သူ့ကိုယ်သူ သူမလဲလျောင်းရာ မယ်ဒီရာ့အိပ်ဆောင်ဆီ သွားပြီး သူမကို နမ်းချင်၊ စချင်ကြောင်း စိတ်ကူးယဉ်နေမိမှန်း သတိထားမိချိန်မှာတော့ ရှက်ရွံ့သွားရသည်။
မယ်ဒီရာ့က သူမရဲ့ အပျိုထိန်းကို မျက်စောင်းထိုးလိုက်သည်။ ဘာလို့များ လိုင်လ်ရောက်လာတာကို သူမကို မပြောပါလိမ့်။
သူမသာ သိရင် အခန်းထဲ ပုန်းပြီး နေမကောင်းဖြစ်ဟန်ဆောင်၍ ရလေသည်။
မယ်ဒီရာ့မှာ ကိုယ်ပိုင် အပျိုတော်များစွာရှိသော်လဲ သူမရဲ့ အတိတ်မေ့မှုနဲ့ မူမမှန်တဲ့ အပြုအမူကြောင့် အပျိုတော်ထိန်းက မျက်ခြေမပျက် စောင့်ကြည့်နေခြင်းပင်။
"ကိုယ်တော် ရောက်လာကြောင်း အကြောင်းမကြားဖို့ ကိုယ်တော် မှာထားတာ။ ကိုယ်တော်ရောက်နေမှန်းသိရင် ဘုရင်မက အရင်တခေါက်လို လမ်းပျောက်နေမှာစိုးလို့"
အမှန်တကယ်ပင် မယ်ဒီရာ လိုင်လ့်ကို ကြည့်နေသည့်ပုံမှာ အခန်းထဲ ဝင်ပြေးပြီး တခါးလော့ချချင်ပုံပင်။ ထိုအမူအရာကို ကြည့်ပြီး သူ့ရဲ့ သဘောတကျ အပြုံးကို လိုင်လ် မဖုံးကွယ်နိုင်ပေ။
သူသာ အခုချိန်တွက် အိပ်ဆောင်ထဲ ဝင်လျှင် စိတ်ထိန်းနိုင်မည်မဟုတ်ပေ။
"လာထိုင်လေ။ ကိုယ်တော်ကြားတာတော့ ဒီနေ့စားတော်ပွဲက ဘုရင်မ အကြိုက်ချည်းပဲဆို"
မီနူးကို ကြည့်ကာ လိုင်လ် အံ့ဩသွားသည်။
အရင် မယ်ဒီရာက မြက်သာသာ အရွက်တွေသာ စားသလောက် ဒီနေ့ မယ်ဒီရာကတော့ အသားစားသတ္တဝါဖြစ်တော့မလို အသားချည်းသား အဓိကထားထားသည်။ အရွက်ဆိုလို့ အသားဟင်းထဲ အရံအနေနဲ့သာ ပါလေသည်။
သူမရဲ့ မသာမယာမျက်နှာကို ဖုံးမကွယ်ထားနိုင်ပဲ မယ်ဒီရာက စားပွဲဆီလျှောက်လာသည်။
လိုင်လ်က စားပွဲထိပ်မှာ ထိုင်ကာ စူပုတ်နေတဲ့ မယ်ဒီရာကို ဆွဲပွေ့ချင်စိတ်မနည်းထိန်းထားရလေသည်။
သူမ လိုင်လ်နဲ့ မျက်နှာချင်းဆိုင်ထိုင်လိုက်သည်နှင့် ဟင်းပွဲတွေ စချတော့သည်။ အစားအစာကို မြင်တာနဲ့ သူမရဲ့ စူပုတ်ပုတ်မျက်နှာက ပြေလျော့သွားသည်။
YOU ARE READING
Your Majesty is annoying (Myanmar Translation)
RomanceI am not the original publisher of the story. This is just a fan translation.
အပိုင်း (၂၃)
Start from the beginning