تزوجت زوج أختي (الجزء الأول والجزء الثاني)

الحلقة الثالثة والعشرون

في صباح اليوم التالي

مجموعة العمري بدبي

مكتب ليلي

كانت تجلس في مكتبه شاردتا مع افكارها والتي تدور حول ما يحدث في حياتها خاصتا مع دخول كمال المصري اليها ...

ليلي : يعني انا ما عرفتش انام بليل ، وكنت عايزة حازم يلهيني باي طريقة ، عملي الدراما بتاعته وسابني ومشي ، والاخ المغرور مستحوذ علي كل تفكيري ومش عارفة اعمل ايه معاه ، اااااااااااااااااااااه ، اهو انا دلوقتي مطلوب مني اتعامل معاه وافضل طول اليوم اعاني من الصداع النصفي اللي بيسببهولي ، بس الحمد لله اننا قدرنا نوصل مشاعرنا تجاه بعض لبعض ، يعني هو عارف ان انا مش بطيقه زي بالضبط ما هو كمان مش بيطيقني ، بس دا طبعا مالوش دخل بالشكل ، احنا ناس بروفيشنال وقادرين نفصل بين الشغل ومشاعرنا الشخصية ...

لتنتبه اليه وهو يجلس امامها يتصفح الملف الذي طالبها باعداده ...

كانت تشعر انه يتعمد استفزازها بتجاهله لها ...

كمال "بغرور ووقاحة" : تصدقي انتي طلعتي زي ما توقعت بالضبط ، انا حتي ما اتصدمتش من كونك شريك شغل مش في نفس المستوي من الاحترافيه ، بس الصراحة المشروع اللي احنا الاتنين بنتشارك فيه دا هو اكتر مشروع هيجيلي من وراه ارباح ، ولما الامور تتعلق بالشغل ، فاعرفي اني هكون الذئب اللي مستعد يفترس اي حد يهدد شغلي ويعرضه للخطر ...

ليلي "هامستا" : يخربيت غلاستك بس علي قد غرورك وغلاستك دي علي قد ما نفسي اتجوزك ليوم واحد بس وانت حلو كدا وزي القمر ، بس ازاي يهيني بالشكل دا ، دا لو اي حد سمعه هيفتكر اني واحدة فاشلة وماليش اي لازمة في المشروع دا ...

لتنتبه اليه ...

ليلي : احم ، افهم ان شغلي علي الملف مش عاجبك ...

كمال "ببرود" : واضح انك محتاجة نظارة عشان تشوفي كويس وانتي بتشتغلي ...

ليلي "بغضب" : خلاص ، كان ممكن تقول اه وتسكت ، علي العموم انا هرجع اشتغل علي الملف مرة تانية ومفيش داعي للافورة اللي انت عاملها دي ...

لينظر اليها بلا مبالاه ...

كمال : الافورة اللي انتي بتتكلمي عليها دي حقي ...

ليلي : حقك ...

كمال : ايوة حقي ولو كنتي نسيتي افكرك ان المشروع دا انا وشركتي دافعين فلوس كتير اوي وانا مش من طبعي احط فلوس في مشروع خسران ، عرفتي ليه حقي ...

ليلي : اوك ، اوك ، خلاص فهمت ، وخلاص انا قولتلك اني هقعد اشتغل علي الملف وبكرا هيكون جاهز ، ممكن بقي تتفضل لان مابقاش عندي اي طاقة للخناق ...

لينهض من مكانه وينظر اليها وبنبرة تمتلئ بالسخرية ...

كمال "ساخرا" : يا ريت تتعلمي الاول ازاي تفصلي بين حياتك الشخصية وحياتك العملية ، يعني مش المفروض ان مشاكلك مع حبيبيك يكون ليها تأثير علي شغلنا ...