عيناكِ منظومة تحتوي قصائدها

بارت ١

"ما احلل حدا ينقل الروايه  "
الكاتبه : خلود محمد.       سناب +تويتر+:kholod25m   .     
انستا: _kholod25
تعريف :
عائلة البطلة :
اديم -البطله -25سنه
سعد -اخ البطلة -16سنه
ريوف -اخت البطله -18سنه
ماجد -اخ البطله - 19 سنه
فراس  -اخ البطله ( تؤامها ) -25 سنه
زايد -اخ البطله -27 سنه
شهد - اخت البطله -29 سنه
مازن -اخ البطله -30 سنه
زيد -اخ البطله 34 سنه
عبد الله -والد البطله -55 سنه
مزون -والدة البطله -53 سنه
سعاد - بنت خاله البطله -15 سنه
سمر -بنت خاله البطله -23 سنه
ريفان -زوجه مازن -28 سنه
اريج -زوجه زيد -33 سنه
محمد -زوج شهد -32 سنه
.
.
عائلة البطل :
رائد -البطل -26 سنه
احمد -اخ البطل -19 سنه
ريم -اخت البطل -20سنه
تركي -اخ البطل -23 سنه
خالد -اخ البطل -29 سنه
ياسر -والد البطل -53 سنه
امل -والدة البطل -52 سنه
ضحى -بنت خاله البطل -15 سنه
عامر -ولد عمة البطل -17 سنه
علي -ولد عمة البطل -  28 سنه
فارس - زوج زينب ( ولد عم البطل ) -25 سنه
مريم - زوجة خالد - 28 سنه
.
.
.
الساعه 7:30 الصباح ، رفعت ستارة الشباك والنوم بعيونها ، تاملت اجواء ديرتهم وكيف العيال بالشارع يلعبون ، ابتسمت ابتسامه لطيفه وراحت تصبح على اهلها بوجه بشوش ..
اديم : صباح الخير يمه ، صباح النور يبه حبيبي
ابو زيد : صباح النور يبنيتي
ام زيد :صباح النور حبيبتي ، اليوم مبكرة وش عندك مالك بالعاده
اديم : ايه بنزل السوق اتقضى وقلت انزل مبكر عشان الفوضى والناس
ابو زيد : زين تسوين والله ، روحي الحين صحي اخوانك عشان الفطور
اديم : ابشر يبه
دارت عليهم واحد واحد تصحيهم وكل واحد بالطريقه الي ما يصحى الا فيها
اديم : الحمد الله كلهم قامو ما بقى الا فراس اوريه الحين
دخلت عليه وشغلت النور شوي شوي ، وقفت جنب سريره وانحنت لوجهه بصوت هادي وناعم : فروسي ، فراس حبيبي ، يلا اصحى يروحي
فتح عيونه منخرش من الصوت وكأنه يسال نفسه  وش ذا ! من ذي الي بغرفتي ، بعد لحظات قليله
ضحكت اديم : يحليلك تحسبني الحب جايه اصحيك كذا !
عقد وجهه وقال : الله يقلعك يا شيخه حسبت انه عندي حرمه بالغرفه وانا مدري !
اديم بضحك قوي : معليش اسفه يلا قوم بسرعه امي جهزت الفطور
فراس وهو ما زال تحت الخرشه : زين روحي روحي ببدل واجيكم
طلعت اديم وهي تضحك على حالة فراس وتعابير وجهه .. نزلت الدرج وهي فيها وطاقه جداً كبيره ما تدري وش سببها ...

جلسو كلهم على الفطور ..
ريوف بتعابير حزينه : والله اني فاقده مازن مرهه متى بينتهي شهر عسله ويرجع لنا
ماجد : كلمته امس يقول بكرا اخر يوم بتركيا وبعده بيرجعون على خير
الكل : ان شاء الله

بعد الفطور .. جلسو كلهم يشربون قهوة مع بعض
ابو زيد : فراس اليوم انت بتروح معي للمحل
فراس : ابشر يبه
كمل ابو زيد كلامه وعينه على سعد : انت ممنوع تخرج من البيت وان سمعت انك خارج بتشوف شي ما يعجبك !
سعد وعيونه بالارض : بس يا يبه قلت لك اخر مرة وما بدخن ثاني خلاصص لك اسبوع حاشرني بالبيت
وقف ابو زيد وقال بنبره عصبيه : ان رديت بوجهي ثاني مره لا انت ولدي ولا انا ابوك !
لف عينه على زيد وسأله : انت وش عندك اليوم ؟
زيد : ولا شي طال عمرك بس بودي اريج وحلا لاهلها من زمان عنهم
ابو زيد : زين وديهم وتعال لي على المحل ، وزايد انت شوف امك وش ناقصها للبيت وانزل لسوق الرياض خذهم ، وانت يا ماجد اطلع للسوق مع اديم وصلها وارجع للبيت عينك على سعد لا يدخن ولا يطلع من البيت وان صار شي عكس الي قلته يا ويلك انت !
الكل : ابشر ، ان شاء الله