اليوم داك رجعت الشغل و شدة م مبسوطة كنت بنضف و برقص مدام سليمة دي تشيل و تعاين لي ياخ خلصت مشيت شلت القروش من عم فتحي و رجعت كنت مبسوطة ياخ اول م وصلت الشارع عيني م تشوف الا ريم واقفة مع إيهاب و بيضحكو رمشت مرتين عشان استوعب ياخ حسيت الدم دا قعد يغلي جو عروقي مشيت سرعة جريت ريم و حمرت لي إيهاب و دخلنا جوا الاوضة وقفلت الباب قلت ليها انتي كنتي بتعملي شنو معاهو عاينت لي بي خلعة و كدا وقالت لي وريف م كنا بنعمل حاجة بس ولد و بت خالو قعد يتونسو ياخ قربت اضربها كف قلت ليها شفتي انا من يوم الولد دا جا البلد دي و نظراتو م عاجباني و حذرتكم من قبل خليكم بعيدين منو و بعدين تتونسو في الشارع و الماشي و الجاي يتمنظر فيكم شفتي ي ريم م اشوفك جنب الولد دا تاني بقت تبكي قالت لي انتي حسودة ي ريت لو ماما وبابا كانو قاعدين كا م عملو معاي زي دا من غير م احس ضرباتها كف و دموعي نزلو قلت ليها حسودة عشان انا عايزة مصلحتك و عارفة الولد دا م موجود ريل جات فتحت الباب لقتنا في حالتنا ديك و ريم قعد تبكي و ماسكة وشها قالت لينا مالكم قلت ليها كنتو وين انتو مش قلت انا لمن اكون مافي طلعة مافي قالت لي وريف روقي مشيت اشتري لي رماح و دلال حلاوة مش جبيل قلتي لي اشتري ليهم قلت ليها حشو جوا و انا طلعت مشيت على الشارع بقيت ابكي مشيت في نفس شجرة اليوم الاتشاكلت مع عمتي جيت قعدت فيها و بقيت ابكي قلت ليهم وين مشيتو و خليتوني اخدت بكيتي مسحت دموعي جا نفس الراجل القابلني اليوم داك عاين لي و قبل تاني عاين لي قال لا حول ولا قوة الا بالله العلي العظيم انتي حياتك دي مقضياها بكى بس ولا شنو والله تمرضي ولا عاينت ليهو اصلا مشيت خليتو واقف يحوقل.... ريل قالت لي ريم الحاصل شنو و ريم حكت ليها اي شي ريل قالت ليها تعرفي انتي الغلطانة ريم عاينت ليها بي صدمة قالت ليها م تعايني لي ايوا انتي غلطانة انتي عارفة انو إيهاب دا عينو زايغة الوقفة معاهو شنو ريم اترددت وقالت ليها ونسة ساي ريل قالت ليها ونسة شنو الولد دا بغشك بي كلمتين وانتي زي الهبلة صدقي و كيف تقول لي وريف كدا هي أسى شغالة عشان منو م عشانة نحن م يومي بتدافع لينا و بتحامي لينا بالله هي بقت آمنا و ابونا تجي تجازيها كدا ريم قالت ليها م عارفة انا قلت كدا كيف والله طلعت من غير م احس ريل مسحت ليها دموعها وقالت ليها يلا م فات شي لمن تجي وريف تعتذري ليها اتفقنا قالت ليها اتفقنا... أول م وريف جات راجعة مشت لي ريم و اخدت نفس و قالت ليها انا اسفة لاني ضربتك ريم حضنتها وقالت ليها انا اسفة لاني قلت ليك كدا و تاني م بعمل كدا اتحاضنو و اتصافو وريف قالت ليها بي سببك فرحتي طارت قالت ليها فرحة شنو قالت ليهم م بوريكم أسى لكن تعرفو قريب قضينا اليوم داك ونسة وضحك و نتذكر زمن ابوي قاعد مرة نبكي و مرة نضحك بعد نامو انا كنت صاحية و يفكر