و أثناء م مركزة شديد مع التخريج حسيت بلمسة على كتفي التفت لقيتها دي فدوة و طوالي حضنتني و قالت لي ي قاسية م تسالي على الزمن دا كلو قلت ليها م أمس كنت معاك بالتلفون قالت لي براك قلتيها من أمس ضحكت وقلت ليها حقك علي ي زولة سألتني عن اخباري و ناس عمتي قلت ليها كويسين الحمد لله فدوة حست بانو في زول بعاين ليها عاينت لقيتها دي دلال بتعاين ليها لمن مقهية فيها و خاتة يدها على خدها فدوة قالت لي وااااي ي وريف بس قولي لي دي دلال البتحكي لي عنها قلت ليها اي نزلت جنبها في الأرض و مسكت جضومها وقالت ليها سيبي المحنة و عايني لينا احنة ضحكت وقالت ليها دا طبع دلال لمن تشوف زول جديد قالت لي و حلاتة ي ناسي و باستا في خدها قالت لي وين باقي اخواتك قلت ليها هديك و أشرت عليهم فدوة قالت لي عندك منو خريج قلت ليها اختي لينة قالت لي بت عمتك قلت ليها اي قالت لي وينة قلت ليها هديك و اسرت عليها قالت لي وااااي البت الخطبوها ضحكت وقلت ليها اي قالت لي حيي كرفسو مشاعري قالت بت م للدرجة دي قالت لي الله يجيب لي واحد يكرفس مشاعر البنات زي دا ضحكت وقلت ليها خلصي جامعة اول قالت لي بس فاضل لي سنتين و اتخرج قلت ليها شدي حيلك و انتي عندك منو خريج قالت لي بت عمتي قلت ليها ايوا مبروك قالت لي الله يبارك فيك قاعدين نتونس امها لي فدوة اتصلت عليها قالت ليها تعالى قالت لي تعالي اعرفك علي امي قلت ليها ارح أشرت لي ريل اني أسى راجعة هزت لي رأسها مشيت مع فدوة
استقبلنا مرة وشها بشوش و سلامه و كلامة حلو فدوة قالت ليها يمة اعرفك وريف وريف يمة امها قالت لي اخبارك ي بتي وكيف حالك قلت ليها كويسة دلال قالت لي أنا كمان عايزة اسلم رفعتها سلمت على ام فدوة البقت تضحك و دلال حلفت كان تنزل مسكت في رقبتي فدوة قالت لي امها دي وريف ي امي العملات الديكور لي وليد تتذكريهو امها قالت ليها قصدك محل دليدة يعني هي شغالة هناك فدوة قالت ليها لا المحل حقها ام فدوة قالت م شاء الله تبارك الرحمن م صغيرة لسه وريف ابتسمت و قالت ليها الظروف جبارة ي خالتو قالت ليها صدقتي ي بتي ودي بتك وريف عاينت لي دلال و ابتسمت قالت ليها لا دي اختي الصغيرة قالت ليها م شاء الله بتشبهك قالت ليها الله لا ضراك
دلال بقت تتحرك وقالت لي وريف ماشة الحمام وريف قالت ليها طيب ارح امشي بي رجولك نزلتها و في نفس اللحظة السلسل حق امها اتفكا و جا واقع وريف رفعتو و أم فدوة لمحتو قالت ليها كدي ي بتي سلسلك دا عجبني وريف ادتو ليها ام فدوة انصدمت لانو دا نفس السلسل الكان مع فادي و الأكد ليها كلامها كلمة أكتوبر البي ورا قالت لي وريف دا حرف منو وريف قالت ليها دا حرف ابوي الله يرحمو جابو لي امي الله يرحمها و بعد وفات امي فضل معاي قالت ليها الله يرحمهم دلال جرت لي فستانها وقالت ليها يلا وريف شالت السلسل وقالت ليها عن اذنكم أودى دلال و ارجع ام فدوة قالت ليها اتفضلي
وريف مشت و أم فدوة متابعاها قالت حسبي الله ونعم الوكيل بنوتة صغيرة الدنيا بتختبر فوقا و مسكنها المسؤولية فدوة قالت ليها اي والله و عندها تاني تلاتة اخوات ام فدوة قالت ليها عليك الله وينهم فدوة أشرت على ناس ريل امها قالت و م شاء الله ماسكة اخواتة هديل لابسين احسن لبس م شاء الله فدوة قالت ليها ايوة المعاناة العاشتها وريف م هينة امها قالت ليها لكن م شاء الله م شاء الله شغلها سمح شديد فدوة قالت ليها صدقتي ي امي قالت ليها هي صحي شفتي السلسل حقها فدوة قالت ليها لا م شفتو مالو قالت ليها دا نفس السلسل الكان مع اخوكي تتذكريهو فدوة قالت ليها اي بتذكرو احافي ي امي امها ضربتها في كتفها وقالت ليها قايلاني بهظر معاك والله هو فدوة قالت و الجابو عندها شنو امها قالت م عارفة والله لكن الت دا حق امها يمكن م سلسل واحد من النوع دا فدوة قالت ليها برضو احتمال انتي ي امي قالت ليها اها قالت ليها رايك شنو في وريف امها قالت ليها من ياتو ناحية فدوة يعني بت حلوة و بسيطة و مؤدبة و ما فيها كلام م نعرسا لي فادي اخوي امها قالت ليها صدقتي و دي اول مرة تقولي كلام ياهو فدوة قالت ليها دايما كلامي في محلو
