وريف رفعت عيونها وطبعا عرفتو المرة منو دي عمتها لي وريف و لينة بتاشر لي وريف انو هي م قدرت تمنعا عمت وريف بكل وقاحة قالت لي وريف انتي بتعملي هنا شنو و جات عليها و مسكت الفستان وقالت ليها و فستان زي دا جايباهو من وين فادي كان مستغرب جدا في الحاصل قدامو دا وريف م ردت في الأول عمتها قالت ليها ردي و بقت تعاين في المحل بي انبهار كدا فادي كان مستني ردة فعل وريف وريف اخدت نفس وقالت ليها عمتي م ممكن تدخلي غرفة المدير بالشكل دا وبعدين انا شغالة سكرتيرة هنا و بعرفك على مديري عمتها بي انبهار كدا بي فادي قالت ليهو اسفة ي استاذ بس م كنت عارف فادي الدهشة شالتو كيفن يعني و ليه قالت ليها كدا وريف قالت لي فادي اسفة ي استاذ بس لازم اتفاهم مع عمتي بيبو خليك مع المدير و انا أسى راجعة و كرت عمتها من يدا و طلعو وريف قالت ليها عمتي انتي بتعملي هنا شنو
=انتي ليه م قلتي لي شغالة هنا كان تحنكي مع المدير يشغل وحدة من بناتي وانتي ي لينة بتعملي هنا شنو
لينة م عرفت ترد على امها و سكتت مسافة لمن امها نهرتها وقالت ليها
=م بتكلم معاك انا سارحة وين
وريف قالت ليها
=لينة متدربة هنا
عمت وريف م فاهمة قالت ليها
=يعني شنو متدربة
لينة اداركت الموقف وقالت لي امها
=امي ياخ انتي أسى لو لي بكرا شرحت ليك م ح تفهمي يلا وريني الجابك هنا شنو
=لا انتي لي م وريتيني وريف سكرتيرة هنا منصب زي دا م تخلي لي اخواتك تدي لي زي دي
و طبعا بتكون عرفتو احساس وريف شنو لكن وريف اتعودت على كلام عمتها الما حلو و القاسي يعني الموضوع بقا بالنسبة ليها عادي جدا وريف قالت لي عمتا
=القروش و بديك ليها في حاجة تانية ولا لاحقاني كمان أسى بخلي الشغل و بمشي اشتغل تأتي عند مدام سليمة و القروش انسيها و المدير لو شغل واحدة من بناتك وريني
عمتها اتغاظت من الكلام وقالت ليها
=م في داعي للكلام دا و اتلفتت على لينة وقالت ليها بالمناسبة المدير دا شكلو م متزوج و من ملابسو باين باين من الناس الهاي انتي ي لينة م تعملي ليك حاجة كدا ولا كدا و سوى مكياج لي وشك بدل طالعة لي زي دي و أشرت على وريف
لينة حست بالاحراج من كلام امها و عاينت لي وريف نظام اسفة وريف هزت ليها رأسها وقالت ليها ولا يهمك لينة ابتسمت لي وريف و عاينت لي امها وقالت ليها
=امي انتي لو عايزنا ننطرد أفضل دقيقة زيادة هنا يلا يلا عشان م يطردونا
امها قالت ليها استنى لسه م خلصت
لينة قالت ليها بعدين بعدين بحكي ليك اي شي قالت ليها طيب طيب ماشة لكن فكري في كلامي و بالمناسبة المحل راقي شديد واي ي بتي كان اشتغلتي هنا لينة قالت ليها طيب امشي عشان اجتهد و أحاول اشتغل فيهو قالت ليها حاضر و طلعت
لينة عاينت لي وريف وقالت ليها اسفة وريف ابتسمت وقالت ليها ولا يهمك ارح نشوف المدير قصدي الزبون ضحكو و دخلو المكتب وريف قالت ليهو اسفة لاني ختيتك في موقف زي دا لكن كنت مطرة قال ليها ولا يهمك طيب انا بستاذن لينة قالت ليهو م عايز تعرف الحاصل قال ليها بي ابتسامة لا اكيد دا شان خاص فيكم و انا م بحب التدخل و كدا عشان كدا معاكم سلامة و عاين لي وريف وقال ليها ح نفضل على تواصل و طلع لينة قالت لي وريف بعد فادي طلع
=ذوق و أخلاق عالية ورقي سبحان الله
وريف قالت ليها
=بت لينة اثبتي
لينة بتوتر =اسفة والله
وريف ابتسمت ليها و عاينت لي بيبو قالت ليهو اها قلتو شنو
قال ليها =سألني عن اسمي و بقرا وين وانا ببقى ليك سنو
وريف قالت ليهو وانت قلت ليهو شنو
قال ليها بي ابتسامة=قلت ليهو انا براء محي الدين بقرا في معهد.... و انتي بتكون اختي الكبيرة
وريف ابتسمت لانو براء فعلا بريئ قالت ليهو اخوي الغالي خلصت دروسك
ابتسم وقال ليها فضل لي الرياضيات بس صعبة ياخ وريف قالت ليهو طيب بخلص الشغل ألفي يدي و براجع معاك قال ليها حاضر وطلع
لينة قالت ليها اها دفعتي المبلغ
وريف قالت ليها لا لسه و بعد اخلص الشغل دا ح ادفعو
لينة =انتي متأكدة من قرارك دا
=ايوا متاكدة
ابتسمت وقالت ليها ربنا يوفقك وريف ابتسمت ليها وقالت امين يارب.......
🌼🌼
