تزوجت زوج أختي (الجزء الأول والجزء الثاني)

الحلقة السادسة والخمسون (الجزء الاول)

فيلا فهد العمري

غرفة النوم

سلمي : يعني انت طلبت من مدير فرع نيويورك انه يكمل الصفقة عشان انت ترجع ، عارف ان دا اكتر كلام رومانسي سمعته في حياتي ...

فهد : بتتريقي ، صح ...

سلمي : ابدا ، انا مبسوطة انك رجعت ، بس ...

فهد : بس ايه ...

كانت تنظر اليه بعد ان رسمت البرود علي وجهها ، اجل فهي كانت تحاول جاهدتا الا تشعر باي شئ في هذه المرحلة ، فعودته المبكرة هذه لا تعلم هل كانت امنيتها هي ام امنية سارا ...

اخذت نفسا عميقا وهي تجاهد لكي تهدئ قلبها الرافض لما هي مقدمه عليه ...

سلمي "محدثتا نفسها" : يلا يا سلمي ، انتي قوية وهتقدري ، هما كلمتين هتقوليهم لفهد وبعدها كل حاجة هتنتهي ، يلا انتي مش هتقولي غير ان سارا اختك اللي مراته لسة عايشة ، يلا انطقيها وانهي كل حاجة ...

لتتفاجئ باصابعه علي ذقنها ليدير وجهها ويجعلها تنظر الي عيناه ...

فهد : بس ايه يا سلمي ، قولي ، انا سامعك ...

سلمي "محدثتا نفسها ما ان نظرت الي عيناه" : اااااااه من عينيك دول يا فهد ، العيون دي كنت متعودة دايما اني اشوف فيهم الغضب والكره ليا لكن دلوقت مابقاتش اشوف فيهم غير الحب والعشق اللي جواك ليا ، يا تري لو ما قولتش لفهد اي حاجة عن سارا وبعدها اشوف طريقة ابعد بيها سارا نهائي عن هنا ، مش وقتها هيبقي فهد ليا انا وبس للابد ، بس لو عرف بعد كدا ان سارا لسة عايشة واني كدبت عليه وما قولتلوش ، يا تري هيكون رد فعله ايه ، اكيد هيسيبني ويبعد قبل حتي ما افتح بوقي واقوله اقعد ما تمسيش ...

لتنظر اليه وتبتسم ...

سلمي : مفيش يا حبيبي ، بس اصلي الايام جاية هكون مشغولة اوي ، طبعا انا كنت مفكرة انك هتكون لسة مسافر بس مادام رجعت فانا هضطر اني اشتغل من هنا في البيت عشان اكون معاك وفي نفس الوقت اكمل الشغل وعشان كدا انا هرجع اوضتي عشان ما ضايقكش وانا بشتغل ...

لقد كذبت ، اجل اختارت ان تكذب عليه لانها لازالت في حاجة للمزيد من الوقت لكي تقضيه معه ولكن مع حفاظها علي السرية التي فرضتها علي طبيعة العلاقة بينها وبين فهد والتي تخفيها عن سارا ...

فهد : عايزة ترجعي اوضتك وتسبيني عشان ما تضايقنيش وانتي بتشتغلي ، صح ...

لتومئ براسها له ...

فهد : وانا مش موافق ...

لتفتح عيناها بصدمة ، فعدم موافقته سيجعل كل ما تخطط له لن يتم ...

ليبتسم وهو يمسك يدها ويجلسها بجواره ...

فهد "بلطف" : حبيبي ، انتي عارفة ومتأكدة من حبي ليكي واني مستحيل اعمل اي حاجة تأذيكي ، صح ...