عمتي جات داخلة بس حسيت زي كانو الكهربا مشت في جسمي و شعارات جسمي ديل وقفو شعرة شعرة قلت خلاص شافت القروش جات قالت لي انتي عارفة انو ح تمشي العصر تاني صاح قلبي عمل شححح قلت ليها بتوتر ظاهر كدا ااا ااا اي عارفة عاينت لي بي تكشيرة كدا و طلعت انا وريم و ريل بقينا نضحك ياخ قلت ليهم موقف م ننحسد عليه عمتي تاني جات راجعة لمن حيلي برد قالت لينا مالكن بتتضحكن على شنو بنات غريبات خلاص و طلعت تاني بقينا نضحك قلت ليها ريمو حبيبتي يدك كيف قالت لي كويسة بقت احسن من اول قلت ليهم ارح نصلي الضهر قمنا صلينا طبعا قعدت اكوي عشان عمتي حلفت م تدينا الغدا لو م الهدوم دي اتكوت لقيت الساعة اتنين و نص قلت بعد دا امشي عشان اخلص بدري مشيت بيت عم فتحي كان وسخان زي الما نضفتو شكلو كان عندها جبنة نضفت و رجعت البيت ودا كان روتيني اليومي لحدي م عدو شهر ياخ معاملة مدام سليمة معاي زي الزفت لو م عم فتحي والله خايفاها تكتلني م بعرف عندها مشكلة مع امي و كل م تحصل حاجة تقول مش بت دليدة م غيرها و تحرقني كلمتها لانو امي متوفية بس صابرة لانو م عندي حل الشغل بتاعي مقابل اكل اخواتي حتى بقيت اشيل بواقي الاكل من بيت مدام سليمة لانو احيانا عمتي م بدينا امل فحيبو بالدس و ناكل و الحمدلله كانت احتياجاتنا الشخصية ك بنات م متوفرة و عمتي جنيه م بتدينا اما بناتها والله بقو لون و جسم من الراحة بس الحمدلله انا ضعفت وبقا عندي هالات من التعب وقلة النوم و حالتي بالبلا و عمتي رطبت شايفها قعد تشتري دهب و التياب دي شكل شكل الزمن داك الدهب م كان غالي يمكن الجرام كان بي 11 الف حاليا سيوتر ابوي بقا فيهو 25 الف الخمسة الف جبت منها علاحات لي دلال لانو كان مرضت و بجيب ليها لبن لانو صحتها نزلت و دايما لمن نشتهي حاجة م بنجيبها لانو عارفين انو ح يجي يوم و نحتاج القروش دي نتيجيتي فضل ليها شهر و تنزل و ريل وريم و رماح اجازتهم خلصت مفروض ينزلو بعد بكرا الأحد ولا عندهم كراسات و لا أقلام مشيت قلت لي عمتي ي عمتو ناس ريل قالت لي مالهم قلت ليها نازلين دارسة عاينت لي وقالت لي ولزومو شنو نهايتهم بيوت رجالهم وانا م عندي قروش اخيرا فيهم قلت ليها لكن هم لسه صغار قالت لي و يعني نحن م كنا صغار و م اتعلمنا وهدا ماسكين بيوت قلت ليها لكن ناس لبنة بيقرو قالت لي في فرق بينكم و بينهم زعلت زعل قلت ليها والله شغل م بمشيهو لو اخواتي م بتدخليهم و حات ربي و حاولي تلمسيهم عشان امشي اشتكيك و نشوف ح يصدقو منو قامت على حيلها و قالت لي انتي بتهدديني قلت ليها حسب فهمك اخواتي عايزين كراسات و أقلام و م تجيبيهم تشوفي براك حتى شغل بيتك دا تشتغلي براك قالت لي قليلة ادب ترفعي صوتك على الأكبر منك قلت ليها م وقت جينا لي هنا بقيتي لي شيخة وين حقوق اليتامى ها وينا و مشيت خليتها أتلفت وقلت ليها بكرا بكرا لو جيت لقيت المراسات و الأقلام و الكتب مافي الا تلفوني نفسك أن شاء الله نعيش في دار رعاية م نعيش معاك خليتها في صدمها ديك اول م دخلت الغرفة اخدت نفس حي خفتها تهجم على ريل قالت لي قادرة لقيتك قلت ليها م تقولها بالله عايني يدي بترجف من الخوف بقينا نضحك قلت ليهم تعالو نصلي المغرب عندي ليكم حاجة قالو لي شنو شنو قلت ليهم الصلاة اول صلينا جينا قعدنا في السرير جبت الشنطة حقت الشغل بتاعتي دي طبعا عمتي كل صباح بتفتشها لكن المسا لا عشان م بدوني المرتب بالمسا و تقول يمكن ادوها زيادة وهي داساها طلعت ليهم شكولاتات وااااي لمن سرخو قلت ليهم هس هس هسي عمتي تجي و تشليهم اي واحدة مسكت خشمها وبقو يضحكو لمن دمعو كان ابوي متعود يجيبها لينا كل أسبوع و من اتوفى الله يرحم م ضقنا للحلايات طعم بقو ياكلو و شدة م الفرحة الجواهم كانت كبيرة بقيت اامل في دلال و هي تتضحك و تقول لي ببا جا من متان مشا ابتسمت بي وجع وقلت ليها مش قلت ليك نحن ح نلحق بابا قالت لي اي قلت ليها بس يعني هو م ح يرجع قالت لي و تتين نمشي ليو قلت ليها الله اعلم اكلي وخلي الكلآم اكلو قلت ليهم اشتريت صابون و جبت ليكم فرش جديدة و جبت معجون اوعاكم تتطلعو بي قدام عمتكم ح تشيل حالنا ضحكو وقالو لي حاضر طلعت الأمل أكلنا و رقدتا نمنا و حارسة بكرا يجي متين و عمتي ح تجيب القروش ولا لا...
