بعد م عمتي راقت شوية قالت إن شاء الله الحرامي رجلو تتكسر بركة الجمعة أن شاء الله وهي م كانت عارفة انها بتدعي على ولدها بعديها قالت قومو ي بنات البسو عشان نمشي قلت ليها حتى انا الليلة م شغالة ماشة البس م علقت لانو مقهورة على الدهب حقها مشيت عشان البس كان عندي فستان سماوي مورد بي ابيض ابوي الله يرحمو جابو لي ولمن عمتي جات تشيل حاجاتي اتصارعت معاها فالفستان دا لانو كان هدية لبست اخواتي و طقمت انا و دلال عندها افرول بالسماوي و قميص ابيض كنا ظابطين ياه دي اول مرة بعد يمكن سبعة شهور من وفات ابوي اشوف نفسي عاملة كيف بقيت نحيفة شديد وشعري بقا قصير مع الكتف مع انو كان طويل عملت كحل بس انا ودلال طالعين لي ابوي شعر اسود وعيون سودة اما ريل وريم و رماح طالعين لي امي في العيون و أبوي في الشعر امي عيونها بنيات جهزت شلت دلال وطلعنا لقيت عمتي لابسة باقي الدهب و طالعة و م شاء الله بناتها طالعين حلوين طلعنا مشينا على بيت عم فتحي اخوان رفيدة جو الليلة الصباح من برا البلد عشان يحضرو باقي العرس و م شاء الله جايبين هدايا لي رفيدة كتيررر كل عشان تسامحهم انهم م جو من بدري م شفت واحد فيهم و م بعرفهم زاتو وصلنا ودي اول مرة امشي بصفتي ضيفة م شغالة مشينا كانو عاملين صيوان الرجال بعيد وصيوان النسوان قدام الباب ودي وحدة من العادات الحلوة أسى الناس بقت تعمل الدعوة في الصالة و الأكل م بعرف كيف جينا دخلنا اول م دخلنا بديت اسمع الهمهمات خصوصا انو امي و ابوي كانو معروفين ولمن امي اتوفت كل نسوان الحلة القراب و البعاد جو يمكن بقو م بشوفونا مع قفلة عمتي قعدنا و حاسة انو الناس بس قعد تتكلم فينا م بعرف لكن م جبت خبرهم........
=انتي ي سكينة دي م وريف بت دليدة
=اي هي زاتها تصدقي زمن م شفتها كنت بشوف أخواتها ماشين المدرسة لكن عي ابدا م بشوفها سمعت انها شغالة في بيت سليمة دي
=اي انا زاتي سمعت لكن والله م بيستاهلو امهم كانت مرا غير كل النسوان
=اي والله حتى ابوهم كان زول حارة م شاء الله لكن عرف يربي اهدي وريف ماسكة اخواته و اهديل لابسين احسن لبس و الشغل م عيب شغالة بتعبها و قروش الحلال بتشيل
=صدقتي والله في بنات م بيصدقو يتفكو من أهلهم يبقو م نافين صحي بنات دليدة الزي وريف دي بقا نادر في الزمن دا
=صدقتي والله برا خليتيني بدور اعرسا لي ولدي حازم
=هيي عمتة دي م تشوفينها كدا مرة صعبة و غتيتة م بتديك ليها بالهينة أن م طلعت الوراكم و القدامكم
=صدقتي ي بت امي لكن والله وريف دي تستاهل خلقة و أخلاق وارثة الجمال من امها و أخلاقها عالية زي ابوها
=غيتو الله يديهم العافية
=يسمع منك الكريم ان شاء الله