اعمل في المحل شنو أفكار كتيرة جاتني لكن لازم اجمع قروش كويسة عشان ابدا الشغل بكرا تاني ح امشي اشوف المحل من جوا و متحمسة تاني يوم بعد خلصت شغل مشيت السوق وانا صايمة و الشمس كانت بتلفح لفح مشيت فتحت المحل طبعا المفتاح معاي م بقا محلي ي الله كلمت محلي دي زاتها سمحة كيف دخلت وكانت الواجهة قزاز فيها ستار متحرك فتحت الغرفة الأولى و دخلت كانت عايزة دهان جديد بقيت افكر و اتخيل قلت ح اعمل كدا و اديهو لون كدا و كراسي كدا في عز سرحتي تلفوني رنة كانت دي صحبتي المصرية ديك متصلة على ماسنجر رديت ليها و بقيت احكي ليها عن المحل الاشتريتو قالت لي افتحي الكاميرا عشان اشوف فتحتها و هي كمان بدت تتخيل معاي والله تصدقو في خيالنا نطمنا المحل غرفة عملناها مكتب و وحدة زي غرفة استراحة كدا و الأخيرة م فكرنا فيها لسه و اخترنا ألوان الصالة و الكراسي و حتى السجاد و الشجر وشكل الاضوية طلعت قفلت المحل جا واحد من محل الموبيليا تتذكرو المحل بس قال لي انتي صاحبت المحل ولا شنو قلت ليهو ايوا قال لي ألف مبروك ح نبقى زملان انا إياد صاحب المل دا قلت ليهو أن شاء الله ح اشتري اثاثات محلي من محلك ابتسم وقال لي أن شاء الله لكن شكلك صغيرة قلت لي المظاهر خداعة ابتسم وقال لي طيب فرصة سعيدة ابتسمت و قلت ليهو انت الأسعد و مشيت متين اجمع مبلغ كافي و اعمل ألفي راسي عرفت اخيرا انا ح اعمل شنو في المحل لكن انا شايلة هم انو الحاجة الاخترتها لازم اكون محترفة فيها اكتر ولازم القى طريقة ازيد خبرتي في المجال الأنا اخترتو مرت الايام وانا دخلت قروبات تخليني احترف في مجالي و حبة حبة بديت أتقن الحاجة دي لكن م لي درجة الاحتراف إحدى م جا آخر يوم في الرمضان اللي هو يوم الوقفة و بدينا تجهيزات للعيد و تجهيزات لي عرس رفيدة ياخ الايام مرت سريييع اول يوم في العيد من الصباح اتجهزنا عشان نمشي الصلاة مشينا و جينا عيدنا لي ناس البيت يرحت رماح ودلال ضفيرتين و لبستهم الملابس الجديدة رماح لبستها فستان وردي فيها ركامة بالأبيض و عملت ليها بانديتين بيض و دلال لبستها أفرول اصفر و باندتين صفر اما رسم و ريل لابسين فساتين بيجية مع طرح كبدية قلت ليها حلاتكم ي ناسي يلا امشو عيدَ الجيران و تعالو راجعين دلال قالت لي انتي م تاية معانا قلت ليها لا انا بقيت كبيرة يمشي براي قالت لي انا زاتي تبيرة م ماسة معام ضحكتني والله قلت ليها خلاص ي الكبيرة انتي امشي وانا بلحقكم ولا م عايزة حلاوة قالت لي لي عايزة بستها وقلت لي طيب امشي مشو عمتي شافتهم و مستغربة في الهدوم قالت لي سجود انتي البنات ديل جايبين الهدوم الجديدة دي من وين يجود قالت ليها ي أمس الدنيا عيد خلي تحقيقاتك الكتيرة دي و خليهم يفرحو بدل م انتي خانقة عليهم الوقت كلو وقامت دخلت خلتها لكن عمتي الكلام دا م إثر معاها و مشا على الغرفة عشان تستفسر مني........
