لُطف ... الجزء الثالث ... #ناهد_خالد
-أنا قولتلك قبل كده لاحظ أنك بتتكلم في عرض بنت , ثم محدش طلب رأيك ..
قالها " زين " بغضب حقيقي لا يعلم سببًا له , لكنه غاضب من حديث " مصطفى " عنها ولا يفهم لِمَ دومًا يحاول تشويه صورتها !؟
-في ايه يا زين بتكلم عادي يعني , وبعدين أنت الي مالك بتدافع عنها كده ليه !؟
-لا مش عادي ...لما يكون كلامك بيمس سمعت بنت يبقى مش عادي .
-أعتقد أن هي الي مديانا الفرصه نجيب سيرتها ولا هي محترمه واحنا بنتبلى عليها ؟!
في اللحظه التاليه كانت يد " زين " تقبض بقوه على ياقة قميص الآخر وهو يهتف بهِ بغضب :
-هو أنت ايه يا بني آدم مبتفهمش ! أنا مش بقولك راعي أنك بتتكلم عن بنت ومينفعش تتكلم عنها كده ..
اقترب " طارق " سريعًا يبعد " زين " وهو يقول :
-خلاص يا جماعه صلوا على النبي , اهدوا بقى الموضوع مش مستاهل تتخانقوا عليه .
ابتعد " مصطفى " وهو يعدل قميصه بضيق :
-قوله هو الي بيخانق صاحبه عشان حتة بت م.....
-إياك يا مصطفى ... أقسم بالله لو كملتها محد هيحوشك من تحت ايدي .
صرخ بها " زين " بتحذير وملامحه الغاضب تؤكد أنه سيفعل ما يقوله , فقرر مصطفى الإنسحاب أضمن له وبالفعل ترك المكتب خارجًا .
زفر " زين " بغضب وهو يتجه للجلوس فوق مكتبه بملامح مقتضبه تحت أنظار " طارق " المتفحصه والذي تركه لدقائق حتى يهدأ فيهم , ثم قال له بتساؤل :
-هديت ؟
نظر له بجانب عيناه وأومئ إيجابًا دون حديث , فأكمل " طارق " حديثه :
-ممكن افهم ليه العصبيه دي كلها ؟
كاد أن يجيبه فأوقفه " طارق " مرددًا :
-ومتقوليش عشان بيتكلم في عرض بنت والكلام ده , آه هتضايق لو بيجيب سيرة بنت بطريقه مش كويسه وده طبيعي أنا نفسي اتضايقت من طريقته في الكلام عليها , بس مش لدرجه أنك كنت هتضربه ! ولا ايه ؟
أخذ نفس عميق قبل أن يقول :
-طارق .. أنت صاحبي ومن سنين مش مجرد زمايل مكتب , عشان كده مش هلف وأدور عليك ...
نظر له " طارق " يشجعه على مواصلة حديثه , فأكمل بتنهيده :
-أنا حاسس بمشاعر جوايا ناحية لُطف , ولأني عمري ما كنت إنسان بينكر مشاعره ولا بيكدب على نفسه فأقدر أقولك أني.... أني حبيتها .
اتسعت أعين " طارق " بصدمه وهو يردد :
-أنت بتقول ايه ؟ أنا فكرتك هتقولي معجب بيها ولا حاجه بس بتحبها ! ازاي بالسرعه دي ؟؟!
![](https://img.wattpad.com/cover/298149320-288-k64000.jpg)
YOU ARE READING
مجموعه قصصيه (هل فات الأوان؟ )
Short Storyدي مجموعه قصص تضم : _ 1 لن اتخلى عنكِ ، 2 الحب لا يبني حياه، 3 نور أنثي لا تُهزم، 4 مُـــر الإهمــال ، 5 حق قلبي، 6 نذير شؤم، 7 بكل الحب.