي انت راجل و الرجال م ببكو هو يمسح و الدموع مابية تقيف وريف بصوت مخنوق م تنسى تتصل على كل ساعة ولو م اتصلت انا بتصل و بكرهك لمن تحظرني قال ليها حاضر وريف و لينة وقفو يبكوا لمن اختفى بيبو من قدامهم وشافو طيارتهم طارت رجعو وريف الدنيا مسخت ليها خاصة انو بيبو كان بيملا ليها يومها لكن قالت كلو لي مصلحتو
عدت الشهور و وريف بقا شغلها ماشي كويس كان عندها شغل لي ديكور حق حديقة ترتيب إشارة زينة مقاعد ألوان أنوار كلو الحديقة موجودة من زمن لكن بقت عايزة تجديد عشان كدا سيدها قفلها و وريف جات عشان تعمل نظرة عامة عن شكل الحديقة و ح تعمل فيها شنو الحديقة كانت وسخانة و مقعدها قديمة و العاب الأطفال مصدية و النجلية طويلة و أشجار الزينة في منها القاسم في منها الناشف اول حاجة زرعو أشجار زينة محل التشفو عشان لغايت الشغل يخلص يقومو حبة عملو قص للنجيلة كان في نافورة في نص الحديقة معمولة من سيراميك غيرتها بقتها حجرية جابت اصايص و شتول و وزعتها من مدخل الحديقة لي النافورة غيرت ألوان الأبواب للابيض الانوار بقتها مصابيح أمريكية قديمة اما المقاعد غيرت أماكنهم و عملت ليهم ألوان بالأبيض آخر حاجة صلحو الإشجار الموجودة لغايت ديك تقوم كانت الحديقة طالعة خرافية في يوم الافتتاح كان زي الساعة تلاتة العصر و وريف كانت معزومة بدو الناس يجو و يبدو إعجابهم بالمحل و المدير كان حايم بين الناس يسمع اراءهم
وريف كانت قاعدة في واحدة من المقاعد جا جدو كبير كدا قال ليها ي بتي اقدر اقعد لانو المقاعد التانية مليانة وريف ب احترام قالت ليهو اتفضل قعد و اخد نفس كان لابس جلابية بيضا مكوية و العمة دي ملفوفة م شاء الله وريف كانت بتشوف في الانوار و الناس الداخلة و المارقة جدو الكبير قال ليها والله تشبهي لي زول بعرفو وريف قالت ليهو منو قال ليها زماان كان عندي صحبي ابو محي الدين يشبهك وريف قالت ليهو محي الدين عبدالعزيز قال ليها ايوا عبد العزيز دا كان صحبي شديد بتعرفي من وين وريف قالت ليهو محي الدين بكون ابوي قال ليها عليك الله اخبارو شنو بعد رحلنا من الحلة ديك م سمعنا عنو وريف نزلت رأسها وقالت ليهو ربنا شال امانتو ي جدو اداك عمرو جدو قال لا حول ولا قوة الا بالله ربنا يرحمو وريف قالت ليهو امين جدو حاول يتجاوز الموقف قال ليها انتي عارفة انا أسى شارد من بيتي وريف بي استغراب ليه في شنو قال ليها انا قلت عايز احضر الافتتاح لكن أولادي قالو لي م تمشي عشان عندي خشونة في الركبة شديدة لكن بعد دا جيت بالدس أسى يلحقوني وريف بقت تضحك قالت ليهو اهااا وبيتك بعيد قال ليها لا قرييب أسى تلقى أولادي هنا وقبل م جدو يكمل كلامو شاف اولادو جو داخلين يفتشو عليه بقا يضحك قال ليها شايفة هنديك ليهم قالت ليهو طيب انا بعد كدا ماشة عشان الزمن م يروح على قال ليها معاك سلامة........
وريف مشت بي جاي جا فادي قال ليهو جدو دي منو معقول ي حدو بتهون حبوبتي بعد م ماتت جدو قال ليهو ولد أعقل اقعد جاي فادي قعد قال ليهو اها م سمعت كلام ابوي و جيت بعدين قول رمبي قعد يوجعوني جدو ضحك وقال ليهو لي متين يعني لو قعدت الوجع ح يروح اخير لي اتفسح و اشوف باقي عمري فادي قال ليهو طيب قوم نمشي لي اعمامي هنديك واقفين ليك وانت هنا خالط جدو قال ليهو بضحكة كدا دي حفيدت واحد صحبي زمااان و م شاء الله تشبهو قال ليهو الصدف حلوة ي جدو يلا عشان اعمامي م بجونا هنا جدو قال ليهو م برجع الا بعد اشرب شاي فادي قال ليهو ودي محتاجة درس عصر ارح عازمك على حسابي جدو ضحك وقال ليهو اصلك م بتعقل فادي قال ليهو و اخليك براك ي جدو معقولة جدو قال ليهو ارح ارح طيب وافقت على العزومة قام و فادي سندو و مشوا على اولادو البقر يجوطو لكن سكتو عشان ابوهم كدا مبسوط وهما بدورو فرحتو مشو شربو الشاي و رجعو...... يتبع 🌼