امها قالت ليها طيب لغايت تجي انا بنادي فادي اخوك أسى هو وينو فدوة قالت ليها هديك جنب البوابة هو و فداء امها قالت ليها طيب هديك وريف جايبة دقيقة اتصل على اخوك اتصلت عليه وقالت ليهو تعال قال ليها مسافة الطريق
وريف جات راجعة و فادي جا قال السلام عليكم و شاف وريف قال أستاذة وريف وريف و فدوة و امها ردو السلام قال وتاني اتلاقينا ي أستاذة وريف امو قالت ليهو بعرفها قال ليها ايوا م اشتغلت معاها على بيت وليد و قصة طويلة قالت ليهو ايوااا فادي عاين لقا دلال بتعاين ليهو و منو م بشوف دلال م بريدها جا قعد جنبها قال ليها كيفك و مدا ليها يدو طوالي رجعت يدينا ورا ضهرها و قالت م بصافح فادي الضحك غلبو وقال ليها لا ي شيخة ولي يعني قالت ليهو لانو وريف م بتصافح ضحك وقال ليها وانتي تعرفي وريف من وين قالت ليهو دي اختي م شايفنا نتشابه فادي ضحك على براءة دلال قال ليها اسف ي ستهم حتى انا م بصافح قالت ليهو اي احسن
وريف قالت لي أم فدوة بستاذن بعد دا عشان ح نمشي و عمتي بتكون بتفتش فيهم ام فدوة قالت ليها طوالي اتفضلي وريف ودعوتهم و مشت
فداء جا ختا راسو في كتف امو قال ليها يمة انا جعان قالت ليهو لكن نرجع البيت بعمل ليك امل فادي قال ليهو ولد كبير اتخرج من الجامعة يجي يقول يمة انا جعان امو ضحكت وقالت ليهو عمرو م ح يعقل فادي قال ليها اي و بعدين انا كمان جعان ضحكت وقالت ليهم طيب ارح أثناء م ماشين ام فدوة قالت ليهو فادي رايك شنو نعرس ليك وريف دي بسرعة كدا
عاين ليها بي استغراب وقال ليها ولي الموضوع دا أسى قالت ليهو ي ولد انت دخلت التلاتين لمتين يعني ح تفضل حايم كدا قال ليها يمة ياخ قالت ليهو انا م قات ليك أعقد ليها قلت ليك رايك فيها قال ليها طيب بفكر و بشوف....
بعد اسبوع من التخريج أهل إياد جو و حددو العرس في العيد مع عرس سجود كل كدا مرت الايام و أم فادي يومي تسأل فيهو عن إذا م وافق ولا فكر وهو بقول ليها لسة و لينة هي وسجود اتحبسَو في الرمضان الشغل كان ضاغت على وريف بعد لينة اتحبست لكن برضو بتمشي الأمور
جا العيد و جو اليوم و البيت اتملا و الحنة و نضفت الخدار و القومة دي وريف وقفت الشغل ايام العرس مدام سليمة جات يوم نضافة الخدار و لسه ياها مدتم سليمة البتعرفوها قاسية و مغرورة و تحسها لسه بتكره وريف
عدت ايام العرس بي سماحتا و ودعو العروسات و عمت وريف بكت بما اليوم داك حتى وريف بكت معاها كانو يوم صعب
مرت الشهور و وريف رجعت الشغل و كانت على تواصل مع بيبو الكان كل يوم يوريها هدايا شهادات تقديرية لانو انسان متفوق و وريف كانت بتدعمو و بتشجعو على انو يستمر في الناحية دي و الطريق دا
ام فدوة بعد دا قالت فادي دا شكلو نسي الموضوع و جات قعدتو قدامها و فتحت معاهو الموضوع وقالت ليهو م يفوت عروس زي وريف قال ليها طيب يمة بكرا ح اديك الرد قالت ليهو وعد قال ليها وعد.....
تاني يوم فادي كلم امو لانو موافق لكن لازم يكون في فترة تعارف لانو اهلو أهل عقد قالت ليهو طيب انا كلمت ابوك طول وهو سأل منها و قال م شاء الله بت خلقة و أخلاق بس الباقي عندك قال ليها طيب و ح نمشي ليهم متين قالت ليهو ح اكلم فدوة تقول ليها عاملين ليكم زيارة و نمشي نتقدم و ناس ابوك ح يمشو لي عمها يتكلمو معاهو مبدئيا قال ليها طبذ على بركة الله قالت ليهو ونعم بالله.......
ام فدوة مست كلمت فدوة بالكلام وقالت تتصل ليها وكانت الساعة زي خمسة اول م اتصلت جاها صوت وريف الباكي طوالي فدوة قالت ليها خير وريف بصوت مخنوق لينة ي فدوة لينة فدوة بي خوف لينة مالة...... 🌼🌼.