كنا قاعدين بعد شوية سمنا عقدو و طلعو الغدا الناس دي كلها اتغدت و جو ختو السرير أو العنقريب حق العرسان دا ودا واخد من عادات وتقاليد زماان لكن أسى الناس بتخت كراسي فاخرة و كلام كتير شويتين جو فرشو السرير و جابو العروس م شاء الله تبارك الرحمن عيني باردة والله رفيدة دي تستاهل كل خير كانت طالعة جميلة ولابسة التوب الأحمر و خاتة القرمصيص فوق رأسها صح صغيرة لكن واعية الناس تجي تبارك و تتمنى ليها حياة زوجية سعيدة و ان شاء الله بيت مال و عيال و الدعاوى الحلوة دي زي العصر كدا الناس قلت عملو الجرتك و زفو العرسان و دي اول مرة اشوف مدام نفيسة بتبكي و كانت متأثرة شديدة فراق الجنى حار و رفيدة م كانت احسن منها حالتها بتحنن كانت والله بعد بكا ام العريس عايزة تخفف من الموقف قالت ليهو ي ولدي مرتك دي كان م ماشة شيلها من الواطة دي و امشي كلهم نسو الزعل وبقو يضحكو أكن ليه دموعهم جارية ودعوتهم و مشت مدام سليمة دي بعد الناس فضت قعدت في أقرب كرسي و بقت سرحانةو دموعها ماشة من غير م احس قلت ليها م تخافي ح يشيلة في عيونو هزت رأسها و مشت و نحن رجعنا البيت لقينا عمي و إيهاب م موجودين في البيت بعد شوية تلفون عمتي رنة و كان دا عمي قال ليها والله إيهاب دا عمل حادث و كسر رجولو كيف عمل حادث جا موتر ضربو لمن كان جاي من الغدا و بتاع الموتر لحقو المستشفى عمتي دي بقت تولول وتقول حي ي ضناي ي جني حشاي أحيي انا من العميان الطقشك دا الله لا بارك فيهو و تخبت في وشها الا لينة جات قالت ليها ارح غيتو انا م مشيت قلت ليهم البيت لازم يقعد فيهو زول و هم طلعو قلت سبحان الله دعوت عمتي اتحققت في يومها طوالي وديت اخواتي الغرفة و مشيت الديوان بقيت افتش عن الدهب يمكن م لحق باعو فتشت تحت المراتب اي مكان م لقيتو آخر شي يئست كنت طالعة لاحظت زي رف كدا فوق الباب يعني حافة كدا جبت كرسي ركبت مررت يدي الاساور جو واقعين لمن قربت أقع عرفتو دا إيهاب الخبيث دا سرعة شلت الدهب و جريت الاوضة م بعرف عمتي بتخت دهبا وين عشان كدا حشرتو جو الإياب حقونها و رجعت رتبت الديوان و مشيت غرفتنا .....
زي المسا كدا ناس عني جو و إيهاب ماسك العصايات البستندو بيها دي و ي الله قادر يمشي و عمتي دي لسه تولول و عمي شكلو زهجان من الحتة دي قال ليها بي نهرة كدا ي ولية م خلاص هدا عايش قلنا مات نحن م انكسرت رجلو قالت ليهو لكن قال ليها بلا لكن اسكتي وخسو جوا شوفو ليهو حاجة يأكلها حتن سكتت و دخلو مشو غيرو ملابسهم شهاب دا صاري وشو و راقد م اهتميت عمتي بتحاول تفتح موضوع الحادث مع إيهاب و إيهاب م طايق نفسو زي بعد العشا كدا عمتي بقت تكورك لي عمي عني زاتو اتهجم قال ليها في شنو ي ولية قالت ليهو الدهب هذا تاري م اتسرق انا يمكن ختيتو بالغلط هناك عمي قال حسبي الله ونعم الوكيل عمتي تعاين للاساور و تتبسم و إيهاب دا قام مخلوع نظام كيف الدهب وصل هناك عمي قال ليها خلاص لمى في محل أمن المرة دي جات سليمة المرة الجاية م ح تجي قالت ليهو حاضر و رجعت الاوضة شهاب شال عصايتو و طلع و عمي قد في محلو مشيت اتجاه الباب بس بدون سبب في حاجة قالت لي امشي و سمعت إيهاب بتكلم و بقول....... يتبع🌼
❤️🖤❤️🖤❤️
