تزوجت زوج أختي (الجزء الأول والجزء الثاني)

اقتباسات تشويقيه

اقتباس (1)

سلمي "ببرود" : واديك دلوقت عرفت سري ، قولي ناوي تعمل ايه باكتشافك الرهيب دا ...

نظر اليها مستغربا ومتجمدا من هول ما فهمه عقله ...

سلمي : ايه ، مستغرب ليه ...

عز : لازم استغرب وانا شايفك بتتعاملي بكل البرود دا ، البرود دا مش بتاعك انتي يا سلمي ولا لايق عليكي ، وبعدين انتي ازاي تتهميني ان انا ممكن استغلك الصور دي ضدك ، ايه انتي خلاص بقيتي شاكة ان الناس كلها زيها زي فهد ، معقول انا كنت فاهمك غلط ، بجد انا مصدوم فيكي ...

سلمي : مصدوم فيا ليه ...

عز : لاني كنت فاكر انك اكتر واحدة فهماني صح وعرفاني كويس وانك لا يمكن تحكمي عليا زي باقي الناس ما بتحكم عليا...

سلمي : بقولك ايه يا عز مالوش لازمة كل اللي انت بتعمله دا ، وانا خلاص وصلتني اجابة سؤالي ...

عز "بسخرية" : وايه هي الاجابة دي يا سلمي ...

سلمي : صوتي في اجتماع مجلس الادارة ، انت محتاج تضمن ان صوتي يكون لصالحك ، مش كدا ، ومع انك عارف ان ليلي قابلتني برضو عشان نفس السبب والاجابة اللي انا قولتهالها ووصلتك واللي هي ، ان انا هكون علي الحياد لا معاها ولا معاك ، ما عجبتكش ، فقررت انك تبتزني بالصور دي ، صح ...

عز "بصدمة وبخفوت" : لا لا ، دي لا يمكن تكون سلمي ابداااااااا ، ايوة اكيد فيه حاجة غلط ، سلمي اللي انا اعرفها لا يمكن تظن السوء في الناس بالشكل دا ، اكيد فيه حاجة وهي بتحاول تخفيها باللي بتعمله دا ...

اقتباس (2)

ليلتفت اليها ...

عز : بس انتي لو اخترتي صفي وصوتيلي يبقي كدا انتي هتقفي في مواجهة فهد ...

سلمي : عارفة ...

عز : ايوة بس انا مش عايز اكون السبب في مشاكل بينك وبين فهد ، حتي لو هتعملي كدا من نفسك وانتي عارفة عواقب اللي هتعمليه مع فهد ...

سلمي : مواجهتي انا وفهد هتحصل هتحصل ، وقريب اوي ...

عز : قصدك علي الاجتماع ...

سلمي : لا ، في المحكمة ...

عز : ايه ...

اقتباس (3)

ليلي : ايه سكت ليه ، عرفت ان كلامي صح وانك السبب وراء كل اللي حصل ...

فهد : لا يا ليلي ، مش انا السبب ، ولو علي طريقتي مع سلمي هي الشماعة اللي هتعلقي عليها اللي عمله اخوكي ، فاحب اقولك ان اخوكي دا واحد غبي لانه فكر يقرب من واحدة مخطوبة من الاول ، هو اللي قرر يلاحقها حتي وهو عارف انها هتبقي مراتي ، اما بقي موقفي انا من سلمي فهي اكتر واحدة كانت فاهمة طبيعة جوازنا لو تم لاني كنت صريح معاها وقولتلها من الاول انها مش هيكون ليها اي مكان لا في قلبي ولا في حياتي عشان ...

ليلي "مقاطعتا" : عارفة ، عشان سارة ، حب حياتك اللي ماتت ووعدك ليها علي قبرها انك عمرك ما هتسمح لاي واحدة انها تاخد مكانها ولا هتسمح لنفسك انك تحب مرة تانية ، ياخي حرام عليك ، فوق بقي يا فهد ، سارة ماتت ، والحياة ما بتوقفش لا دي بتكمل ، ودا اللي حصل معاك ، الحياة اديتلك واحدة طيبة وبتحبك وانت في المقابل عملت ايه ، طردتها بعيد عن حياتك عشان خاطر شبح مراتك اللي ماتت ...

لتمسك بحقيبة يدها ...

ليلي : مبروك عليك وفائك بوعدك للاموات واحب ابشرك ان عز خلاص مابقاش يبعده عن مجموعة العمري حبيبتك الا خطوة واحدة بس ، سلام يا ابن عمي ...

ãæÚÏäÇ Çæá ÇÍÏ ÈÚÏ ÇáÚíÏ ÈÃÐä Çááå

ßá ÚÇã æÇäÊã ÌãíÚÇ ÈÎíÑ