تزوجت زوج أختي (الجزء الأول والجزء الثاني)

الحلقة الرابعة عشر

المالديف

غرفة فهد

لم تستطع ان تسيطر علي دموعها التي تدفقت دون انقطاع لدرجة جعلتها تشعر انها تستطيع ان تستحم فيها ...

سلمي "باكيتا" : انا ليه بعيط ، معقول بكون بعيط عشان انا من شوية وافقت اني اسلم نفسي وجسمي للراجل اللي عمره ما كان ولا هيكون ليا ، والا بعيط علي نفسي لان انا اللي بعد ما كل دا حصل ، انا اللي اضربت بالعصيا ...

حاولت ان توقف دموعها والا تبكي ولكنها لم تستطع ...

سلمي : بجد انا مثيرة للشفقة ، ولو ماما كانت هنا وشافتني كان زمانها قعدة تتريق عليا وتبهدلني وطبعا هتسمعني جملتها الشهيرة ، "العياط عمره ما هيفيد ولا هيحل مشكلة" ، بس اعمل ايه ، مفيش في ايدي حاجة اعملها ، بعد ما كسرلي قلبي...

لتبكي بقوة مما جعل كلا من قلبها وراسها وعيناها يؤلمونها ، كانت تشعر بالفراغ يملئ جسدها والبرد كما لو كانت تقف علي قمة جبل جليدي ...

سلمي "باكيتا" : طلعتي غبية يا سلمي ، كنتي فاكرة ان لو العلاقة دي حصلت كدا علاقتك انتي وفهد هتتغير ، واديكي شوفتي بنفسك ، ما قدرش يكمل وسمعك كلام زي السم ، انسي يا سلمي ، مفيش حاجة هتتغير ، كنتي منتظرة ايه وهو قالهالك من قبل حتي ما تتجوزيه ، مش هتطلعي من الجوازة دي باي حاجة غير لقبك وبس ، بس انتي فكرتي انك ممكن تغيري قدرك وتخليه يحس بيكي بطريقتك وادي النتيجة ، اتعامل معاكي اسوء معاملة ممكن تتعاملها واحدة ست ، دا لو كان جايب واحدة من الشارع كان هيعاملها احسن من كدا لكن انتي ، انتي اللي عمر ما حد قدر يهينك بالشكل دا ، الراجل الوحيد اللي حبتيه هانك وجرح كرامتك عادي خالص ، ااااااه ، انا عطشانة ، انا فعلا عطشانة ...

لتستجمع ما تبقي من قوتها لتتجه الي الاريكة التي اصبحت سرير نومها منذ ان اتت الي هذا المكان ، لتستلقي عليها متكورتا في نفسها ...

سلمي : انا محتاجة اكون في مكان بعيد ، مكان احس فيه بالأمان ، مكان ما يكونش له اي علاقة بكل اللي انا عايشاه دلوقت ، بس يا تري هو فين المكان دا ...

كانت حزينة ولكنها بجانب ذلك كانت غاضبة ، فالطريقة التي تعامل بها معها كانت مقززة لدرجة انها أكتفت ، لم تعد تحتمل هذا اكثر من ذلك ...

سلمي : انا خلاص مش هينفع اكون في نفس المكان اللي هو فيه ، يمكن لان انا خجولة ودي حاجة انا عارفاها كويس ، ولاني عارفة كمان ان بعد اللي عمله دا انا لا يمكن يكون ليا مكان في حياته ، وعشان كدا انا لازم ابعد وما حاولش اقرب منه تاني ولا اعمل اي حاجة تانية تخليني اتعرض للي اتعرضتله النهاردة ...

لتبتسم بسخرية علي ما تقوله ...

سلمي : بجد انا كنت هصدق نفسي ، بقي انا هقدر اعمل اللي قولته دا ، انا بضحك علي مين وانا اكتر واحدة عارفة نفسي وعارفة ان اول ما الشمس تطلع هرجع تاني لطبعي المهبب اللي بيوديني في داهية ، زي الموبايل لما بنعمله فرمته ونرجعه لوضع اعدادات المصنع ، اهو انا هرجع لوضع اعدادات المصنع ، يبقي ليه بقاوح وبقول حاجات انا مش قدها....