يوم ورا يوم عدو وجا اسبوع عرس رفيدة م شاء الله جو ناس كتاااار و البيت دا قايم وقاعد انا بقوني مسؤولة عن باقي الشغالات مؤقتا بوريهم وين ينضفو و اليوم كلو حاسمة في البيت جيبي دا و ودي دا ياخ رجولي بحسهن منفخات شدة م بيوجعوني غيتو اول يوم دا كان صعب كان عندهم حفلة في الصالة و اتجهزو و طلعو كلهم خلو البيت دا في حالة م يعلم بيها الا ربنا صح متحضرين لكن بي طريقة مكركبة نضفنا البيت و ادينا المفتاح للغفير رجعت البيت هلكانة و تعبانة و حيل م عندي عمتي و بناتها مشو الحفلة جيت لقيت البيت فاضي م في غير راجل عمتي موجود الحمدلله راجل عمتي دا زول م شاء الله كويس كنت قايلة زي زي عمتي لكن الحمدلله زول أخلاق عالية لكن م بيقدر على كلمت عمتي جيت عايزة افتح الاوضة لقيت رأس بعاين لي بي فوق الحيطة قلبي قال شحح و الراس من شافني اختفى قلت أعوذ بالله و فتحت الباب دخلت و قفلتو اتفقدت ناس ريل لقيتهم كلهم نايمين طوالي اترميت نمت لانو بكرا عندني قومة بدررري يمكن الساعة اتناشر سمعت كركبت الباب و ناس عمتي جوا سامعة أصواتهم رجعت واصلت نومي وقمت تاني مع الأذان على صوت كركبة قلت يمكن دا راجل عمتي قايم للصلاة قلت بس انا زاتي احسن اقوم اصلي فتحت الباب الا اشوف خيال حايم في البيت و داخل من محل لي محل و م شايل ضو قلت معقول دا حرامي لزيت الباب وفضلت واقفة اعاين شفت الخيال دخل الاوضة قلت بس دي فرصتي براحة طلعت كنت لابسة طرحتي جريت الباب و ربطو بي طرحة و بقيت امورك عمي عمي راجل عمتي قام مخلوع قلت ليهو في حرامي في البيت على صوتي عمتي قامت و بناتها قامو و ولعو اللمبات كان في ناس ماشين الصلاة سمعو صوتي جو دقو الباب كلنا مشينا لبسنا حاجة كبيرة وجينا راجعين الرجال الجو شايلين عصاياتهم و ضَو مستعدين فتحو الباب و لا استنو زاتو دخلو و بدو يفتشو الحرامي بعد شوية جو طالعين و جا إيهاب بي وراهم عمي قال لي دا إيهاب دا م حرامي عمتي قالت إيهاب انت متين جيت بسم الله و م تقول لينا جاي بدل تخش تحوم في البيت زي الحرامي زي دا عمي قال ليهو كلام امك صح مش انت قلت م جاي الا بعد اسبوع أمس وقت اتصلت عليك الرجال قالو طيب ي جماعة م دام مافي حرامي نستاذنكم الصلاة م تفوتنا عمي ابتسم وقال ليهم فيكم الخير و طلعو عمي جا راجع وقال ليهم مدام قمتو ارح نصلي و انت نشوف موضوع جيتك دا لاحظت إيهاب بحمر لي و م فاضل ليهو الا ياكلني دخلت الاوضة اتوضيت صليت صحيت ناس ريل صلو و رجعو نامو طلعت لقيت الواطة بدت تصبح و عمتي خاتة الشاي عني قال لي ايهاب
=اها الجابك شنو في الليل ودخلت كيف و حايم زي الحرامي مالك
إيهاب اول التوتر بعدين اخد نفس وقال ليهو
=والله ي ابوي قلت اعمل ليكم مفاجأة بس العربية اتعطلت في الشارع و اخدنا زمن عشان نصلحها و وصلت البلد متأخر
=طيب م تدق الباب على الاقل
=والله قلت م ازعجكم تكونو نايمين عشان كدا م دقيت و دخلت عشان ابدل ملابسي بس وريف شافتني وقايلاني حرامي والباقي انتو عارفينو
=حصل خير ي ولدي
على كدا رجعت تاني الأوضة و اصلا كلام إيهاب دا م واقع لي يعني دا ياتو مواصلات بيصل أذان الصبح ولا كان ماشي براحة براحة للدرجة ديك لي شنو و الراس القبيل شفتو داك اكيد دا هو ايوا اخير اخد حذري من الاسمو إيهاب دا الواطة صبحت لبست و مشيت الشغل وكان نضافة الخدار م شاء الله صح متحضرين بس عادات زي دي م فرطو فوقها مدام سليمة قالت لي ازح كراسي الصالون و افرش فرشات و اخت جداعات و اجهز الصحانة و السكاكين فعلا النسوان جو قعدو و ضحك و ونسة و ينضفو الخدار و بشربو الجبنة زي خلو غرورهم بالجنبة و رجعو ناس زمان مدام سليمة زاتها قاعدة وسط اللمة الحلوة كان دا يمكن من احلى ايام العرس و عجبتني فكرة الفرشات و القعدة في الأرض دي حلوة كملنا اليوم داك و رجعت البيت بعد العشا صليت و نمت بالليل جاتني صحية للحمام كانت الساعة يمكن اتنين صباحا قمت عايزة اطلع اشوف ليك تاني خيال وقفت في محلي وبراحة رجعت عرفت انو دا إيهاب م غيرو لقيتو بتلفت و دخل الاوضة و شكلو عندو مقصد يمكن بعد ربع ساعة جا طالع وفي حاجة في يدو انا م شفتها قلت انتي مالك ي وريف استنيتو لمن رجع الديوان وقفل الباب طلعت مشيت الحمام ورجعت نمت اليوم داك كان يوم جمعة قمت مشيت الشغل لمن جيت راجعة كان قبل الضهر كدا عشان اقول لي عمتي مدام سليمة قالت عايزاك في موضوع مهم جيت لقيت عمتي فاتحة بيت بكا سألت ريا في شنو قالت لي عمتي كانت عايزة تلبس دهبا للدعوة حقت رفيدة و لقت تلاتة اساور من حقوتا مافبشين وزول بعرف محل الدهب دا مافي بس هنا عرفت انو شهاب سرق الدهب لكن لي شنو م عرفت قلت اقول لي عمتي لكن تاني قلت اخير اسكت م يقوم إيهاب دا يقلب الموضوع على هو زول داهي كدا عشان كدا قلت خلي يعرفو براهم لكن قلت كدا انا ساكتة عن الحق قلت لازم القى طريقة اعرف الدهب دا مشا وين و طريقة ارجعو لي عمتي قلت لي ريل وعمتي فتشت البيت قالت لي فتشت اوضتنا بس حمدلله تلفوني كان معاي قلت ليها وتاني قالت لي لقو آثار رجول كبيرة فعرفو انو حرامي جا سرقهم إيهاب كان واقف مصدوم زيو زي الناس تقول هو السارقو لكن اصبر لي م وريف البتسكت عن الحق..........
❤️🖤❤️🖤❤️
